វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

រដ្ឋមន្ត្រីការបរទេស លោក Le Hoai Trung ទទួលស្វាគមន៍រដ្ឋមន្ត្រីការបរទេសក្រិក លោក George Gerapetritis។

នៅឯការជួបចរចា រដ្ឋមន្ត្រីការបរទេស លោក Le Hoai Trung បានអះអាងថា វៀតណាមតែងតែចាត់ទុកជាសំខាន់ទំនាក់ទំនងមិត្តភាពប្រពៃណីជាមួយនិងក្រិក។ ទំនាក់ទំនងរវាងប្រទេសទាំងពីរត្រូវបានពូនជ្រំនៅលើមូលដ្ឋានគ្រឹះនៃការផ្សារភ្ជាប់គ្នាយ៉ាងស្អិតល្មួតរវាងប្រជាជននៃប្រទេសទាំងពីរ នៅក្នុងនោះវីរជននៃកងកម្លាំងប្រដាប់អាវុធប្រជាជន លោក Kostas Sarantidis ហៅ Nguyen Van Lap គឺជាជានិមិត្តរូបដ៏លេចធ្លោមួយនៃសាមគ្គីភាពព្រមទាំងមិត្តភាពវៀតណាម - ក្រិក។

ក្នុងគោលបំណងនាំឱ្យទំនាក់ទំនងទ្វេភាគីអភិវឌ្ឍន៍ជាក់ស្តែងព្រមទាំងមានប្រសិទ្ធភាពថែមទៀតនោះ រដ្ឋមន្ត្រី លោក Le Hoai Trung បានស្នើឱ្យប្រទេសទាំងពីរបន្តបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសគឺថ្នាក់ជាន់ខ្ពស់ សម្របសម្រួលយ៉ាងកៀកកិតព្រមទាំងគាំទ្រគ្នាទៅវិញទៅមកនៅឯបណ្តាវេទិកាពហុភាគីព្រមទាំងអង្គការអន្តរជាតិ ជាពិសេសគឺនៅក្នុងពេលវេលាដែលក្រិកទទួលរ៉ាប់រងតួនាទីជាសមាជិកមិនអចិន្ត្រៃយ៍ក្រុមប្រឹក្សាសន្តិសុខអង្គការសហប្រជាជាតិនាអាណត្តិ ២០២៥-២០២៦។

ភាគីទាំងពីរត្រូវការវាយតម្លៃខ្ពស់ប្រសិទ្ធភាពនៃបណ្តាយន្តការសហប្រតិបត្តិការដែលមានស្រាប់ បង្កើនការតភ្ជាប់រវាងសហគមន៍សហគ្រាសព្រមទាំងពង្រីកសហប្រតិបត្តិការនៅឯបណ្តាវិស័យដែលនៅមានសក្តានុពលជាច្រើនដូចជា ការដឹកជញ្ជូនតាមសមុទ្រ ឡូជីស្ទីក ថាមពលកកើតឡើងវិញ វប្បធម៌ ទេសចរណ៍ វិទ្យាសាស្ត្រ - បច្ចេកវិទ្យាព្រមទាំងការផ្លាស់ប្តូរថ្មីច្នៃប្រឌិត។

រដ្ឋមន្ត្រី លោក Le Hoai Trung ក៏បានស្នើឱ្យប្រទេសទាំងពីរឆាប់បង្ហើយការចុះហត្ថលេខាលើបណ្តាឯកសារ កិច្ចព្រមព្រៀងសហប្រតិបត្តិការ ចេញពីទីនោះបង្កើតជាមូលដ្ឋានគតិយុត្តិសំខាន់ដើម្បីជម្រុញការដោះដូរពាណិជ្ជកម្មនៅក្នុងបណ្តាវិស័យដឹកជញ្ជូនតាមសមុទ្រ ពលកម្មព្រមទាំងជៀសវាងការយកពន្ធត្រួតគ្នាពីរដង។

ពាក់ព័ន្ធទៅនឹងកិច្ចសហប្រតិបត្តិការរវាងវៀតណាមព្រមទាំងសហភាពអឺរ៉ុប EU រដ្ឋមន្ត្រី លោក Le Hoai Trung បានថ្លែងអំណរគុណចំពោះបណ្តាការវាយតម្លៃវិជ្ជមានរបស់ក្រិកចំពោះមុខការខិតខំប្រឹងប្រែងរបស់វៀតណាមក្នុងការលុបចោល "កាតលឿង" IUU ចំពោះមុខគ្រឿងសមុទ្រនាំចេញ ព្រមទាំងស្នើឱ្យក្រិកបន្តមានសំឡេងជម្រុញគណៈកម្មការអឺរ៉ុប EC ឆាប់លុបចោលការព្រមាននេះ។ ទន្ទឹមនឹងនោះដែរ វៀតណាមមានបំណងចង់ឱ្យក្រិកចលនាបណ្តាប្រទេសជាសមាជិក EU ដែលនៅសេសសល់ឆាប់អនុម័តកិច្ចព្រមព្រៀងគាំពារការវិនិយោគវៀតណាម - EU ហៅកាត់ថា EVIPA។

រដ្ឋមន្ត្រី លោក Le Hoai Trung បានស្វាគមន៍ចំពោះផែនការចាត់តាំងគណៈប្រតិភូសហគ្រាសក្រិកមកកាន់វៀតណាមដើម្បីស្វែងយល់ទីផ្សារ ជំរុញខ្លាំងការវិនិយោគ ព្រមទាំងបានអះអាងថា ក្រសួងការបរទេសវៀតណាមត្រៀមខ្លួនជាស្រេចគាំទ្រដើម្បីឱ្យដំណើរទស្សនកិច្ចសម្រេចបានលទ្ធផលល្អប្រសើរ។

ចំពោះភាគីក្រិកវិញ រដ្ឋមន្ត្រីការបរទេស លោក George Gerapetritis បានវាយតម្លៃខ្ពស់ចំពោះមុខបណ្តាស្នាដៃអភិវឌ្ឍន៍សេដ្ឋកិច្ច - សង្គម ក៏ដូចជាឋានៈកាន់តែខ្ពស់ឡើងរបស់វៀតណាមនៅលើឆាកអន្តរជាតិ។

លោកប្រមុខការបរទេស George Gerapetritis បានអះអាងថា ក្រិកត្រៀមខ្លួនជាស្រេចធ្វើជាស្ពានចម្លងសម្រាប់វៀតណាមចូលទៅកាន់អឺរ៉ុប ទន្ទឹមនឹងនោះមានបំណងចង់ជម្រុញបន្ថែមទៀតទំនាក់ទំនងសហប្រតិបត្តិការទ្វេភាគីនៅក្នុងទូទាំងគោលនយោបាយសរុបរបស់ក្រិកចំពោះមុខតំបន់អាស៊ី - ប៉ាស៊ីហ្វិក។

រដ្ឋមន្ត្រីទាំងពីររូបបានឯកភាពបន្តវាយតម្លៃខ្ពស់តួនាទីជាស្ថាប័នបង្គោលតភ្ជាប់នៃក្រសួងការបរទេសនៃប្រទេសទាំងពីរ សម្របសម្រួលចាត់តាំងអនុវត្តបណ្តាខ្លឹមសារសហប្រតិបត្តិការព្រមទាំងរក្សាជាប្រចាំនូវបណ្តាយន្តការផ្លាស់ប្តូរមតិនិងពិគ្រោះយោបល់។

លោកប្រមុខការបរទេស George Gerapetritis បានថ្លែងអំណរគុណវៀតណាមដែលបានបើកទ្វារទីផ្សារសម្រាប់ផ្លែគីវីរបស់ក្រិក ទន្ទឹមនឹងនោះបានស្នើឱ្យភាគីទាំងពីរបន្តស្រាវជ្រាវ ជម្រុញការចុះហត្ថលេខាលើបណ្តាកិច្ចព្រមព្រៀងក្នុងគោលបំណងបង្កើតលក្ខខណ្ឌងាយស្រួលដើម្បីឱ្យបណ្តាមុខទំនិញលេចធ្លោដទៃទៀតរបស់ក្រិកអាចឈានចូលទីផ្សារវៀតណាម។

ភាគីក្រិកក៏បានអះអាងថាត្រៀមខ្លួនជាស្រេចជម្រុញការតភ្ជាប់រវាងបណ្តាមូលដ្ឋាននៃប្រទេសទាំងពីរ ចុះហត្ថលេខាលើបណ្តាឯកសារសហប្រតិបត្តិការ ចាត់តាំងអនុវត្តផ្លូវហោះហើរត្រង់វៀតណាម - ក្រិកព្រមទាំងបង្កើនសហប្រតិបត្តិការនៅក្នុងបណ្តាវិស័យប្រៀបខ្លាំងដូចជាកិច្ចការសមុទ្រ កំពង់ផែសមុទ្រ វិទ្យាសាស្ត្រ - បច្ចេកវិទ្យា ស្រាវជ្រាវទម្រង់ក្រុមហ៊ុនរួមទុនការកសាងនាវារវាងប្រទេសទាំងពីរ។

ទន្ទឹមនឹងនោះដែរ ក្រិកបានឯកភាពបង្កើតលក្ខខណ្ឌងាយស្រួលដើម្បីឱ្យសហគមន៍ប្រជាជនវៀតណាមនៅឯប្រទេសនេះរស់នៅ ធ្វើការ ចេញពីទីនោះវាយតម្លៃខ្ពស់តួនាទីជាស្ពានចម្លងសំខាន់សម្រាប់ទំនាក់ទំនងទ្វេភាគី។

នៅឯការជួបចរចា រដ្ឋមន្ត្រីទាំងពីររូបក៏បានផ្លាស់ប្តូរមតិយ៉ាងស៊ីជម្រៅព្រមទាំងទូលំទូលាយអំពីបណ្តាបញ្ហាតំបន់ព្រមទាំងអន្តរជាតិដែលក្ដោបក្ដាប់ការយកចិត្តទុកដាក់រួម ឯកភាពបង្កើនសហប្រតិបត្តិការនៅឯអង្គការសហប្រជាជាតិព្រមទាំងនៅក្នុងក្របខ័ណ្ឌអាស៊ាន - EU គាំទ្រសកលនិយមពហុភាគីព្រមទាំងច្បាប់អន្តរជាតិ។

ភាគីទាំងពីរបានអះអាងនូវ tầm សំខាន់នៃការធានាសន្តិភាព ស្ថិតស្ថេរភាព សន្តិសុខ សុវត្ថិភាពព្រមទាំងសេរីភាពនៃការធ្វើនាវាចរណ៍ សេរីភាពអាកាសចរណ៍ ដោះស្រាយរាល់ការវិវាទដោយវិធានការសន្តិភាពព្រមទាំងអនុវត្តយ៉ាងម៉ឺងម៉ាត់ច្បាប់អន្តរជាតិ ជាពិសេសគឺអនុសញ្ញាអង្គការសហប្រជាជាតិស្តីពីច្បាប់សមុទ្រនាឆ្នាំ ១៩៨២ ហៅកាត់ថា UNCLOS ១៩៨២៕

វៀតណាមនិងក្រិក បង្កើនកិច្ចសហប្រតិបត្តិការសេដ្ឋកិច្ចនិងពាណិជ្ជកម្ម នារសៀលថ្ងៃទី ១ សីហា នៅទីក្រុងហាណូយ ប្រធានរដ្ឋវៀតណាម លោក Nguyen Xuan Phuc បានអញ្ជើញទទួលជួបជាមួយរដ្ឋមន្ត្រីការបរទេសក្រិក Nikolaos Dendias ដែលកំពុងបំពេញទស្សនកិច្ចនិងធ្វើការនៅវៀតណាម។

ប្រធានាធិបតីក្រិកស្នើឲ្យសហប្រតិបត្តិការជាមួយទីក្រុងហូជីមិញលើវិស័យអប់រំនិងវប្បធម៌ ក្នុងក្របខ័ណ្ឌដំណើរទស្សនកិច្ចជាផ្លូវការនៅវៀតណាម នាថ្ងៃទី ១៨ ឧសភា គណៈប្រតិភូជាន់ខ្ពស់ក្រិក ដឹកនាំដោយលោកស្រីប្រធានាធិបតី Katerina Sakellaropoulou បានអញ្ជើញមកដល់ទីក្រុងហូជីមិញ។

ឌឹកអាញ់

thoidai.com.vn