ADB បានជួយរដ្ឋបាលខេត្តកែបសិក្សាគម្រោងសាងសង់កំពង់ផែស្តង់ដារចំនួនពីរសម្រាប់បម្រើវិស័យជលផល និងទេសចរណ៍។
 ធនាគារ ADB : កម្ពុជាគួរពិចារណាលើការអភិវឌ្ឍផែនទីនៃការផ្លាស់ប្តូរឧស្សាហកម្មដើម្បីផ្លាស់ប្តូរទៅរកបដិវត្តឧស្សាហកម្មទី៤ |
 ADB ព្យាករណ៍កំណើនសេដ្ឋកិច្ចកម្ពុជាគឺខ្ពស់បំផុតនៅក្នុងតំបន់ |
លោក វ៉ៅ សុខា អភិបាលរងខេត្តទទួលបន្ទុក បានឲ្យដឹងថាមន្ត្រីខេត្ត និងក្រុមការងាររបស់ ADB កំពុងធ្វើការលើគម្រោងបង្កើតទីតាំងកំពង់ផែ។
លោកនិយាយថាគម្រោងសាងសង់ និងកែប្រែកំពង់ផែនេសាទទាំង ២នេះ ស្ថិតក្នុងគម្រោងជលផលតំបន់ឆ្នេរ និងសមុទ្រប្រកបដោយនិរន្តរភាព របស់ ADB ដែលគ្រោងចំណាយថវិកា ១០០លានដុល្លារ លើខេត្តជាប់មាត់សមុទ្រទាំង ៤ របស់ប្រទេសកម្ពុជា។
ការចំណាយ ៥០ លានដុល្លារនៃគម្រោងនេះនឹងមកពី ADB (១០ លានដុល្លារ) មូលនិធិហេដ្ឋារចនាសម្ព័ន្ធអាស៊ាន (១០ លានដុល្លារ) និងទីភ្នាក់ងារអភិវឌ្ឍន៍បារាំង (French Development Agency) (៣០ លានដុល្លារ)។
លោកបន្តថា៖ «ការអភិវឌ្ឍកំពង់ផែទាំងពីរនេះនឹងជួយសម្រួលដល់វិស័យទេសចរណ៍ និងទូកនេសាទ»។
 |
| ខេត្តកែប (រូបថត៖ Viet Vision Travel) |
គម្រោងនេះត្រូវបានពិភាក្សាផងដែរនៅក្នុងកិច្ចប្រជុំកាលពីសប្តាហ៍មុន នៅពេលដែលលោក វ៉ៅ សុខា អភិបាលរងខេត្តកែប និងតំណាង ADB ដឹកនាំដោយលោក Saunders Lindsay ប្រធានក្រុមគម្រោងជលផលឆ្នេរសមុទ្រ និងនិរន្តរភាពកម្ពុជា។
លោក សុខា បាននិយាយថាការកសាងចំណតទូកផ្សារក្តាម និងការកែលម្អចំណតទូកឲ្យក្លាយទៅជាផែស្តង់ដាសម្រាប់ជលផលនេសាទ និងសម្រាប់វិស័យទេសចរណ៍ផងដែរ។
ADB និយាយថា គម្រោងនេះនឹងជួយវិស័យជលផលក្នុងការជំរុញវិធានការបន្សាំ និងកាត់បន្ថយដែលសមស្របទៅនឹងប្រព័ន្ធអេកូឡូស៊ីឆ្នេរ និងសមុទ្រនីមួយៗ ពង្រឹងហេដ្ឋារចនាសម្ព័ន្ធក្រោយការប្រមូលផលដែលធន់នឹងអាកាសធាតុ និងជំរុញការវិនិយោគក្នុងខ្សែសង្វាក់តម្លៃប្រកបដោយសុវត្ថិភាព និងនិរន្តរភាព ព្រមទាំងការផ្តល់ហិរញ្ញប្បទានសម្រាប់សមុទ្រក្នុងការគ្រប់គ្រងជលផល។
ខេត្តកែបក៏កំពុងសាងសង់កំពង់ផែទេសចរណ៍តម្លៃ ១.៦ លានដុល្លារ ដែលមានទីតាំងនៅកោះទន្សាយ ចម្ងាយប្រហែល ៤.៥ គីឡូម៉ែត្រពីឆ្នេរសមុទ្រខេត្តកែប។ ការសាងសង់នេះកំពុងដំណើរការក្រោមហេដ្ឋារចនាសម្ព័ន្ធទេសចរណ៍មហាអនុតំបន់ទន្លេមេគង្គរបស់ ADB សម្រាប់គម្រោងកំណើនរួមដំណាក់កាលទី II៕
kh.qdnd.vn
មតិពីមិត្តអ្នកអាន