យុគសម័យ - GDP របស់ប្រទេសកម្ពុជានឹងកើនឡើង ៧% នៅឆ្នាំ ២០១៩ ដែលជាអត្រាខ្ពស់បំផុតក្នុងចំណោមបណ្តាប្រទេសសមាជិកអាស៊ាន។
រាជធានីភ្នំពេញ
យោងតាមរបាយការណ៍របស់ធនាគារអភិវឌ្ឍន៍អាស៊ី (ADB) ផលិតផលក្នុងស្រុកសរុប (GDP) របស់ប្រទេសកម្ពុជានឹងកើនឡើង ៧% នៅឆ្នាំ ២០១៩ និង ៦,៨% នៅឆ្នាំ ២០២០ ចំណែកអតិផរណានឹងកើនឡើង ២,៥% នៅឆ្នាំ ២០១៩ និង ២០២០។ លើសពីនេះទៀតផលិតផលក្នុងស្រុកសរុបសម្រាប់មនុស្សម្នាក់នៅកម្ពុជាក៏ត្រូវបានគេរំពឹងថានឹងកើនឡើង ៤,៤% ក្នុងឆ្នាំ ២០១៩ និង ៤,២% នៅឆ្នាំ ២០២០ ។
មុនពេលនោះ ផលិតផលក្នុងស្រុកសរុបរបស់កម្ពុជាបានកើនឡើង ៦,៩% ក្នុងឆ្នាំ ២០១៦ ។ ៧% ក្នុងឆ្នាំ ២០១៧ និង ៧,៣% ក្នុងឆ្នាំ ២០១៨។ ដោយមានការព្យាករណ៍កំណើននៃ GDP ជា ៧% នៅឆ្នាំ ២០១៩ កម្ពុជានឹងក្លាយជាប្រទេសដែលមានកំណើនផលិតផលក្នុងស្រុកសរុបខ្ពស់ជាងគេនៅអាស៊ីអាគ្នេយ៍។
ទន្ទឹមនឹងនេះ ធនាគារពិភពលោក (WB) និងមូលនិធិរូបិយវត្ថុអន្តរជាតិ (IMF) ក៏បានព្យាករណ៍ថាសេដ្ឋកិច្ចកម្ពុជានឹងកើនឡើងជិត ៧% នៅក្នុងឆ្នាំ ២០១៩ ។
ក្នុងរយៈពេលពីឆ្នាំ ២០១៣ ដល់ឆ្នាំ ២០១៧ ដើមទុនវិនិយោគមានអាជ្ញាប័ណ្ណរបស់កម្ពុជាសម្រេចបានប្រមាណ ២៣.៣០០ លានដុល្លារហើយក្នុងឆ្នាំ ២០១៨ នេះមានចំនួនជាង ៦.៧៥១ លានដុល្លារអាមេរិក។ ក្នុងឆ្នាំ ២០១៨ នេះការនាំចេញនិងនាំចូលសរុបរបស់កម្ពុជាសម្រេចបាន ២៨.០៣៩ លានដុល្លារ។ ជាពិសេសការនាំចេញសម្រេចបាន ១២,១២៣ លានដុល្លារ។ រចនាសម្ពន្ធ័សេដ្ឋកិច្ចបន្តផ្លាស់ប្តូរពីវិស័យកសិកម្មជាចម្បងទៅឧស្សាហកម្មនិងសេវាកម្មសាធារណៈ។
គុណភាពជីវិតរបស់ប្រជាជនកម្ពុជាក៏ត្រូវបានកែលម្អផងដែរ។ ប្រទេសកម្ពុជាមានបំណងក្លាយជាប្រទេសដែលមានប្រាក់ចំណូលមធ្យមខ្ពស់នៅឆ្នាំ ២០៣០៕
（យោងតាម vov.vn ប្រែសម្រូលដោយវិច្ឆិកា）
មតិពីមិត្តអ្នកអាន