ADB៖ សេដ្ឋកិច្ចវៀតណាមត្រៀមរួចជាស្រេចសម្រាប់ការស្តារឡើងវិញ ដោយរំពឹងសម្រេចបានកំណើន ៦,៥% នៅឆ្នាំ២០២២

ទាំងប្រទេសទទួលភ្ញៀវទេសចរជាង ៥.៥ លាននាក់ក្នុងឱកាសបុណ្យចូលឆ្នាំថ្មី

ធនាគា ADB ជួយទ្រទ្រង់សហគ្រាសខ្នាតតូចនិងមធ្យមនៅវៀតណាមដោយស្ត្រីធ្វើជាម្ចាស់

ADB៖ សេដ្ឋកិច្ចវៀតណាមត្រៀមរួចជាស្រេចសម្រាប់ការស្តារឡើងវិញ ដោយរំពឹងសម្រេចបានកំណើន ៦,៥% នៅឆ្នាំ២០២២

នេះជាការវាយតម្លៃរបស់ធនាគារអភិវឌ្ឍន៍អាស៊ី (ADB) ក្នុងរបាយការណ៍យថាទស្សន៍អាស៊ី ២០២២ ផ្នែកបច្ចុប្បន្នភាពទិដ្ឋភាពទូទៅនិងយថាទស្សន៍សេដ្ឋកិច្ចរបស់វៀតណាមសម្រាប់ដំណាក់កាល ២០២២-២០២៣ ដែលបានចេញផ្សាយនៅថ្ងៃទី ៦ ខែមេសា។

ក្នុងពិធីប្រកាសរបាយការណ៍នេះ លោក Nguyen Minh Cuong អ្នកជំនាញសេដ្ឋកិច្ចជាតិរបស់ ADB បានវិភាគថា៖ “សន្ទស្សន៍សេដ្ឋកិច្ចភាគច្រើនរបស់វៀតណាមទើបប្រកាសនេះបានបង្ហាញពីការស្តារឡើងវិញ។ ក្នុងបរិបទបច្ចុប្បន្ន ការព្យាករណ៍កំណើនសេដ្ឋកិច្ចរបស់ ADB សម្រាប់វៀតណាមមានភាពវិជ្ជមាន។ ប្រការនេះគឺផ្អែកលើហេតុផលមួយចំនួនដូចជា៖ ទីមួយ ដោយសារតែការស្តារឡើងវិញនៃឧស្សាហកម្ម ជាពិសេសការផលិតនិងកែច្នៃ ជាមួយនឹងការស្តារឡើងវិញនៃកម្លាំងពលកម្មនិងការងើបឡើងវិញនៃសហគ្រាសមានភាពរឹងមាំ។ ទីពីរគឺពាណិជ្ជកម្ម - ការវិនិយោគ; ពាណិជ្ជកម្មបន្តកើនឡើង; និន្នាការនៃការវិនិយោគបរទេសនៅវៀតណាមបន្តសន្ទុះកំណើនខ្លាំងរបស់ខ្លួន។ កម្លាំងជំរុញកំណើនដ៏សំខាន់បន្ទាប់ គឺវិធានការនិងគោលនយោបាយជំរុញហិរញ្ញវត្ថុ-រូបិយវត្ថុក្នុងកញ្ចប់ស្តារសេដ្ឋកិច្ច ហិរញ្ញវត្ថុ នៃកញ្ចប់ស្តារឡើងវិញនិងអភិវឌ្ឍន៍សេដ្ឋកិច្ច ត្រូវបានរដ្ឋសភាវៀតណាមអនុម័តក្នុងខែមករា ឆ្នាំ២០២២។ កញ្ចប់ជំនួយនេះត្រូវបានរំពឹងថា នឹងបន្តជំរុញការស្ទុះងើបឡើងវិញនិងកំណើនសេដ្ឋកិច្ចរបស់វៀតណាមក្នុងឆ្នាំ ២០២២ និងឆ្នាំ ២០២៣។

អ្នកជំនាញរបស់ ADB បានវាយតម្លៃខ្ពស់ចំពោះការពិតដែលថាកាលពីថ្ងៃទី ១១ ខែមករា រដ្ឋសភាបានអនុម័តកញ្ចប់ដំណោះស្រាយសារពើពន្ធ និងរូបិយវត្ថុ ដែលប៉ាន់ស្មានថាមានរហូតដល់ ១៥ ពាន់លានដុល្លារ ដើម្បីអនុវត្តកម្មវិធីស្តារ និងអភិវឌ្ឍន៍សេដ្ឋកិច្ច (ERDP) នៅឆ្នាំ ២០២២ និងឆ្នាំ ២០២៣។ ១១.៥ ពាន់លាន USD របស់កម្មវិធីរួមមានដំណោះស្រាយសារពើពន្ធដូចជា គោលនយោបាយលើកលែងពន្ធ និងការកាត់បន្ថយ ការគាំទ្រផ្នែកថែទាំសុខភាព ការអភិវឌ្ឍន៍ហេដ្ឋារចនាសម្ព័ន្ធ និងសន្តិសុខសង្គម; និងការគាំទ្រអត្រាការប្រាក់សម្រាប់អាជីវកម្ម និងគ្រួសារអាជីវកម្ម។

យោងតាមការវាយតម្លៃរបស់ ADB កំណើនឧស្សាហកម្មរបស់វៀតណាមត្រូវបានរំពឹងថានឹងឈានដល់ ៩,៥% ក្នុងឆ្នាំ ២០២២; ទិន្នផលកសិកម្មត្រូវបានរំពឹងថា នឹងកើនឡើង ៣,៥% ហើយអតិផរណារបស់វៀតណាមត្រូវបានរំពឹងថានឹងកើនឡើងដល់ ៣,៨% ក្នុងឆ្នាំ ២០២២ និង ៤.០% ក្នុងឆ្នាំ ២០២៣៕

យោងតាមវិឡូសំលេងវៀតណាម