នាថ្ងៃទី ២៥ មិនា ស្ថានទូតវៀតណាមប្រចាំប្រទេសវេណេស៊ុយអេឡា សហការជាមួយសមាគមមិត្តភាពវៀតណាម-វេណេហ្ស៊ុយអេឡា បានបើកវគ្គសិក្សាភាសាវៀតណាមសម្រាប់ប្រជាជនវេណេស៊ុយអេឡា។
 |
| ភារធារីស្ដីទី លោក Van Cong Thang ថ្លែងក្នុងពិធីបើកវគ្គសិក្សាភាសាវៀតណាម (រូបថត៖ vnanet.vn) |
អញ្ជើញចូលរួមក្នុងពិធីបើកនេះ មានភារធារីស្ដីទីវៀតណាមប្រចាំវេណេស៊ុយអេឡា លោក Van Cong Thang ប្រធានសមាគមមិត្តភាព Venezuela-Vietnam (CAVV) លោក Carolus Wimmer និងកម្មាភិបាល និងបុគ្គលិកទាំងអស់នៃស្ថានទូត ថ្នាក់ដឹកនាំ CAVV និងនិស្សិតជាង ៤០ នាក់មកពីក្រសួង សាកលវិទ្យាល័យ និងទីភ្នាក់ងារសារព័ត៌មាននៃប្រទេសវេណេស៊ុយអេឡា។
ថ្លែងមតិក្នុងពិធីបើក ភារធារីស្ដីទី Van Cong Thang បានស្វាគមន៍ចំពោះសិក្ខាកាមទាំងអស់ដែលចូលរួមវគ្គសិក្សាភាសាវៀតណាម។ លោកសង្កត់ធ្ងន់ថា នេះជាវគ្គសិក្សាភាសាវៀតណាមដំបូងបង្អស់ដែលបានរៀបចំឡើងនៅប្រទេសវេណេហ្ស៊ុយអេឡា ដូច្នេះហើយ សិក្ខាកាមទាំងអស់នឹងក្លាយទៅជាអ្នកដំបូងគេបានរៀនភាសាវៀតណាមនៅប្រទេសវេណេស៊ុយអេឡា។
លោក Van Cong Thang រំពឹងថា ក្រោយបញ្ចប់វគ្គសិក្សា សិក្ខាកាមអាចប្រាស្រ័យទាក់ទងជាភាសាវៀតណាម ហើយទន្ទឹមនឹងនោះមានការយល់ដឹងអំពីវប្បធម៌ ប្រទេស និងប្រជាជនវៀតណាម ដោយក្លាយទៅជាស្នូលក្នុងការរួមចំណែកអភិវឌ្ឍន៍ទំនាក់ទំនងមិត្តភាពវៀតណាម-វ៉េណេស៊ុយអេឡា នាពេលខាងមុខ។
ការបង្រៀន និងរៀនភាសាវៀតណាមនៅវេណេហ្ស៊ុយអេឡា នឹងរួមចំណែកលើកកម្ពស់វប្បធម៌វៀតណាម បង្កើនការយល់ដឹង កិច្ចសហប្រតិបត្តិការ និងមិត្តភាពជិតស្និទ្ធរវាងប្រជាជនទាំងពីរ រួមចំណែកក្នុងការពង្រឹង និងពង្រីកថែមទៀតទំនាក់ទំនងភាពជាដៃគូលើគ្រប់ជ្រុងជ្រោយវៀតណាម-វេណេហ្ស៊ុយអេឡា៕
មតិពីមិត្តអ្នកអាន