យុគសម័យ - នៅចុងខែសីហាកន្លងទៅ សិក្ខាកាមចំនួន ៧៧ នាក់មកពីកងយោធពលខេមរភូមិន្ទបានបញ្ចប់វគ្គបណ្តុះបណ្តាលភាសាវៀតណាមលើកទី ១៥ នៅសាលាមធ្យមការពារព្រំដែនលេខ ២ នៃខេត្ត Ba Ria – Vung Tau។ តាមរយៈវគ្គសិក្សានេះ សិក្ខាកាមទាំងនេះត្រូវបានបំពាក់ដោយចំណេះដឹងជាមូលដ្ឋានអំពីភាសាវៀតណាម រួមទាំងខ្លឹមសារនៃវិទ្យាសាស្ត្រ-សង្គមនិងមនុស្សធម៌ផងដែរ ។
លោកវរសេនីយ៍ បណ្ឌិត Nguyen Duc Y នាយករងសាលាមធ្យមការពារព្រំដែនលេខ២ ប្រគល់វិញ្ញាបនប័ត្រជូនសិក្ខាកាម
ថ្លែងនៅក្នុងពិធីបិទបញ្ចប់វគ្គសិក្សានេះ លោកវរសេនីយ៍ បណ្ឌិត Nguyen Duc Y នាយករងសាលាមធ្យមការពារព្រំដែនលេខ២ បានកោតសរសើរចំពោះលទ្ធផលដែលមន្ត្រីកងយោធពលខេមរភូមិន្ទចំនួន ៧៧ រូបសម្រេចបានក្នុងរយៈពេលកន្លងទៅ ហើយសង្ឃឹមថានាពេលខាងមុខនេះសិក្ខាកាមទាំងនេះនឹងបន្តបំពេញភារកិច្ចក្នុងការសិក្សារៀនសូត្រនិងហាត់ពុតលត់ដំខ្លួនប្រកបដោយជោគជ័យនៅឯមូលដ្ឋានបណ្តុះបណ្តាលជំនាញវិជ្ជាជីវៈជាបបន្ទាប់ទៀត។
គួរជម្រាបថា ជារៀងរាល់ឆ្នាំ សាលាមធ្យមការពារព្រំដែនព្រំដែនលេខ ២ នៃខេត្ត Ba Ria – Vung Tau បានអនុវត្តកម្មវិធីបណ្តុះបណ្តាលនិងបំប៉នវគ្គសិក្សានានា ដោយមានចំនួនសិក្ខាកាមពី ៥០០ ដល់ ៧០០ នាក់ដែលជានាយទាហាន និងយោជិនជំនាញ និងបុគ្គលិកជំនាញខាងបច្ចេកទេសសម្រាប់កងកម្លាំងនេះ។
ក្នុងគោលបំណងអនុវត្តភារកិច្ចសហប្រតិបត្តិការអន្តរជាតិក្នុងវិស័យអប់រំនិងបណ្តុះបណ្តាល សាលាមធ្យមការពារព្រំដែន ត្រូវបានអគ្គសេនាធិការ និងបញ្ជាការដ្ឋានកងទ័ពការពារព្រំដែន ប្រគល់ភារកិច្ចក្នុងការ បណ្តុះបណ្តាលភាសាវៀតណាមនិងបំប៉នជំនាញវិជ្ជាជីវៈក្នុងការគ្រប់គ្រងនិងការពារព្រំដែនសម្រាប់មន្ត្រីនគរបាល និងកងយោធពលខេមរភូមិន្ទផងដែរ៕
（យោងតាម thoidai.com.vn បកប្រែដោយ ហេង វុធ្ធី）
មតិពីមិត្តអ្នកអាន