ការរៀបចំការប្រឡងសមត្ថភាពភាសាវៀតណាមតាមស្តង់ដារជាតិនៅប្រទេសជប៉ុន

ព្រឹត្តិការណ៍នេះមានការអញ្ជើញចូលរួមពីសំណាក់ លោក Nguyen Truong Son អគ្គកុងស៊ុលវៀតណាមប្រចាំនៅ Osaka; សាស្ត្រាចារ្យ បណ្ឌិត Huynh Van Chuong ប្រធាននាយកដ្ឋានគ្រប់គ្រងគុណភាព (ក្រសួងអប់រំ និងបណ្តុះបណ្តាល); អនុសាស្ត្រាចារ្យ បណ្ឌិត Nguyen Duc Son សាកលវិទ្យាធិការនៃសាកលវិទ្យាល័យគរុកោសល្យ Hanoi រួមជាមួយតំណាងបណ្ដាស្ថាប័នអប់រំ សមាគម និងសហគមន៍ប្រជាជនវៀតណាមនៅប្រទេសជប៉ុន។

ថ្លែងមតិនៅក្នុងកម្មវិធី អគ្គកុងស៊ុល លោក Nguyen Truong Son បានសង្កត់ធ្ងន់ថា ភាសាវៀតណាមគឺជាស្ពានចម្លងវប្បធម៌ រួមចំណែកផ្សារភ្ជាប់សហគមន៍ប្រជាជនវៀតណាមនៅបរទេសជាមួយមាតុភូមិ។ តាមលោក ការរៀបចំការប្រឡងតាមស្តង់ដារជាតិនៅប្រទេសជប៉ុន នឹងបង្កើតបរិយាកាសសិក្សាមួយយ៉ាងមានប្រព័ន្ធ គាំទ្រដល់ការធ្វើស្តង់ដារកម្មសកម្មភាពបង្រៀនភាសាវៀតណាម និងលើកកម្ពស់មនសិការថែរក្សាភាសាជាតិ ក្នុងចំណោមជំនាន់វ័យក្មេងនៃអាណិកជន។

ពិធីប្រកាសប្រគល់សេចក្តីសម្រេចរៀបចំការប្រឡងវាយតម្លៃសមត្ថភាពភាសាវៀតណាមនៅប្រទេសជប៉ុន។

ជាតំណាងឱ្យក្រសួងអប់រំ និងបណ្តុះបណ្តាល សាស្ត្រាចារ្យ បណ្ឌិត Huynh Van Chuong បានវាយតម្លៃថា នេះគឺជាជំហានដើរមានលក្ខណៈបើកផ្លូវ នៅក្នុងដំណើរការនាំយកប្រព័ន្ធវាយតម្លៃសមត្ថភាពភាសាវៀតណាមឈានចេញទៅកាន់អន្តរជាតិ។ លោកបានឱ្យដឹងថា នាពេលបច្ចុប្បន្ន វៀតណាមមានមូលដ្ឋានគតិយុត្តគ្រប់គ្រាន់ ដើម្បីដាក់ឱ្យអនុវត្តសកម្មភាពប្រឡងវាស់ស្ទង់សមត្ថភាពភាសាវៀតណាមនៅបរទេស ទៅតាមប្រព័ន្ធស្តង់ដារឯកភាពមួយ តាមរយៈនោះ លើកកម្ពស់ឋានៈនៃភាសាវៀតណាមនៅក្នុងបរិយាកាសសិក្សាធិការ និងការដោះដូរប្រាស្រ័យទាក់ទងអន្តរជាតិ។

យោងតាមព័ត៌មានពីគណៈកម្មការរៀបចំ ការប្រឡងនេះតម្រង់ទិសដៅទៅរកមុខសញ្ញាជាច្រើនក្រុម ដូចជា សិស្ស និស្សិត ជំនាន់ប្រជាជនវៀតណាមទីពីរនៅប្រទេសជប៉ុន និងជនបរទេសដែលមានតម្រូវការសិក្សា និងស្រាវជ្រាវភាសាវៀតណាម។ សាកលវិទ្យាល័យគរុកោសល្យ Ha Noi គឺជាអង្គភាពដែលត្រូវបានប្រគល់ភារកិច្ចទទួលបន្ទុកផ្នែកជំនាញ រៀបចំការប្រឡង និងផ្តល់វិញ្ញាបនបត្រស្របតាមបទប្បញ្ញត្តិរបស់ក្រសួងអប់រំ និងបណ្តុះបណ្តាល។

ទិដ្ឋភាពទូទៅនៃពិធី។

ស្ថិតនៅក្នុងក្របខ័ណ្ឌនៃព្រឹត្តិការណ៍នេះ សេចក្តីសម្រេចបង្កើតក្រុមប្រឹក្សាប្រឡងសមត្ថភាពភាសាវៀតណាមនៅប្រទេសជប៉ុន ត្រូវបានប្រគល់ជូនលោកស្រី Le Thuong ប្រធានសមាគមប្រជាជនវៀតណាមតំបន់ Kansai និងជាប្រធានមជ្ឈមណ្ឌលវៀតណាមសិក្សានៅប្រទេសជប៉ុន។ ការបង្កើតក្រុមប្រឹក្សាប្រឡងនេះ ត្រូវបានរំពឹងថានឹងបង្កើតជាគ្រឹះស្ថាន ដើម្បីឱ្យការប្រឡងត្រូវបានរៀបចំឡើងជាប្រចាំជំហានម្តងៗ បង្កើតបានជាបណ្តាញវាស់ស្ទង់សមត្ថភាពភាសាវៀតណាមនៅបរទេស។

អ្នកជំនាញអប់រំជាច្រើនរូបបានវាយតម្លៃថា ការដែលប្រទេសជប៉ុនក្លាយជាប្រទេសដំបូងគេបង្អស់ ដែលទទួលធ្វើជាម្ចាស់ផ្ទះរៀបចំការប្រឡងសមត្ថភាពភាសាវៀតណាមកម្រិតជាតិ គឺបានឆ្លុះបញ្ចាំងពីតម្រូវការសិក្សាភាសាវៀតណាមកាន់តែអភិវឌ្ឍន៍ខ្លាំងឡើងនៅក្នុងប្រទេសម្ចាស់ផ្ទះ ទន្ទឹមនឹងនោះ បើកបន្ថែមឱកាសជំរុញការដោះដូរវប្បធម៌ និងអប់រំរវាងវៀតណាម និងជប៉ុន ក្នុងដំណាក់កាលថ្មី៕

ពង្រឹងទំនាក់ទំនង និងគាំទ្រការអភិវឌ្ឍសហគមន៍វៀតណាមនៅប្រទេសជប៉ុន យុគសម័យ - នៅថ្ងៃទី ៦ ខែមេសា សហព័ន្ធសមាគមវៀតណាមនៅប្រទេសជប៉ុន (សហព័ន្ធ) បានរៀបចំមហាសន្និបាតអាណត្តិ ២០២៥-២០២៨ ដើម្បីពិភាក្សា និងកំណត់ទិសដៅសកម្មភាពក្នុងអាណត្តិថ្មី ក្នុងគោលបំណងពង្រឹងទំនាក់ទំនង និងគាំទ្រការអភិវឌ្ឍសហគមន៍វៀតណាមនៅប្រទេសជប៉ុន។

វៀតណាម មាននិស្សិតអន្តរជាតិភាគច្រើនទទួលកិត្តិយសនៅក្នុងពិធីបញ្ចប់ការសិក្សាអាហារូបករណ៍កាសែត Asahi នៅប្រទេសជប៉ុន យុគសម័យ - ក្នុងពិធីប្រគល់សញ្ញាបត្រដល់និស្សិតអន្តរជាតិនៅប្រទេស ជប៉ុន ក្រោមកម្មវិធីអាហារូបករណ៍របស់កាសែត Asahi និស្សិត វៀតណាម ចំនួន ១៥៩ នាក់ ដែលស្មើនឹងជាងពាក់កណ្តាលនៃនិស្សិតបរទេសសរុប ៣០៥ នាក់ បានទទួលកិត្តិយស។

ឌឹកអាញ់

thoidai.com.vn