តំណាងវៀតណាមទទួលរង្វាន់សហគមន៍សម្រាប់ពលរដ្ឋសកល

នៅក្នុងពិធីប្រគល់រង្វាន់នេះ អង្គការជំរុញមិត្តភាពអន្តរជាតិ (IHA) បានឱ្យដឹងថា លោកស្រី Le Thuong គឺជាជនបរទេសតែម្នាក់គត់ដែលត្រូវបានប្រគល់រង្វាន់ "សហគមន៍សម្រាប់ពលរដ្ឋសកល" (Global Citizen Community Award) នៅក្នុងឆ្នាំ ២០២៦ រង្វាន់នេះកត់សម្គាល់នូវរាល់ការរួមចំណែកលេចធ្លោរបស់លោកស្រីក្នុងការបង្កើនការផ្លាស់ប្តូរវប្បធម៌ ការតភ្ជាប់សហគមន៍ និងការជំរុញចំណងមិត្តភាពអន្តរជាតិ។

កម្មវិធីផ្លាស់ប្តូរវប្បធម៌មិត្តភាពអន្តរជាតិលើកទី ១៨ បានប្រព្រឹត្តទៅនៅមជ្ឈមណ្ឌលសហគមន៍ Higashinari ទីក្រុង Osaka ដោយមានការចូលរួមពីបណ្តាគណៈប្រតិភូសិល្បៈមកពីវៀតណាម កូរ៉េខាងត្បូង ចិន ឥណ្ឌា អាហ្វ្រិក និងជប៉ុន ព្រឹត្តិការណ៍នេះដឹកនាំដោយអង្គការជំរុញមិត្តភាពអន្តរជាតិ (IHA) ក្រោមការគាំទ្រពីអាជ្ញាធរខេត្ត Osaka អាជ្ញាធរទីក្រុង Osaka និងមជ្ឈមណ្ឌលវប្បធម៌កូរ៉េខាងត្បូងប្រចាំនៅ Osaka។

ឆ្នាំ ២០២៦ ក៏ជាការគូសបញ្ជាក់ខួប ២០ ឆ្នាំនៃការបង្កើត IHA ដែលជាអង្គការមិនរកប្រាក់កម្រៃរបស់ជប៉ុនធ្វើសកម្មភាពក្នុងវិស័យជំរុញការផ្លាស់ប្តូរវប្បធម៌ បង្កើនមិត្តភាពអន្តរជាតិ និងការតភ្ជាប់បណ្តាសហគមន៍ពហុវប្បធម៌។

កម្មវិធីផ្លាស់ប្តូរវប្បធម៌មិត្តភាពអន្តរជាតិលើកទី ១៨ បានប្រព្រឹត្តទៅនៅមជ្ឈមណ្ឌលសហគមន៍ Higashinari ទីក្រុង Osaka។

ចូលរួមកម្មវិធីនេះ គណៈប្រតិភូវៀតណាមដឹកនាំចាត់តាំងដោយសមាគមជនជាតិវៀតណាមប្រចាំនៅតំបន់ Kansai បានសម្តែងនូវឈុតសម្តែងសិល្បៈជាច្រើនដែលពោរពេញទៅដោយអត្តសញ្ញាណជាតិ រួមចំណែកផ្សព្វផ្សាយវប្បធម៌វៀតណាមជូនចំពោះមិត្តភក្តិអន្តរជាតិ និងទទួលបានការគាំទ្រយ៉ាងខ្លាំងក្លាពីសំណាក់ទស្សនិកជនយ៉ាងច្រើនកុះករ។

យោងតាមខ្លឹមសារនៃលិខិតបញ្ជាក់ លោកស្រី Le Thuong ត្រូវបានលើកតម្កើងដោយសារការរួមចំណែកនានាក្នុងការបង្កើនការយល់ដឹងរវាងបណ្តាជនជាតិ ការជំរុញការផ្លាស់ប្តូរវប្បធម៌អន្តរជាតិ ការអនុវត្តបណ្តាសកម្មភាពដើម្បីសហគមន៍ និងការកសាងស្ពានចម្លងកិច្ចសហប្រតិបត្តិការរវាងវៀតណាមនិងជប៉ុនលើបណ្តាវិស័យវប្បធម៌ អប់រំ សេដ្ឋកិច្ច និងការអភិវឌ្ឍប្រភពធនធានមនុស្ស។

ក្នុងឋានៈជាប្រធានសមាគមជនជាតិវៀតណាមប្រចាំនៅតំបន់ Kansai លោកស្រីរួមជាមួយគណៈកម្មាធិការប្រតិបត្តិនៃសមាគម បានអនុវត្តសកម្មភាពជាច្រើនដើម្បីគាំទ្រសហគមន៍ជនជាតិវៀតណាមប្រចាំនៅជប៉ុន រក្សាភាសាវៀតណាមនិងអត្តសញ្ញាណវប្បធម៌ជាតិ ទន្ទឹមនឹងនោះ បង្កើនទំនាក់ទំនងជាមួយអាជ្ញាធរនិងបណ្តាអង្គការរបស់ជប៉ុន ព្រមទាំងជំរុញការផ្លាស់ប្តូរប្រជាជននិងប្រជាជនរវាងប្រទេសទាំងពីរ។

ថ្លែងមតិនៅក្នុងពិធីនេះ ប្រធាន IHA លោក Shinjo Takeshi បានវាយតម្លៃខ្ពស់ចំពោះការរួមចំណែកនានារបស់លោកស្រី Le Thuong នារយៈពេលច្រើនឆ្នាំកន្លងមក ដោយចាត់ទុកថាសកម្មភាពទាំងឡាយរបស់លោកស្រីបានរួមចំណែកបង្កើនការផ្សារភ្ជាប់គ្នារវាងបណ្តាសហគមន៍ ជំរុញការផ្លាស់ប្តូរប្រជាជននិងប្រជាជន និងរីកសាយភាយនូវស្មារតីមិត្តភាពអន្តរជាតិ។

លោកស្រី Le Thuong (ពាក់អាវដាយវែងពណ៌ក្រហម) ត្រូវបានលើកតម្កើងដោយសារការរួមចំណែកនានាក្នុងការបង្កើនការយល់ដឹងរវាងបណ្តាជនជាតិនិងជំរុញការផ្លាស់ប្តូរវប្បធម៌អន្តរជាតិ។

ចែករំលែកបន្ទាប់ពីទទួលរង្វាន់ លោកស្រី Le Thuong បានឱ្យដឹងថា នេះមិនត្រឹមតែជាកិត្តិយសរបស់ផ្ទាល់ខ្លួនប៉ុណ្ណោះទេ ថែមទាំងជាការកត់សម្គាល់ដែលផ្តល់ជូនសមាគមជនជាតិវៀតណាមប្រចាំនៅតំបន់ Kansai និងសហគមន៍ជនជាតិវៀតណាមប្រចាំនៅជប៉ុនទៀតផង តាមលោកស្រី រង្វាន់នេះនឹងក្លាយជាកម្លាំងចលករដើម្បីឱ្យសមាគមបន្តរួមចំណែកដល់បណ្តាសកម្មភាពផ្លាស់ប្តូរវប្បធម៌ ការតភ្ជាប់សហគមន៍ និងពូនជ្រុំទំនាក់ទំនងមិត្តភាពវៀតណាម - ជប៉ុន។

ការដែលលោកស្រី Le Thuong ត្រូវបានប្រគល់រង្វាន់ "សហគមន៍សម្រាប់ពលរដ្ឋសកល" ឆ្នាំ ២០២៦ បន្តអះអាងនូវរាល់ការរួមចំណែកជាវិជ្ជមានរបស់សហគមន៍ជនជាតិវៀតណាមប្រចាំនៅជប៉ុននៅក្នុងសកម្មភាពកិច្ចការបរទេសប្រជាជន ការផ្លាស់ប្តូរវប្បធម៌និងកិច្ចសហប្រតិបត្តិការអន្តរជាតិ រួមចំណែកផ្សព្វផ្សាយរូបភាពវៀតណាមជូនចំពោះមិត្តភក្តិអន្តរជាតិ៕

ប្រទេសវៀតណាមស្នើឱ្យប្រទេសជប៉ុនឈានទៅរកការលើកលែងទិដ្ឋាការសម្រាប់ប្រជាពលរដ្ឋវៀតណាម យុគសម័យ - នៅក្នុងបណ្តាជំនួបធ្វើការងារជាមួយថ្នាក់ដឹកនាំរដ្ឋសភា រដ្ឋាភិបាល និងបណ្តាអង្គការរបស់ប្រទេសជប៉ុន ចាប់ពីថ្ងៃទី ០៨ ដល់ថ្ងៃទី ១០ មិថុនា នៅទីក្រុងតូក្យូ (ប្រទេសជប៉ុន) ឧបនាយករដ្ឋមន្ត្រី លោក Le Tien Chau បានស្នើឱ្យភាគីជប៉ុនបន្តសម្របសម្រួលធ្វើឱ្យសាមញ្ញនូវនីតិវិធីចូលស្រុក និងឈានទៅរកការលើកលែងទិដ្ឋាការសម្រាប់ប្រជាពលរដ្ឋវៀតណាម ទន្ទឹមនឹងនោះ ជំរុញកិច្ចសហប្រតិបត្តិការនៅក្នុងបណ្តាវិស័យថ្មីៗ ដូចជា បញ្ញាសិប្បនិម្មិត (AI) ឧបករណ៍ពាក់កណ្តាលចម្លង ...

ខេត្ត Gia Lai ទុកថវិកាជាង ២.១០០ ពាន់លានដុង ដើម្បីរៀបចំកន្លែងស្នាក់នៅប្រកបដោយសុវត្ថិភាពជូនប្រជាពលរដ្ឋចំនួន ១.៤៩៥ គ្រួសារ យុគសម័យ - នៅក្នុងឆ្នាំ ២០២៦ នេះ ខេត្ត Gia Lai នឹងអនុវត្តគម្រោង និងផែនការចំនួន ១៦ ដើម្បីរៀបចំការស្នាក់នៅប្រកបដោយស្ថិរភាពជាបន្ទាន់ជូនប្រជាពលរដ្ឋនៅតំបន់រងគ្រោះដោយគ្រោះមហន្តរាយធម្មជាតិ ជាមួយកញ្ចប់ថវិកាសរុបជាង ២.១០០ ពាន់លានដុង សំដៅរៀបចំកន្លែងស្នាក់នៅប្រកបដោយសុវត្ថិភាពជូនប្រជាពលរដ្ឋចំនួន ១.៤៩៥ គ្រួសារ នៅក្នុងឃុំចំនួន ៨ ដែលជាបណ្តាតំបន់មានហានិភ័យខ្ពស់ក្នុងការកើតឡើងនូវការបាក់ដី ទឹកជំនន់ និងគ្រោះមហន្តរាយធម្មជាតិ។

ឌឹកអាញ់

thoidai.com.vn