ក្រសួងទេសចរណ៍ កំពុងសិក្សាគម្រោងសាងសង់ សួនទេសចរណ៍តេជោ Westerdam នៅខេត្តព្រះសីហនុ ដើម្បីរម្លឹកដល់ការអនុគ្រោះឱ្យនាវា Westerdam ចូលផែកម្ពុជាក្នុងបរិបទកូវីដ-១៩។
 ពិធីបើកថ្នាក់រៀនភាសារខ្មែរសំរាប់ជនជាតិខ្មែរមានដើមកំណើតវៀតណាម នៅខេត្តព្រះសីហនុ |
 សេចក្តីស្រឡាញ់របស់មនុស្សនិងមនុស្សក្នុងបរិបទនៃការរីករាលដាលនៃជំងឺកូវីដ១៩ នៅខេត្តព្រះសីហនុ - ប្រទេសកម្ពុជា |
 |
| ក្រសួងទេសចរណ៍កំពុងសិក្សាបង្កើត សួនទេសចរណ៍តេជោ Westerdam នៅខេត្តព្រះសីហនុ |
លោក តុប សុភ័ក អ្នកនាំពាក្យក្រសួងទេសចរណ៍ ប្រាប់សារព័ត៌មានThmeyThmey25 តាមបណ្ដាញសង្គមតេឡេក្រាមថា ការរៀបចំសួនទេសចរណ៍តេជោ Westerdam នេះ ក៏ជាផ្នែកមួយ អាចទាក់ទាញភ្ញៀវទេសចរបន្ថែមដែរ។
លោកបន្តថា ការសាងសង់សួនទេសចរណ៍ តេជោ Westerdam ធ្វើឡើងក្នុងគោលបំណងធំៗចំនួនពីរ។ « គោលបំណងគឺយើងចង់រម្លឹកពីអនុស្សាវរីយ៍ ដែលភ្ញៀវទេសចរជាប់គាំងនៅលើនាវា ហើយកម្ពុជាយើងឱ្យនាវាចូលចតនៅផែប្រទេសយើង ។ ប្រទេសយើងតូច តែបេះដូងយើងធំទូលាយ។ មួយវិញទៀតយើងធ្វើសួននេះដើម្បីជាការផ្សព្វផ្សាយបន្ថែមទៀត សម្រាប់ទាក់ទាញទេសចរ »។ នេះជាការបញ្ជាក់របស់លោក តុប សុភ័ក។
តែយ៉ាងណា អ្នកនាំពាក្យក្រសួងទេសចរណ៍រូបនេះ មិនអាចបញ្ជាក់ពីទីតាំង និងពេលវេលាសាងសង់ជាក់លាក់បាននៅឡើយ។
សូមជម្រាបដែរថា កាលពីថ្ងៃទី១៣ កុម្ភៈ ឆ្នាំ២០២០ សម្ដេច ហ៊ុន សែន នាយករដ្ឋមន្ត្រីកម្ពុជា បានអនុញ្ញាតឱ្យ នាវាទេសចរណ៍អាម៉េរិក Westerdam ដឹកភ្ញៀវទេសចរជាង ២ពាន់នាក់ចូលចតនៅកំពង់ផែស្វ័យយ័តខេត្តព្រះសីហនុ បន្ទាប់ពីនាវានេះត្រូវបាន ប្រទេសចំនួន៥ បដិសេធមិនឱ្យចូលចត ព្រោះខ្លាចមានការណីឆ្លងជំងឹកូវីដ-១៩៕
Thmeythmey/cambodianess
មតិពីមិត្តអ្នកអាន