លក្ខណៈពិសេសនៃការតាំងពិពណ៌វប្បធម៌បុណ្យតេតវៀតណាមនៅប្រទេសអូស្ត្រាលី

កិត្យានុភាពនៃពាណិជ្ជសញ្ញាផលិតផលកសិកម្មវៀតណាមកំពុងរីកចម្រើននៅប្រទេសអូស្ត្រាលី

ផ្លែស្រកានាគវៀតណាមមានទីផ្សារធំទូលាយក្នុងការនាំចេញទៅកាន់ប្រទេសអូស្ត្រាលី

លោកឯកអគ្គរដ្ឋទូត Nguyen Tat Thanh

ការតាំងពិព័រណ៌ដែលមានចំណងជើងថា “សួស្តីបុណ្យ​ចូលឆ្នាំថ្មីប្រពៃណី” ដែលរៀបចំដោយមជ្ឈមណ្ឌល វៀតណាម នៅប្រទេសអូស្ត្រាលី ហើយបានដាក់បង្ហាញនូវស្នាដៃសិល្បៈប្លែកៗ ក្រោមប្រធានបទនិងខ្លឹមសារប្រពៃណី។

លោកឯកអគ្គរដ្ឋទូត Nguyen Tat Thanh បានឲ្យដឹងថា ដើម្បី “នាំតម្លៃវប្បធម៌វៀតណាមឲ្យកាន់តែស៊ីជម្រៅថែមទៀត” នៅប្រទេសអូស្ត្រាលី មជ្ឈមណ្ឌលវៀតណាមចាំបាច់បន្តធ្វើពិពិធកម្ម និងពង្រីកវិស័យរបស់ខ្លួន ក៏ដូចជាប្រតិបត្តិការក្នុងទិសដៅទំនើបជាងនេះ ជំរុញតម្រូវការរបស់ប្រជាជន ដើម្បីរៀនបទពិសោធន៍ ជាពិសេសយុវជនអូស្ត្រាលី។

លោកឯកអគ្គរដ្ឋទូត Nguyen Tat Thanh បានសម្តែងនូវការគាំទ្រ និងឆន្ទៈគាំទ្រមជ្ឈមណ្ឌលវៀតណាមក្នុងសកម្មភាពផ្សព្វផ្សាយវប្បធម៌វៀតណាមនៅអូស្ត្រាលី ក៏ដូចជាសកម្មភាពតភ្ជាប់ផ្សេងទៀត ជាពិសេសក្នុងឱកាសរំលឹកខួបលើកទី​ ៥០ ឆ្នាំនៃការបង្កើតទំនាក់ទំនង​ការទូតរវាងវៀតណាមនិងអូស្ត្រាលី

លោកស្រី Hanh Nguyen អនុប្រធានសាខាមជ្ឈមណ្ឌលវៀតណាមនៅប្រទេសអូស្ត្រាលីបានមានប្រសាសន៍ថា ការតាំងពិព័រណ៌បានទាក់ទាញចំណាប់អារម្មណ៍របស់ប្រជាជនអូស្ត្រាលីមួយចំនួនធំនៅទីក្រុង Canberra ជាពិសេសអ្នកដែលមានឱកាសបានមកទស្សនា និងស្វែង​យល់នូវបទពិសោធន៍វប្បធម៌វៀតណាម។

ការតាំងពិព័រណ៌នេះគឺជាផ្នែកមួយនៃផែនការរបស់មជ្ឈមណ្ឌលវៀតណាម ដើម្បីផ្សព្វផ្សាយតម្លៃវប្បធម៌វៀតណាមនៅប្រទេសអូស្ត្រាលី។ មជ្ឈមណ្ឌលក៏មានគម្រោងពង្រីកសកម្មភាពរបស់ខ្លួនទៅកាន់វិស័យផ្សេងទៀត ដើម្បីភ្ជាប់ទំនាក់ទំនងប្រជាជននៅទូទាំងប្រទេសអូស្ត្រាលីដែលចង់ស្វែងយល់អំពីវៀតណាមជាទូទៅ និងវប្បធម៌វៀតណាមនិយាយដោយឡែក។ មជ្ឈមណ្ឌលត្រៀមខ្លួនជាស្រេចដើម្បីសម្របសម្រួលជាមួយស្ថានទូតវៀតណាមក្នុងការរៀបចំព្រឹត្តិការណ៍វប្បធម៌ក្នុងឱកាសរំលឹកខួបលើកទី ៥០ឆ្នាំ នៃការបង្កើតទំនាក់ទំនងវៀតណាម-អូស្ត្រាលី/.

ឌីណា