យុគសម័យ - ទស្សនាស្រុក Mu Cang Chai នារដូវកាលនេះ ភ្ញៀវមានឱកាសបានគយគន់ដើមផ្កាជើងគោ (ផ្កាម៉ាក់ខៃព្រៃ) ជាមួយនឹងសម្រស់ដ៏ស្រស់បរិសុទ្ធ ពណ៌ផ្កាឈូកពិសេសក្នុងពន្លឺថ្ងៃនិទាឃរដូវ។ ចង្កោមនៃផ្កាពណ៌ក្រហម និងពណ៌ផ្កាឈូកនៅកណ្តាលភ្នំ ដែលបង្កើតរូបភាពដ៏ស្រស់ស្អាតនៃសម្រស់ធម្មជាតិ។
ផ្កាជើងគោ គឺជារុក្ខជាតិឈើដែលដុះលូតលាស់ និងរីកស្គុះស្គាយនិងមានកម្ពស់ជាង ១០០០ ម៉ែត្រពីលើនីវ៉ូទឹកសមុទ្រ។ ផ្កាជើងគោតែងតែរីក នៅចុងខែធ្នូ ប្រហែលមួយខែមុនពេលផ្កាម៉ាក់ខៃ ។ ផ្កាជើងគោ គឺជា "ផលិតផលពិសេស" តែមួយគត់នៃភ្នំភាគពាយ័ព្យជាទូទៅ ហើយជាពិសេសស្រុក Mu Cang Chai ដែលទាក់ទាញភ្ញៀវទេសចរ រៀងរាល់ឆ្នាំថ្មី និងរដូវផ្ការីក។
តាមជនជាតិ Mong នៅទីនេះ ក្នុងឱកាសនៃការផ្លាស់ប្តូររដូវទៅកាន់និទាឃរដូវ បន្ទាប់ពីប្រឹងប្រែងអស់មួយឆ្នាំ រដូវប្រមូលផលស្រូវទទួលបានច្រើនសន្ធឹកសន្ធាប់និងពេញផ្ទះ ហើយមើលទៅលើកំពូលភ្នំ អ្នកអាចមើលឃើញផ្កាជើងគោរីកស្គុះស្គាយ។ នៅពេលនោះ ដែលប្រុសស្រីជនជាតិ Mongស្លៀកពាក់សំលៀកបំពាក់ថ្មី ហាត់ផ្លុំខែស្រឡៃ រៀបចំការលេងល្បែងប្រជាប្រយ ទៅលេងក្រោមដើមឈើផ្កាជើងគោដែលចាំងពន្លឺថ្ងៃនិងខ្យល់។
ក្នុងថ្ងៃដំបូងនៃឆ្នាំថ្មី ធ្វើដំណើរទៅនៅលើផ្លូវភ្នំដែលបត់បែនតាមបណ្តោយផ្លូវលេខ ៣២ ពីស្រុក Than Uyen ចុះទៅ Nghia Lo ចំណោត Khau Pha ឬពាក់កណ្តាលឡើងភ្នំដែលជាកន្លែងដែលទីតាំងរបស់ភូមិ Hmong នៅគ្រប់ទីកន្លែងពណ៌ក្រហមភ្លឺនៃផ្កាជើងគោ។
ភាពស្រស់ស្អាតនៃផ្កាជើងគោដ៏ស្រស់ស្អាតបានប្រៀបធៀបនឹងភាពស្រស់ស្អាតដ៏ស្វាហាប់របស់នារីជនជាតិ H'mong ដែលធ្វើឱ្យបេះដូងកំលោះៗ លោតញាប់ញ័រ។ ថ្វីត្បិតតែជាចង្កោមផ្កាជើងគោដែលជាតូច ប៉ុន្តែនៅពេលកំពុងរីក ផ្កាជើងគោដូចជាអណ្តាតភ្លើងដែលឆេះសន្ធោសន្ធៅ ធ្វើឱ្យអ្នកណាម្នាក់ដែលមកទីនេះមានការភ្ញាក់ផ្អើល៕
ឌីណា
សម្រស់គួរឲ្យចាប់អារម្មណ៍ព្រៃឬស្សីពកនៅ Mu Cang Chai
ប្រារព្ធពិធីបុណ្យវប្បធម៌ ទេសចរណ៍ Muong Lo និងទស្សនារមណីយដ្ឋានជាតិ វាលស្រែកាំជណ្ដើរ Mu Cang Chai ឆ្នាំ២០១៩
មតិពីមិត្តអ្នកអាន