ការទាក់ទាញនៃគោលដៅវប្បធម៌ជួរមុខគេនៅអាស៊ី - ទីក្រុងបុរាណ Hoi An

ធ្វើឲ្យប្រសើរឡើងនូវតម្លៃទីក្រុងបុរាណហូយអាន (Hoi An)

ទីក្រុងហូយអាន (Hoi An) - ទីក្រុងដ៏អស្ចារ្យបំផុតនៅលើពិភពលោក

ភ្ញៀវ​ទេសចរមកទស្សនានៅទីក្រុងបុរាណ Hoi An បន្ទាប់ពីផ្អាករយៈពេល 2 ឆ្នាំ ដោយសារការរីករាលដាលនៃមេរោគ COVID-19។ (រូបថត៖ Doan Huu Trung/VNA)

ទីក្រុង Hoi An ធ្វើឱ្យអ្នកទស្សនាចាប់អារម្មណ៍ជាមួយនឹងផ្ទះដំបូលស្លែ ជញ្ជាំងលាបពណ៌លឿងបុរាណ និងចង្កៀងគោមដែលបង្កើតសម្រស់​ពិសេស​នៃទីក្រុង Hoi An ។

បានបង្កើតឡើង និងអភិវឌ្ឍនៅសតវត្សទី 16 ទីក្រុង Hoi An ធ្លាប់ជាកំពង់ផែពាណិជ្ជកម្មអន្តរជាតិដ៏មមាញឹកបំផុតមួយនៅក្នុងតំបន់។ នៅ​ក្នុង​អំឡុង​សតវត្ស​ទី ១៦ នេះ​ជា​កន្លែង​ដែល​ទំនិញ​របស់ពណិជ្ជករ​មក​ពី​ប្រទេស​ចិន ជប៉ុន ហូឡង់ ឥណ្ឌា អេស្ប៉ាញ។ល។

ដូច្នេះហើយ ស្នាដៃស្ថាបត្យកម្ម និងតម្លៃវប្បធម៌នៃទីក្រុងបុរាណ Hoi An បានមាន​ការរួម​ផ្សំរវាងវប្បធម៌ខាង​កើត-ខាងលិចជាច្រើន។ ទីក្រុងបុរាណ Hoi An មានភាពល្បីល្បាញដោយសារស្ថាបត្យកម្មធម្មតានៃកំពង់ផែពាណិជ្ជកម្មប្រពៃណីនៃអាស៊ីអាគ្នេយ៍ ហើយបានអភិរក្សស្ទើរតែនៅដដែល​រហូតមកដល់សព្វថ្ងៃនេះ។

ផ្លូវថ្មើរជើងក្នុងទីក្រុងបុរាណ Ho Anបានរៀបចំយ៉ាងហ្មត់​ចត់គ្រប់ដំណាក់កាល ដើម្បីស្វាគមន៍ភ្ញៀវ។ (រូបថត៖ Doan Huu Trung/VNA)

ស្នាដៃស្ថាបត្យកម្មសាសនា ជំនឿ និងតម្លៃវប្បធម៌នៃទីក្រុងបុរាណ Hoi An គឺជាភស្តុតាងដ៏រស់រវើកបំផុតសម្រាប់ដំណើរការនៃការបង្កើត ការអភិវឌ្ឍន៍ និងសូម្បីតែការមិន​រីក​ចម្រើននៃទីក្រុងបុរាណ។

ទីក្រុង​នេះមានប្រព័ន្ធកេរ្តិ៍ដំណែល​​ចំនួន 1,360 រួមទាំងផ្ទះបុរាណចំនួន 1,068 អណ្តូងបុរាណចំនួន 11 ផ្ទះ​សក្តារៈបូជាត្រកូលចំនួន 38 វត្តចំនួន 19 ទីសក្ការៈបូជាដល់ព្រះចំនួន 43 អារាមចំនួន 23 ទី​តម្កល់​សពដ៏ពិសេសចំនួន 44 និងស្ពានចាស់មួយ។

ដើរលេងនៅទីក្រុង Hoi An ភ្ញៀវនឹងមានឱកាសទៅទស្សនាប្រាសាទដែលមានអាយុកាលរាប់រយឆ្នាំ ដូចជា វត្ត Cau វត្ត Phuoc Lam វត្ត Van Duc គយគន់សំណង់សាលប្រជុំ និងទីសក្ការៈបូជារបស់ជនជាតិ​ចិនដែល​បាន​កសាងតាមស្ថាបត្យកម្មចម្រុះពណ៌ដ៏ស្មុកស្មាញ។

ទន្ទឹម​នឹង​នេះ មានដំបូលដែល​មានលក្ខណៈពិសេសនៃទំនៀមទំលាប់វៀតណាម និងផ្ទះបុរាណ​តាម​ស្ថាបត្យកម្មបារាំង។

នៅជ្រុងផ្លូវតូចៗ ដ៏ស្ងប់ស្ងាត់នីមួយៗ ភ្ញៀវទេសចរអាចជួបអ្នកលក់តាមដងផ្លូវដែល​លក់មុខម្ហូបល្បីៗជាច្រើនដូចជា មីក្វាង គុយទាវ នំបុ័ង បាយមាន់... ឬហាងលក់វត្ថុសិប្បកម្ម។ អ្វីគ្រប់យ៉ាងហាក់ដូចជាឆ្លុះបញ្ចាំងពីជីវិតសាមញ្ញ យឺត និងសុភាពរបស់ប្រជាជន​នៅទីនេះ។

ភ្ញៀវទេសចរណ៍ចាប់ផ្តើមកម្មវិធីទៅទស្សនាទីក្រុងបុរាណ Hoi An។ (រូបថត៖ Doan Huu Trung/VNA)

នៅពេលយប់ ជីវិតនៅក្នុងទីក្រុង Hoi An នៅតែពោរពេញដោយភាពរស់រវើក និងក្តីនឹករលឹកចំពោះអតីតកាល ជាមួយនឹងការច្រៀង choi តាមដងទន្លេ Doai ។

ជាពិសេសប្រសិនបើភ្ញៀវមកទីក្រុង Hoi An នៅថ្ងៃទី 14 រោច តាមច័ន្ទគតិជារៀងរាល់ខែ ភ្ញៀវទេសចរណ៍នឹងបានគយ​គន់​និង​ចូល​រួម​ ក្នុងពិធីបុណ្យចង្កៀងគោម ដែលធ្វើឱ្យទីក្រុងបុរាណមើលទៅភ្លឺស្វាងជាងធម្មតា ពណ៌ក្រហមភ្លឺ ពណ៌លឿងទន់… បំភ្លឺពីចង្កៀងគោម ពីគ្រប់ច្រកល្ហក និងស្រស់ស្អាត។

បទពិសោធន៍ដ៏គួរឱ្យចាប់អារម្មណ៍មួយទៀតដែលគួរសាកល្បងនៅពេលមកដល់ទីក្រុង Hoi An គឺការបណ្តែតគោម។ ពីចំណត Bach Dang ទូកតូចៗបានអណ្តែតតាមដងទន្លេ Hoai ដ៏ស្រស់បំព្រង ភ្ញៀវទេសចរអាចរីករាយនឹង​គយគន់ទេសភាពនៃទីក្រុងបុរាណនៅពេលយប់ ហើយមានអារម្មណ៍ថា ខ្យល់អាកាសត្រជាក់ និងស្តាប់រឿងគួរឱ្យចាប់អារម្មណ៍ ថែមទាំង​បណ្តែងចង្កៀងគោមដ៏ប្រណិតដោយផ្ទាល់។

រីករាយជាមួយអាហារពិសេសនៅទីក្រុង Hoi An ឬទស្សនាតូបលក់វវត្ថុសិប្បកម្មពីភូមិសិប្បកម្មដ៏ល្បីល្បាញនៃតំបន់ Quang ក៏ជាបទពិសោធន៍ដ៏អស្ចារ្យសម្រាប់អ្នកទស្សនាផងដែរ។

ក្នុងការអភិវឌ្ឍន៍ជីវភាពរស់នៅបែបទំនើប ភូមិសិប្បកម្មប្រពៃណីនៅទីនេះអភិរក្ស និងអភិវឌ្ឍន៍ ដូចជាភូមិជាងឈើ Kim Bong បន្លែ Tra Que កុលាលភាជន៍ Thanh Ha ជាដើម។

សព្វថ្ងៃ នេះក៏ជាកន្លែងរក្សាតម្លៃវប្បធម៌នៃទីក្រុងបុរាណ Hoi An និងទាក់ទាញភ្ញៀវទេសចរណ៍មកទស្សនាដើម្បីស្វែងយល់កាន់តែច្បាស់អំពីមុខរបរប្រពៃណីរបស់ជាតិ៕

ឌីណា

ទីភ្នាក់ងារសារព័ត៌មានវៀតណាម