យុគសម័យ - ទស្សនាវដ្តីទេសចរណ៍ដ៏ល្បីល្បាញរបស់អាមេរិក - Travel and Leisure ទើបតែបានចុះផ្សាយបញ្ជីទីក្រុងល្អបំផុតទាំង ១០ នៅលើពិភពលោកក្នុងឆ្នាំ ២០២០ ដែលបានបោះឆ្នោតគាំទ្រដោយមិត្តអ្នកអាន។ ទីក្រុងហូយអាន (Hoi An) ខេត្តក្វាងណាម (Quang Nam) ត្រូវបានផ្តល់កិត្តិយសទទួលបានចំណាត់ថ្នាក់លេខ ៣ ក្នុងចំណោមទីក្រុងទាំង ១០ បន្ទាប់ពីទីក្រុងចំនួនពីរនៃប្រទេសម៉ិកស៊ិក។
ទីក្រុងហូយអានត្រូវបានគេស្គាល់ជាទូទៅថាជាទីក្រុងបុរាណហូយអានដែលជាទីក្រុងបុរាណមួយនៅភាគកណ្តាលប្រទេស វៀតណាម។ នាឆ្នាំ ១៩៩៩ ទីក្រុងបុរាណហូយអានត្រូវបានទទួលស្គាល់ជាបេតិកភណ្ឌវប្បធម៌ពិភពលោកដោយអង្គការយូណេស្កូ ។
លទ្ធផលត្រូវបានចេញផ្សាយផ្អែកលើការស្ទង់មតិប្រចាំឆ្នាំរបស់ទស្សនាវដ្តីអំពីចំណាប់អារម្មណ៍របស់មិត្តអ្នកអានអំពីទីក្រុងដែលពួកគេធ្លាប់ទៅទស្សនាកំសាន្តផងដែរ។ លក្ខន្តិកៈបោះឆ្នោតរួមមាន៖ ទេសភាព ចក្ខុវិស័យ វប្បធម៌ ម្ហូបអាហារ ភាពរាក់ទាក់ ការដើរទិញឥវ៉ាន់ និងតម្លៃរួម។
ស្ថានកូវ (Cau) ដែលជាបេះដូងរបស់ទីក្រុងហូយអាន
នៅតាមបណ្តោយទីក្រុងបុរាណនេះ មានផ្ទះបុរាណចាស់ៗរាប់សិបខ្នងដែលមានអាយុកាលរាប់រយឆ្នាំដោយបង្កប់អនុស្សាវរីយ៍ដ៏គួរឲ្យចាប់អារម្មណ៍ជាច្រើនផងដែរ។
៤បណ្ណាគារ Phuong Nam ឬ ហាងលក់វត្ថុអនុស្សាវរីយ៍នៅផ្លូវបុរាណក៏ធ្វើឱ្យភ្ញៀវទេសចររំភើបចិត្ត
មកទស្សនាទីក្រុងហូយអានយើងមិនអាចភ្លេចមើលគោមដែលវិលវល់ក្នុងខ្យល់ផងដែរ
ផ្លូវបុរាណពោរពេញទៅដោយក្តីស្រលាញ់និងរ៉ូម៉ាន់ទិច
ជារៀងរាល់ថ្ងៃ ទីក្រុងបុរាណហូយអានបានស្វាគមន៍ភ្ញៀវទេសចររាប់ពាន់នាក់ហើយពួកគេទៅលេងកំសាន្តនិងមានអារម្មណ៍យ៉ាងជ្រាលជ្រៅអំពីទីក្រុងដ៏អស្ចារ្យបំផុតនៅលើពិភពលោក
（បកប្រែដោយ ហេងវុធ្ធី）
（ប្រភពព័ត៌មាន: baocantho.com.vn）
មតិពីមិត្តអ្នកអាន