នៅរសៀលថ្ងៃទី ៤ ខែតុលា គណៈប្រតិភូនៃស្ថានអគ្គកុងស៊ុលវៀតណាមប្រចាំនៅខេត្តព្រះសីហនុដឹកនាំដោយលោកអគ្គកុងស៊ុល Vu Ngoc Ly បានចុះសួរសុខទុក្ខ និងជួបធ្វើការជាមួយគណៈកម្មាធិការប្រតិបត្តិ នៃសមាគមខ្មែរ-វៀតណាមខេត្តកោះកុង។
 សមាគមខ្មែរ - វៀតណាមបន្តផ្តល់អំណោយជួយគាំទ្រដល់ប្រជាជនកម្ពុជាដើមកំណើតវៀតណាមដែលជួបការលំបាកនៅកម្ពុជា |
 សមាគមខ្មែរ - វៀតណាមបង្កើនការជួយឧបត្ថម្ភអាណិកជនវៀតណាមនៅកម្ពុជា |
ក្នុងឱកាសនេះ ស្ថានអគ្គកុងស៊ុលបានប្រគល់ជូនគណៈកម្មាធិការប្រតិបត្តិខេត្តនូវថវិកាចំនួន ១,០០០ ដុល្លារអាមេរិក ដើម្បីរួមចំណែកដល់គម្រោងជួសជុល និងកែលម្អថ្នាក់រៀនភាសាវៀតណាម/ខ្មែរនៅឃុំប៉ាក់ ខ្លង ស្រុកមណ្ឌលសីមា ដែលជាកន្លែងមានប្រជាជនដើមកំណើតវៀតណាមជាច្រើនកំពុងរស់នៅ។
 |
| លោកអគ្គកុងស៊ុល Vu Ngoc Ly ចុះសួរសុខទុក្ខ និងជួបធ្វើការជាមួយ គណៈកម្មាធិការប្រតិបត្តិ នៃសមាគមខ្មែរ-វៀតណាមខេត្តកោះកុង (រូបថត៖ baoquocte.vn) |
យោងតាមលោក Nguyen Nhi Anh ប្រធានសមាគមខ្មែរ-វៀតណាមខេត្តកោះកុងបានឲ្យដឹងថា គម្រោងនេះត្រូវបានសាងសង់ឡើងនៅថ្នាក់រៀនចាស់ដែលខូចខាតហើយ ដោយមានផ្ទៃដីសរុប ៤០ ម៉ែត្រការ៉េ។ គម្រោងនេះរួមមានបន្ទប់រៀន បន្ទប់របស់គ្រូបង្រៀន និងបង្គន់អនាម័យ។ បច្ចុប្បន្ននេះគម្រោងសម្រេចបាន ៩០% ហើយ។ គណៈកម្មាធិការប្រតិបត្តិកំពុងធ្វើការយ៉ាងសកម្មដើម្បីឱ្យគម្រោងនេះបើកដំណើរការក្នុងពេលឆាប់ៗនេះស្របពេលដែលសាលាសាធារណៈនៅកម្ពុជាបើកដំណើរការឡើងវិញ។ នេះគឺជាថ្នាក់មួយក្នុងចំណោមថ្នាក់រៀនភាសាវៀតណាម/ខ្មែរចំនួនពីរសម្រាប់សហគមន៍វៀតណាមនៅខេត្តកោះកុង។
នៅខែធ្នូ ឆ្នាំ២០២០ ថ្នាក់រៀនភាសាវៀតណាម/ខ្មែរមួយក៏ត្រូវបានសម្ពោធនៅក្នុងបរិវេណនៃទីស្នាក់ការគណៈកម្មាធិការប្រតិបត្តិនៃសមាគមខ្មែរ-វៀតណាមខេត្តកោះកុង ដែលមានទីតាំងស្ថិតនៅកណ្តាលក្រុងខេមរភូមិន្ទ៕
kh.qdnd.vn
មតិពីមិត្តអ្នកអាន