យុគសម័យ - ស្ថានទូតបង់ក្លាដែសប្រចាំនៅប្រទេសវៀតណាមបានរៀបចំកម្មវិធីមួយ ដើម្បីជួយគាំទ្រការបង្ការនិងគ្រប់គ្រងជំងឺ Covid-19នៅខ័ណ្ឌ Tay Ho រដ្ឋធានី Ha Noi ។
 |
| លោកស្រីឯកអគ្គរដ្ឋទូត Samina Naz ប្រគល់អំណោយគាំទ្រដល់លោក Tran Quang Dao ប្រធានគណៈកម្មាធិការរណសិរ្សមាតុភូមិវៀតណាមនៅខ័ណ្ឌឌ Tay Ho |
កម្មវិធីនេះបានធ្វើឡើងក្នុងឱកាសអបអរសាទរខួបលើកទី ៤៦ នៃទិវាមរណភាពរបស់លោក Bangabandhu Sheikh Mujibur Rahman ដែលជាបិតានៃប្រទេសបង់ក្លាដែស។
ក្នុងនាមស្ថានទូតស្ថានទូតលោកស្រីឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋប្រជាមានិតបង់ក្លាដែសប្រចាំនៅវៀតណាម Samina Naz បានប្រគល់អំណោយឧបត្ថម្ភដោយផ្ទាល់ដល់តំណាងគណៈរណសិរ្សមាតុភូមិខ័ណ្ឌ Tay Ho ។
 |
| គ្រឿងឧបភោក បរិភោគនិងសម្ភាៈចាំាបាច់មួយចំនួនដែលជាអំណោយរបស់ស្ថានទូតបង់ក្លាដែស |
លោកស្រីឯកអគ្គរដ្ឋទូត Samina Naz បានចែករំលែកថា៖“ តាមរយៈសកម្មភាពនេះ ស្ថានទូតមានបំណងចង់បង្ហាញពីសាមគ្គីភាពនិងមិត្តភាពរបស់រដ្ឋាភិបាលនិងប្រជាជនបង់ក្លាដែសចំពោះកងកម្លាំងជួរមុខក្នុងការប្រយុទ្ធប្រឆាំងជំងឺរាតត្បាតនឹងបណ្តាគ្រួសារមានស្ថានភាពរស់នៅលំបាកក្នុងខ័ណ្ឌ Tay Ho ជាពិសេសនិងនៅវៀតណាមនិយាយរួម។ លោកស្រីក៏សង្ឃឹមថា រដ្ឋាភិបាលនិងប្រជាជនវៀតណាមនឹងឆាប់គ្រប់គ្រងបានជំងឺរាតត្បាតនិងជំនះពុះពារគ្រាដ៏លំបាកនេះ” ។
បន្ទាប់ពីទទួលបានការគាំទ្រពីស្ថានទូតបង់ក្លាដែសប្រចាំនៅវៀតណាមរណសិរ្សមាតុភូមិខណ្ឌ Tay Ho បានប្រគល់អំណោយដែលជាគ្រឿងឧបភោក បរិភោគដល់ប៉ុស្តិ៍ការពារនិងទប់ស្កាត់ជំងឺ និងគ្រួសារដែលមានស្ថានភាពលំបាកនៅសង្កាត់ចំនួន ៨ ក្នុងខ័ណ្ឌ៕
thoidai.com.vn
មតិពីមិត្តអ្នកអាន