យុគសម័យ - ក្នុងករណីត្រូវការស្បៀងអាហារនិងជំនួយផ្នែកសុខាភិបាល ប្រជាជនអាចបញ្ជូនព័ត៌មាននៅលើកម្មវិធី Zalo Connect ដើម្បីឱ្យមនុស្សនៅជុំវិញអាចដឹងនិងគាំទ្រ។
 គ្រប់គ្រងការឆ្លងរាលដាលនៃជំងឺ Covid-19 និងធានាសុវត្ថិភាពដល់ទីក្រុងហាណូយ |
 កម្មវិធី Zalo បើកដំណើរការលក្ខណៈពិសេសដើម្បីជួយសហគមន៍ផ្តល់ការគាំទ្រគ្រាអាសន្នអំឡុងពេលមានជំងឺរាតត្បាត |
 |
នៅពេលដែលត្រូវការស្បៀងអាហារស្បៀងនិងជំនួយផ្នែកសុខាភិបាល អ្នកអាចបញ្ជូនព័ត៌មាន នៅលើកម្មវិធីដើម្បីឱ្យមនុស្សនៅជុំវិញមកជួយភាំទ្រ។ (រូបថត៖ Trong Dat) |
ចាប់ពីដើមខែសីហាមក ប្រជាជននៅទីក្រុង Ho Chi Minh និងខេត្តជាច្រើននៅភាគត្បូងបានប្រើប្រាស់កម្មវិធី Zalo Connect ដើម្បីជួយគ្នាទៅវិញទៅមក ក្នុងស្ថានភាពនៃការរីករាលដាលនៃជំងឺ Covid-19 ។ នេះគឺជាកម្មវិធីបច្ចេកវិទ្យាមួយក្នុងចំណោមកម្មវិធីបច្ចេកវិទ្យាជាច្រើនដែលបានគ្រប់គ្រងដោយមជ្ឈមណ្ឌលជាតិបច្ចេកវិទ្យាសម្រាប់ការការពារនិងទប់ស្កាត់ជំងឺ Covid-19។ បច្ចុប្បន្ន កម្មវិធី Zalo Connect ត្រូវបានអនុវត្ត នៅទីក្រុង Ha Noi ។
ក្នុងករណីដែលអ្នកត្រូវការជំនួយ អ្នកអាចប្រើ Zalo Connect ស្ថិតនៅផ្នែកខាងលើនៃទំព័រចូលរបស់កម្មវិធី Zalo ។ ព្រមទាំង អនុញ្ញាតឱ្យកម្មវិធីចូលក្នុងផ្នែកកំណត់ទីតាំងរបស់ឧបករណ៍ផងដែរ។ បន្ទាប់មកអាចស្វែងរកជំនួយសង្គ្រោះបន្ទាន់ពីសហគមន៍ដោយងាយស្រួលរួមមាន ៖ ស្បៀងអាហារ ថ្នាំសង្កូវ សម្ភារៈបាំបាច់ឬទាក់ទងយ៉ាងឆាប់រហ័សជាមួយគ្រូពេទ្យ អ្នកជំនាញខាងវេជ្ជសាស្ត្រ ដើម្បីទទួលបានការផ្តល់យោបល់បថមពីវេជ្ជបណ្ឌិតពីចម្ងាយ។
នៅពេលស្នើរសុំជំនួយ ព័ត៌មាននឹងត្រូវបានចែករំលែកនិងធ្វើបច្ចុប្បន្នភាពនៅលើប្រព័ន្ធផែនទីដើម្បីឱ្យអ្នកត្រូវការជំនួយនឹងទទួលបានជំនួយពីសហគមន៍។ ប្រជាជនរស់នៅជុំវិញតំបន់របស់អ្នកត្រូវការជំនួយឬអង្គការនិងក្រុមស្ម័គ្រចិត្តអាចមើលឃើញសារ“ ត្រូវការជំនួយ” និងធ្វើការជួយឧបត្ថម្ភ។
ចំពោះបុគ្គលនិងអង្គការសប្បុរសជន ពួកគេក៏អាចចូលក្នុងផ្នែក“ ខ្ញុំចង់ជួយ” នៅលើ Zalo Connect ដើម្បីឆាប់រហ័សរកឃើញករណីដែលកំពុងមានស្ថានភាពលំបាក នៅក្នុងតំបន់ជិតកន្លែងដែលពួកគេរស់នៅផងដែរ។ ឥឡូវនេះ Zalo Connect នឹងប្រគល់បញ្ជីឬផែនទីនៃករណីដែលត្រូវការជំនួយក្នុងតំបន់ជុំវិញដោយព័ត៌មានផ្ទាល់ខ្លួនពេញលេញ អាស័យដ្ឋាននិងលក្ខណៈស្ថានភាព។
យោងតាមលោក Doan Quoc Anh ប្រធានគម្រោង Zalo Connect បានអោយដឹងថា រហូតដល់ ៩៣% នៃសំណើរគាំទ្ររបស់ប្រជាជន ក្នុងរយៈពេលកន្លងមកគឺទាក់ទងនឹងបញ្ហាស្បៀងអាហារ។ លើសពីនេះសំណើរទាក់ទងនឹងសម្ភារៈចាំបាច់ចំនួន ២៤ % ត្រូវការថ្នាំ ៨ % និងត្រូវការណែនាំពីគ្រូពេទ្យ ៧%។
ចាប់តាំងពីការចាប់ផ្តើមអនុវត្តន៍ មានសំណើរសុំជំនួយជាង ១៣០.០០០ បានបញ្ជូនទៅកាន់កម្មវិធី Zalo ។ ឥឡូវនេះកម្មវិធី Zalo Connect បានអនុវត្តនៅទីក្រុង Ha Noi Ho Chi Minh Long An Dong Nai Binh Duong ។ យោងតាមអង្គភាពអភិវឌ្ឍ រហូតដល់ពេលនេះនឹងបន្តពង្រីកដល់តំបន់ដែលកំពុងអនុវត្តវិធានការរក្សាគម្លាតសង្គមដ៍ទៃទៀត៕
Vietnam net
មតិពីមិត្តអ្នកអាន