យុគសម័យ - តំណាងរាស្ត្រនៃសភាជាន់ទាបអាមេរិក លោកស្រី Barbara Lee (គណបក្សប្រជាធិបតេយ្យ - រដ្ឋ California)) សមាជិកគណៈកម្មាធិការអាមេរិកសម្រាប់ជំនួយនិងទំនួលខុសត្រូវចំពោះជាតិគីមីពុលពណ៌លឿងទុំ នៅប្រទេសវៀតណាម (VAORRC) សមាគមអតីតយុទ្ធជន ដើម្បីសន្តិភាពអាមេរិក (VFP) បានដាក់ជូនរដ្ឋសភាអាមេរិកសេចក្តីព្រាងច្បាប់ចំនួន ៥ ស្តីពីការជួយសង្គ្រោះជនរងគ្រោះដោយជាតិគីមីពុលពណ៌លឿងទុំ ។ ថ្មីៗ នេះ នៅថ្ងៃទី ២៥ ខែឧសភាឆ្នាំ ២០២១ តំណាងរាស្ត្រនៃសភាជាន់ទាបអាមេរិក លោកស្រី Barbara Lee បានដាក់ជូនរដ្ឋសភាអាមេរិកនូវសេចក្តីព្រាងច្បាប់ស្តីពីការជួយសង្គ្រោះជនរងគ្រោះដោយជាតិគីមីពុលពណ៌លឿងទុំឆ្នាំ ២០២១ (H.R.3518) ។
 ត្រូវមានការយោគយល់ចំពោះជនរងគ្រោះដោយសារជាតុគីមីពុលពណ៌លឿងទុំ |
 «ខ្ញុំនៅតែជឿជាក់ថាយុត្តិធម៌នឹងមកដល់ជនរងគ្រោះដោយជាតិគីមីពុលពណ៌លឿងទុំនៅប្រទេសវៀតណាម» |
 |
| តំណាងរាស្ត្រសភាជាន់ទាប លោកស្រី Barbara Lee (គណបក្សប្រជាធិបតេយ្យ រដ្ឋ California) ( រូបថត៖ AP) |
ថ្មីៗនេះនៅខែកក្កដាឆ្នាំ ២០២១ ឧត្តមសេនីយ៍ឯក លោក Nguyen Van Rinh ប្រធានសមាគមជនរងគ្រោះដោយជាតិគីមីពុលពណ៌លឿងទុំ/ dioxin នៅប្រទេសវៀតណាមបានសរសេរសំបុត្រថ្លែងអំណរគុណមួយជូនដល តំណាងរាស្ត្រនៃសភាជាន់ទាបអាមេរិក លោកស្រី Barbara Lee ។ នៅក្នុងលិខិតនោះបានលើកឡើងថា៖“ ជំនួសមុខជនរងគ្រោះដោយជាតិគីមីពុលពណ៌លឿងទុំនៅប្រទេសវៀតណាមចំនួន ៣ លាននាក់ ខ្ញុំសូមថ្លែងអំណរគុណដោយស្មោះចិត្តចំពោះកិច្ចខិតខំប្រឹងប្រែងរបស់លោកស្រី ក្នុងការរួមចំណែកក្នុងការប្រយុទ្ធ ដើម្បីយុត្តិធម៌សម្រាប់ជនរងគ្រោះដោយជាតិគីមីពុលពណ៌លឿងទុំ។ ទន្ទឹមនឹងនេះ ខ្ញុំសូមស្នើអោយអាមេរិកចូលរួមក្នុងការដោះស្រាយផលវិបាកនៃជាតិគីមីពុលដែលអាមេរិកធ្លាប់ប្រើប្រាស់នៅប្រទេសវៀតណាម។ នេះគឺជាបញ្ហាបន្ទាន់ ពីព្រោះជនរងគ្រោះដោយសារជាតិគីមីពុលពណ៌លឿងទុំជំនាន់ទី ២ និងទី ៣ កំពុងប្រឈមមុខនឹងបញ្ហាសុខភាពជាច្រើននៅពេលឪពុកម្តាយនិងជីដូនជីតារបស់ពួកគេស្លាប់ ហើយពួកគេគ្មានអ្នកថែទាំ។
 |
| តំណាងរាស្ត្រសភាជាន់ទាប លោកស្រី Barbara Lee បានទទួលគណៈប្រតិភូនៃសមាគមជនរងគ្រោះដោយជាតិគីមីពុលពណ៌លឿងទុំវៀតណាម វិមានរដ្ឋសភាអាមេរិក (ថ្ងៃទី ១៧ ខែធ្នូឆ្នាំ ២០១៥) ។ (រូបថត៖ AP) |
យើងក៏សង្ឃឹមថា លោកស្រីនឹងបន្តតស៊ូមតិចំពោះជនរងគ្រោះដោយសារធាតុគីមីពណ៌លឿងទុំ ដោយបញ្ចុះបញ្ចូលរដ្ឋសភាអាមេរិកឱ្យអនុម័តសេចក្តីព្រាងច្បាប់ដែលលោកស្រីបានដាក់ជូន។ ក្នុងនាមជាតំណាងរាស្ត្រនៃសភាជាន់ទាបអាមេរិកម្នាក់ យើងសង្ឃឹមថា លោកស្រីនឹងជំរុញឱ្យរដ្ឋាភិបាលអាមេរិកចូលរួមយ៉ាងសកម្មក្នុងការដោះស្រាយផលវិបាកនៃជាតិគីមីពុលពណ៌លឿងទុំនៅវៀតណាម” ។
 |
| អ្នកជំនាញបរទេសវាស់កម្រិតនៃការបំពុលសារធាតុគីមីពុលពណ៌លឿងទុំ នៅអាកាសយានដ្ឋាន Bien Hoa ។ ( រូបថត៖ VNE) |
ឧត្តមសេនីយ៍ឯក លោក Nguyen Van Rinh ក៏បានថ្លែងអំណរគុណដល់តំណាងរាស្ត្រផ្សេងៗទៀត ដែលបានសហការឧបត្ថម្ភសេចក្តីព្រាងច្បាប់នេះ មិត្តអាមេរិកនៅក្នុងគណៈកម្មាធិការអាមេរិកសម្រាប់ជំនួយសង្គ្រោះនិងការទទួលខុសត្រូវចំពោះជាតិគីមីពុលពណ៌លឿងទុំវៀតណាម នៅសហរដ្ឋអាមេរិក (VAORRC) សមាគមអតីតយុទ្ធជន ដើម្បីសន្តិភាពអាមេរិក (VFP) សមាគមមេធាវីអាមេរិក (NLG) ដែលបានសហការយ៉ាងជិតស្និទ្ធជាមួយគ្នា ដើម្បីពង្រាងច្បាប់ការពារជនរងគ្រោះដោយជាតិគីមីពណ៌លឿងទុំ៕
thoi dai
មតិពីមិត្តអ្នកអាន