«ខ្ញុំនៅតែជឿជាក់ថាយុត្តិធម៌នឹងមកដល់ជនរងគ្រោះដោយជាតិគីមីពុលពណ៌លឿងទុំនៅប្រទេសវៀតណាម»

យុត្តិធម៌សម្រាប់ជនរងគ្រោះដោយសារជាតិគីមីពុលពណ៌លឿងទុំ / ឌីអុកស៊ី

ក្រុមហ៊ុនគីមីអាមេរិកត្រូវតែទទួលខុសត្រូវអំពីផលវិបាកដែលបង្កឡើងដោយជាតិគីមីពុលពណ៌លឿងទុំ/ឌីអុកស៊ីតនៅវៀតណាម

លោក Hoang Cong Thuy ឆ្លើយបទសម្ភាសន៍ដល់សារព័ត៌មានអាមេរិកនៅញូវយ៉ក

លោកហួងកុងធុយ (Hoang Cong Thuy) បានមានប្រសាសន៍ថាៈនៅពេលនោះខ្ញុំជាអគ្គលេខាធិការសមាគមវៀតណាម - អាមេរិកនិងត្រូវបានចាត់បញ្ជូនឱ្យចូលរួមក្នុងគណៈប្រតិភូទៅសហរដ្ឋអាមេរិកដើម្បីចូលរួមសវនាការឧទ្ធរណ៍ដើម្បីចូលរួមចំណែកក្នុងការតស៊ូ ដើម្បីយុត្តិធម៌សម្រាប់ជនរងគ្រោះជាតិគីមីពុលព៌ណលឿងទុំវៀតណាម។ ក្រុមប្រតិភូមានសមាជិកចំនួន ៦ នាក់ហើយលោកត្រឹនសុងធូជាប្រធានហើយខ្ញុំជាអនុប្រធាន។ សមាជិក ៤ នាក់ទៀតដែលជាជនរងគ្រោះដោយសារជាតិគីមីពុលពណ៌លឿងទុំរួមមានលោកស្រីង្វៀនធីហុង (Nguyen Thi Hong) នៅដុងណៃ លោកង្វៀនវ៉ាន់ឃុយ (Nguyen Van Quy) នៅហៃផុងលោកវ៉ាថាញហាយនិងលោកង្វៀងមូយនៅទីក្រុងធូធៀន - ហួហើយពួកគេទាំងអស់រងផលប៉ះពាល់ផ្សេងៗ។ ជំងឺរួមទាំងជំងឺមហារីកស្ថានីយ។

មុនពេលចេញដំណើរយើងខ្ញុំមានកិត្តិយសបានទៅជួបសំណេះសំណាលជាមួយ នាយឧត្តមសេនីយ៍ Vo Nguyen Giapនៅគេហដ្ឋាន។ នាយឧត្តមសេនីយ៍បានទទួលជួបគណៈប្រតិភូប្រកបដោយភាពស្និតស្នាលបំផុតហើយបានសំដែងការអាណិតអាសូរចំពោះការឈឺចាប់ទាំងខាងផ្លូវកាយនិងផ្លូវចិត្តរបស់ជនរងគ្រោះដោយជាតិគីមីពុលពណ៌លឿងទុំ ក្នុងរយៈពេលប៉ុន្មានឆ្នាំកន្លងមកនេះ។ នាយឧត្តមសេនីយ៍បានផ្តែផ្តាំថាចំណងមិត្តភាពរវាងប្រជាជនវៀតណាមនិងប្រជាជនអាមេរិកគឺប្រសើរថ្លៃថ្លាណាស់ហើយគណៈប្រតិភូគួរតែឆ្លៀតយកអត្ថប្រយោជន៍ពីចំណងមិត្តភាពនិងការគាំទ្រពីមិត្តភក្តិនិងប្រជាជនអាមេរិក។ គណៈប្រតិភូបានធ្វើការតស៊ូដើម្បីយុត្តិធម៌ត្រឹមត្រូវដូច្នេះយុត្តិធម៌ជារបស់គណៈប្រតិភូហើយសូមជូនពរឱ្យគណៈប្រតិភូមានសុខភាពល្អនិងទទួលបានជោគជ័យ។

មនុស្សភាគច្រើនដែលគណៈប្រតិភូបានជួបប្រាស្រ័យសុទ្ធតែបានសម្តែងការអាណិតអាសូរព្រមទាំងស្រះុចិត្តគំនិតគ្នាគាំទ្របណ្តឹងទាមទារឱ្យក្រុមហ៊ុនអាមេរិកទទួលខុសត្រូវខាងសីលធម៌ចំពោះអ្វីដែលពួកគេបង្កឡើងដល់សុខភាពរបស់មនុស្សអេកូឡូស៊ីនិងបរិស្ថានរបស់វៀតណាម។ អារម្មណ៍រំភើបញាប់ញ័រខ្លាំងបំផុតគឺជំនួបជាមួយអតីតយុទ្ធជនអាមេរិកដែលបានចូលរួមប្រយុទ្ធនៅសមរភូមិវៀតណាម។ ពួកគេភាគច្រើនជាជនរងគ្រោះដោយជាតិគីមីពុលពណ៌លឿងទុំ / ឌីអុកស៊ីត។ អតីតយុទ្ធជនអាមេរិកជាច្រើនក៏មានកូនដែលពិការភាពពីកំណើតដូចជាជនរងគ្រោះដោយសារជាតិគីមីពុលពណ៌លឿងទុំ / ឌីអុកស៊ីតនៅក្នុងប្រទេសវៀតណាមដែរ។ អតីតយុទ្ធជនអាមេរិកជាច្រើនមានអារម្មណ៍ក្តុកក្តួលនិងសុំទោសចំពោះអ្វីដែលពួកគេបានធ្វើនៅវៀតណាម។ អ្នកដែលធ្លាប់ប្រឈមមុខដាក់គ្នានៅ សមរភូមិថ្ងៃនោះមានឱកាសតស៊ូប្រយុទ្ធជាមួយគ្នាដើម្បីស្វែងរកយុត្តិធម៌សម្រាប់ភាគីទាំងពីរ។ ប្រតិភូទាំងទាំងអស់មានវត្តមាននៅក្នុងសវនាការដើម្បីចូលរួមធ្វើជាសាក្សីសម្រាប់ជនរងគ្រោះដោយសារជាតិគីមីពុលពណ៌លឿងទុំឌីអ៊ុកស៊ីតក្នុងអំឡុងសង្គ្រាមវៀតណាម។

ទោះបីតុលាការអាមេរិកបានច្រានចោលបណ្តឹងឧទ្ធរណ៍ក៏ដោយតែការធ្វើដំណើររបស់គណៈប្រតិភូនាពេលនោះនិងដំណើរលើកក្រោយទៀតបានរួមចំណែកដល់ប្រជាជនអាមេរិកឱ្យយល់កាន់តែច្បាស់អំពីការឈឺចាប់របស់ជនរងគ្រោះវៀតណាមដោយសារការរងជាតិគីមីពុលព៌ណលឿងទុំហើយ ឆ្លៀតយកប្រយោជន៍ពីការគាំទ្រដ៏ទូលំទូលាយពីស្រទាប់ប្រជាជននិងសមាជិកសភាដើម្បីការរីកចម្រើនរបស់អាមេរិកចំពោះបណ្តឹងនេះហើយបានធ្វើអោយមនសិការនិងការទទួលខុសត្រូវខាងសីលធម៌ចំពោះផលវិបាកនៃសង្គ្រាមដែលពួកគេបានបង្កឡើង។ លោកបានបញ្ជាក់ថា “ខ្ញុំបានអនុវត្តតាមពាក្យបណ្តឹងរបស់លោកស្រីត្រឹងតូង៉ាចំពោះក្រុមហ៊ុនគីមីអាមេរិក។ការគួរឱ្យសោកស្តាយដែលតុលាការអេនជីរបស់បារាំងបានប្រកាសថាខ្លួនមិនមានសមត្ថភាពគ្រប់គ្រាន់ក្នុងការដោះស្រាយរឿងក្តីនេះហើយម្តងទៀតនោះយុត្តិធម៌មិនទាន់ត្រូវបានអនុវត្តជូនជនរងគ្រោះវៀតណាមឡើយ។ សាលដីការបស់តុលាការ Evry មិនមានភាពជឿជាក់ទេនៅពេលដែលក្រុមហ៊ុនគីមីរបស់អាមេរិកបានផលិតនិងផ្គត់ផ្គង់សារធាតុគីមីពណ៌លឿងទុំ ប្រហែល ៨០ លានលីត្រ សម្រាប់យោធាអាមេរិករោយទៅលើប្រទេសវៀតណាមខាងត្បូងបង្កផលប៉ះពាល់ធ្ងន់ធ្ងរដល់បរិស្ថានសុខភាពអេកូឡូស៊ី និងប្រជាជនរបស់វៀតណាម។ ខ្ញុំនៅតែជឿជាក់ថាយុត្តិធម៌នឹងមកដល់ជនរងគ្រោះដោយជាតិគីមីពុលពណ៌លឿងទុំវៀតណាម»។

ប្រទេសវៀតណាមនិងអាមេរិកបានធ្វើប្រក្រតីភាពទំនាក់ទំនងហើយកំពុងកសាងភាពជាដៃគូយុទ្ធសាស្ត្រ។ នេះគឺជាមូលដ្ឋានសម្រាប់ភាគីទាំងពីរកែលម្អការយោគយល់គ្នាទៅវិញទៅមកបន្តកសាងទំនាក់ទំនងមិត្តភាពជាមូលដ្ឋានដើម្បីដោះស្រាយបញ្ហាដែលនៅសេសសល់នៃសង្គ្រាមរួមទាំងជនរងគ្រោះដោយជាតិគីមីពុលព៌ណលឿងទុំផងដែរ។ ទន្ទឹមនឹងបន្តបណ្តឹងទាមទារមានការជំរុញថែមទៀតការគាំទ្រពីមតិសាធារណៈអន្តរជាតិចំពោះវៀតណាម។ ការឃោសនាសម្រាប់ប្រជាជននិងរដ្ឋាភិបាលអាមេរិកដើម្បីលើកកម្ពស់ការយល់ដឹងការទទួលខុសត្រូវខាងសីលធម៌និងយុត្តិធម៌សម្រាប់ជនរងគ្រោះដោយសារជាតិគីមីពុលពណ៌លឿងទុំផងដែរ៕

ហេង វុធ្ធី

Thoidai.com.vn