កូរ៉េខាងត្បូងចរចាលើកកម្រិតកិច្ចព្រមព្រៀងពាណិជ្ជកម្មសេរីជាមួយអាស៊ាន

កម្ពុជា​និង​តួនាទី​ជា​ប្រធាន​អាស៊ាន​ឆ្នាំ​២០២២៖ ឱកាស​និង​ការត្រៀម​លក្ខណៈ​ ​ក្នុង​ដំណើរ​ការកសាង​សហគមន៍​នយោបាយ​-​សន្តិសុខ​អាស៊ាន

កូរ៉េខាងត្បូង - អាស៊ាន៖ ធ្វើការរួមគ្នាឆ្ពោះទៅរកចក្ខុវិស័យសហគមន៍ប្រកបដោយសន្តិភាពវិបុលភាពនិងប្រកាន់ប្រជាជនជាស្នូរ

កំពង់ផែកុងតឺន័រ Incheon ប្រទេសកូរ៉េខាងត្បូង។ (រូបថត៖ AFP/TTXVN)

នាថ្ងៃទី២៧ ខែកក្កដា ក្រសួងពាណិជ្ជកម្មកូរ៉េខាងត្បូងប្រកាសថា ប្រទេសនេះ បានដំណើរការកិច្ចចរចាជាមួយសមាគមន៍ប្រជាជាតិអាស៊ីអាគ្នេយ៍ (អាស៊ាន) ដើម្បី លើកកម្រិតកិច្ចព្រមព្រៀងពាណិជ្ជកម្មសេរី (FTA) ហើយកាត់បន្ថយរបាំងពាណិជ្ជកម្ម ក្នុងបរិបទដែលរដ្ឋបាលសេអ៊ូលកំពុងស្វែងរកវិធីធ្វើពិពិធកម្មបញ្ជីពាណិជ្ជកម្ម និង បង្កើនវត្តមានរបស់ខ្លួននៅអាស៊ីអាគ្នេយ៍។ បើតាមក្រសួងពោលខាងលើ មន្ត្រីនៃភាគី ទាំងពីរបានបើកកិច្ចប្រជុំតាមប្រព័ន្ធវីដេអូដើម្បីពិភាក្សាអំពីរបៀបពង្រីកទំនាក់ទំនង សេដ្ឋកិច្ចទ្វេភាគី។

កូរ៉េខាងត្បូងនិងអាស៊ានបានឯកភាពលើការកាត់បន្ថយថែមទៀតនូវរបាំង ពាណិជ្ជកម្មកាលពីឆ្នាំ២០១៦ ប៉ុន្តែកិច្ចចរចាពាក់ព័ន្ធនានាត្រូវបានផ្អាក ដោយសារភាគី ទាំងពីរសម្រេចចិត្តផ្ដោតសំខាន់ទៅលើការចរចាអំពីកិច្ចព្រមព្រៀងភាពជាដៃគូសេដ្ឋ កិច្ចគ្រប់ជ្រុងជ្រោយក្នុងតំបន់ (RCEP)។ RCEP ដែលរួមមានអាស៊ាននិងប្រទេសជា ដៃគូសន្ទនាគឺកូរ៉េខាងត្បូង ជប៉ុន ចិន អូស្ត្រាលី និងនូវែលហ្សេឡង់ ត្រូវបានចុះហត្ថ លេខានៅកិច្ចប្រជុំកំពូលអាស៊ានតាមប្រព័ន្ធវីដេអូកាលពីថ្ងៃទី១៥ វិច្ឆិកា ឆ្នាំ២០២០។ ប្រទេសសមាជិក RCEP ដាក់ចេញគោលដៅនាំឲ្យកិច្ចព្រមព្រៀងនេះចូលជាធរមាន ជាផ្លូវការចាប់តាំងពីថ្ងៃទី១ ខែមករា ឆ្នាំ២០២២៕

VOV