នាព្រឹកថ្ងៃទី១៥ កក្កដា នៅច្រកទ្វារព្រំដែនអន្តរជាតិ Le Thanh (ស្រុក Duc Co ខេត្ត Gia Lai វៀតណាម) ក្រុមបេសកកម្មនៃបញ្ជាការដ្ឋានយោធាខេត្ត Gia Lai ដែលដឹកនាំដោយលោកវរសេនីយ៍ឯក Pham Manh Hung អនុប្រធាននយោបាយនៃបញ្ជាការដ្ឋានយោធាខេត្ត បានប្រគល់សម្ភារៈបរិក្ខារពេទ្យ ជូនដល់តំបន់ប្រតិបត្តិការសឹករងខេត្តរតនគិរី យោធភូមិភាគទី១ កងយោធពលខេមរភូមិន្ទ។
ឃោសនាផ្សព្វផ្សាយលទ្ធផលនៃការងារខ័ណ្ឌសីមានិងបោះបង្គោលព្រំដែនវៀតណាម - កម្ពុជា |
សមិទ្ធិផលដ៏លេចធ្លោមួយចំនួននៅក្នុងទំនាក់ទំនងវៀតណាម - កម្ពុជា |
ទិដ្ឋភាពនៃពិធីប្រគល់ |
ក្នុងឱកាសនេះ បញ្ជាការដ្ឋានយោធាខេត្ត Gia Lai បានជូនម៉ាស់ ទឹកលាងដៃសម្លាប់មេរោគ អំបិលសរីរវិទ្យា ក្រណាត់តង់ និងសាប៊ូសម្លាប់មេរោគ ដោយមានតម្លៃ ១០០ លានដុង។ ពិធីប្រគល់បានប្រព្រឹត្តទៅយ៉ាងខ្លីៗ ស្របតាមវិធានការប្រយុទ្ធប្រឆាំងនឹងជំងឺ Covid-19។
នេះជាសកម្មភាពជាក់ស្ដែង ដែលបង្ហាញនូវមនោសញ្ចេតនា ទំនាក់ទំនងសហប្រតិបត្តិការមិត្តភាព ប្រពៃណីជួយគាំទ្រគ្នាទៅវិញទៅមករវាងបញ្ជាការដ្ឋានយោធាខេត្ត Gia Lai វៀតណាម ជាមួយប្រជាជន និងកងកម្លាំងប្រដាប់អាវុធខេត្តរតនគិរី។
ក្នុងពិធីនេះ តំណាងនៃតំបន់ប្រតិបត្តិការសឹករងខេត្តរតនគិរីនៃយោធភូមិភាគទី១ កងយោធពលខេមរភូមិន្ទ រំពឹងថា នឹងបន្តទទួលបានការយកចិត្តទុកដាក់ និងការជួយគាំទ្រពីបញ្ជាការដ្ឋានយោធាខេត្ត Gia Lai កងទ័ពប្រជាជនវៀតណាម ព្រមទាំង ភាគីទាំងពីរបន្តពង្រីកចំណងមិត្តភាព កិច្ចសហប្រតិបត្តិការ ការចែករំលែកព័ត៌មាន និងរួមជាមួយគ្នាទប់ទល់នឹងជំងឺ Covid-19៕
មតិពីមិត្តអ្នកអាន