កិច្ចប្រជុំបូកសរុបលទ្ធផល​ការ​ងាររយៈពេល ៣ ឆ្នាំនៃការអនុវត្តអនុស្សរណៈនៃការយោគយល់គ្នាស្តីពីការសម្របសម្រួលរវាងគណៈចលនាមហាជនវៀតណាមនិងកម្ពុជា

វៀតណាម​ឈ្នះ​មេដាយ​ចំនួន​៣ ​ក្នុង​ការ​ប្រកួត​​អូឡាំពិក​ជីវសាស្ត្រ​អន្តរជាតិ​ ​ឆ្នាំ ២០២៣

ការ​ប្រារព្ធ​ខួប​លើក​ទី​៣៥​នៃ​ការ​សម្រេច​ចិត្ត​របស់​អង្គការ UNESCO លើក​តម្កើង​លោក​ប្រធាន​ហូជីមិញ

គណៈចលនាមហាជននៃខេត្តទាំងពីរចុះហត្ថលេខាលើកំណត់​ហេតុស្តី​ពី​កិច្ច​​សហប្រតិបត្តិការ សម្រាប់​ឆ្នាំ ២០២៤-២០២៥

ថ្លែងក្នុងឱកាសនេះ លោកស្រី H'Kim Hoa Bya ប្រធានគណៈចលនាមហាជនខេត្ត Dak Lak បានមានប្រសាសន៍ថា ក្នុងរយៈពេលប៉ុន្មានឆ្នាំចុងក្រោយនេះ ទំនាក់ទំនងប្រពៃណីដ៏ល្អរវាងសាធារណៈរដ្ឋសង្គមនិយមវៀតណាម និងព្រះរាជាណាចក្រកម្ពុជាតែងតែត្រូវបាន រដ្ឋ រដ្ឋាភិបាល និងប្រជាជននៃប្រទេសទាំងពីរពង្រឹង និងពង្រីកដោយឥតឈប់ឈរ ក្នុងស្មារតីសាមគ្គីភាព មិត្តភាព កិច្ចសហប្រតិបត្តិការ និងការអភិវឌ្ឍទៅវិញទៅមកក្រោមពាក្យស្លោកថា "ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យ និងស្ថិតស្ថិរយូរអង្វែង" បង្កើតលក្ខខណ្ឌអំណោយផលសម្រាប់ការផ្លាស់ប្តូរ កិច្ចសហប្រតិបត្តិការ ការអភិវឌ្ឍសេដ្ឋកិច្ច វប្បធម៌ និងសង្គមរវាងខេត្តទាំងពីរ រួមទាំងការងារចលនាមហាជន រួមគ្នាកសាងព្រំដែនប្រកបដោយមិត្តភាព កិច្ចសហប្រតិបត្តិការ និងការអភិវឌ្ឍទៅវិញទៅមក។

នាពេលថ្មីៗនេះ រណសិរ្ស អង្គការនយោបាយសង្គម ស្ថាប័នពាក់ព័ន្ធ និងកងកម្លាំងប្រដាប់អាវុធខេត្ត Dak Lak បានចុះហត្ថលេខាលើ​កិច្ចព្រមព្រៀង​សហប្រតិបត្តិការជាច្រើនជាមួយរណសិរ្ស សមាគម ស្ថាប័នពាក់ព័ន្ធ និងកងកម្លាំងប្រដាប់អាវុធខេត្តមណ្ឌលគិរី។ ភាគីទាំងពីរបានអនុវត្តកម្មវិធី និងសកម្មភាពជាច្រើន ជួបពិភាក្សាជាប្រចាំ ផ្លាស់ប្តូរព័ត៌មាន និងបង្កលក្ខណៈងាយស្រួលសម្រាប់គ្នាទៅវិញទៅមកក្នុងការរៀបចំឲ្យសមាគម សម្ព័ន្ធយុវជន និងប្រជាជននៅតំបន់ព្រំដែននៃខេត្តទាំងពីរ មានឱកាសជួបប្រាស្រ័យទាក់ទងគ្នា និងផ្លាស់ប្តូរបទពិសោធន៍ស្តីពីការអភិវឌ្ឍសេដ្ឋកិច្ច វប្បធម៌ ការពារជាតិ សន្តិសុខ... អាស្រ័យហេតុនេះ បានជំរុញសកម្មភាពឃោសនា និងចលនាប្រជាពលរដ្ឋដែលរស់នៅតាមតំបន់ព្រំដែនឲ្យអនុវត្ត និងគោរពយ៉ាងម៉ឺងម៉ាត់នូវបទបញ្ញត្តិព្រំដែន នៃប្រទេសទាំងពីរ។

នៅចុងបញ្ចប់នៃកិច្ចប្រជុំ​នេះ​ គណៈចលនាមហាជននៃខេត្ត Dak Lak និងគណៈ​ចលនាមហាជនខេត្តមណ្ឌលគិរី បានចុះហត្ថលេខាលើកំណត់​ហេតុ​ស្តីពី​កិច្ចសហប្រតិបត្តិការសម្រាប់ឆ្នាំ ២០២៤-២០២៥៕

យោងតាមកាសែតកងទ័ពប្រជាជន