រាជរដ្ឋាភិបាលកម្ពុជាបានសម្រេចផ្អាកការចូលនិងចេញជាបណ្តោះអាសន្នតាមព្រំដែនកម្ពុជា – វៀតណាមនូវកម្មករជំនាញ អ្នកបច្ចេកទេស បុគ្គលិកក្រុមហ៊ុនវៀតណាម រយៈពេលមួយខែគិតចាប់ពីថ្ងៃទី ១៨ ខែកក្កដាឆ្នាំ ២០២១នេះទៅ ។
 |
| កម្ពុជាផ្អាកការធ្វើដំណើរចេញ-ចូលឆ្លងកាត់ព្រំដែនកម្ពុជា-វៀតណាមជាបណ្តោះអាសន្ |
ព័ត៌មាននេះត្រូវបានបញ្ជាក់នៅក្នុងលិខិតរបស់ក្រសួងការបរទេសផ្ញើទៅឯកអគ្គរាជទូតកម្ពុជាប្រចាំនៅប្រទេសវៀតណាម។
ទោះយ៉ាងណា មានករណីលើកលែងមួយចំនួនរួមមាន អ្នកជំងឺកំពុងស្វែងរកការព្យាបាលនៅប្រទេសវៀតណាម អ្នកការទូត មន្ត្រីរាជការក្នុងបេសកកម្មតាមការអញ្ជើញរបស់អាជ្ញាធរនៃប្រទេសទាំងពីរ និងនិស្សិតដែលបានបញ្ចប់វគ្គសិក្សាឬករណីដោយមានការអនុញ្ញាតពិសេសពីរាជរដ្ឋាភិបាល។
និយោជិកនិងកម្មករជំនាញរបស់ក្រុមហ៊ុនវៀតណាមដែលបានចូលមកប្រទេសកម្ពុជារួចហើយនោះ មិនត្រូវបានអនុញ្ញាតឱ្យវិលត្រឡប់ទៅប្រទេសវៀតណាមវិញក្នុងអំឡុងពេលផ្អាកការចូលនិងចេញនោះឡើយ។
គិតត្រឹមថ្ងៃទី ១៣ ខែកក្កដាឆ្នាំ ២០២១ ប្រទេសវៀតណាមមានករណីឆ្លងជំងឺកូវីដ-១៩ជាង ៣៤.៥០០ ករណីនៅទូទាំងប្រទេសដែលក្នុងនោះមានអ្នកស្លាប់ ១៣០ នាក់និង ៩.៥៥៣ នាក់ បានជាសះស្បើយ៕
Khmertimes
មតិពីមិត្តអ្នកអាន