នារសៀលថ្ងៃទី២៣ ខែមិថុនា នៅច្រកទ្វារព្រំដែន Bu Prang (ខេត្ត Dak Nong) បញ្ជាការដ្ឋានកងទ័ពការពារព្រំដែន និងបញ្ជាការដ្ឋានយោធាខេត្ត Dak Nong វៀតណាម បានរៀបចំពិធីប្រគល់ស្បៀងអាហារ និងសម្ភារៈបរិក្ខារពេទ្យដើម្បីប្រយុទ្ធប្រឆាំងនឹងជំងឺ Covid-19 ជូនដល់កងកម្លាំងប្រដាប់អាវុធ និងសមាគមន៍អាណិកជនវៀតណាមនៅខេត្តមណ្ឌលគិរី។
 |
| កងទ័ពការពារព្រំដែន និងបញ្ជាការដ្ឋានយោធាខេត្ត Dak Nong ប្រគល់សម្ភារៈបរិក្ខារពេទ្យដើម្បីប្រយុទ្ធប្រឆាំងនឹងជំងឺ Covid-19 ជូនដល់កងកម្លាំងប្រដាប់អាវុធ និងសមាគមន៍អាណិកជនវៀតណាមនៅខេត្តមណ្ឌលគិរី (រូបថត៖ bienphong.com.vn) |
ថ្លែងក្នុងពិធីប្រគល់ លោកវរសេនីយ៍ឯក Nguyen Van Lu មេបញ្ជាការកងទ័ពការពារព្រំដែនខេត្ត Dak Nong បានឲ្យដឹងថា ក្នុងបរិបទនៃការវិវឌ្ឍដ៏ស្មុគស្មាញនៃជំងឺ Covid-19 កងទ័ពការពារព្រំដែននិងបញ្ជាការដ្ឋានយោធាខេត្ត Dak Nong រំពឹងថា សម្ភារៈបរិក្ខារពេទ្យទាំងនេះនឹងជួយកម្លាំងការពារព្រំដែនខេត្តមណ្ឌលគិរីឆ្លងកាត់ការលំបាកក្នុងការប្រយុទ្ធប្រឆាំងនឹងជំងឺ Covid-19 ព្រមទាំងបង្កើនការផ្លាស់ប្តូរព័ត៌មាន ការយាមល្បាត ការពិនិត្យ និងការទប់ស្កាត់ការឆ្លងដែនដោយខុសច្បាប់។
តំណាងកម្លាំងប្រដាប់អាវុធ និងសមាគមន៍អាណិកជនវៀតណាមនៅខេត្តមណ្ឌលគិរី បានថ្លែងអំណរគុណចំពោះមនោសញ្ចេតនានិងជំនួយដ៏មានអត្ថន័យ និងទាន់ពេលវេលាដែលកងទ័ពការពារព្រំដែនខេត្ត Dak Nong ជូនដល់កងកម្លាំងប្រដាប់អាវុធ និងសមាគមន៍អាណិកជនវៀតណាមនៅខេត្តមណ្ឌលគិរីក្នុងការប្រយុទ្ធប្រឆាំងនឹងជំងឺ Covid-19៕
មតិពីមិត្តអ្នកអាន