Trending now

បាយចុងអង្ករដែលពេញនិមយនៅទីក្រុងហូជីមិញ

11:18 | 11/05/2021 ឌីណា

យុគសម័យ - បាយចុងអង្ករគឺជាមុខម្ហូបដែលធ្លាប់ស្គាល់សម្រាប់ប្រជាជនទីក្រុង Ho Chi Minh (នាពេលអតីតកាលគេធ្លាប់ហៅថាទីក្រុង Sai Gon) ។ ធ្វើដំណើរជាមវិញទីក្រុង Ho Chi Minh មានហាងលក់បាយចុងអង្ករជាច្រើនកន្លែង មានហាងលក់ថោក​និងមានភោជនីយដ្ឋាន។

ស្វែងយល់នូវដំណើរការឈានចូលទីក្រុង Sai Gon ប្រកបដោយប្រវត្តិសាស្ត្រ ស្វែងយល់នូវដំណើរការឈានចូលទីក្រុង Sai Gon ប្រកបដោយប្រវត្តិសាស្ត្រ
កម្រងរូបថតទីក្រុង Sai Gon ពីទសវត្សឆ្នាំ ១៩៦០ កម្រងរូបថតទីក្រុង Sai Gon ពីទសវត្សឆ្នាំ ១៩៦០
បាយចុងអង្ករដែលពេញនិមយនៅទីក្រុងហូជីមិញ
បាយចុងអង្ករមួយចាន។ (រូបថត៖ foody)

បាយ​ចុង​​អង្ករ​​ Sai Gon ត្រូវបាន​គេហូបជាពេលបាយ​​​ប្រចាំថ្ងៃ ដោយ​យកម្ហូប​ទាំង​អស់​ដាក់​​នៅលើថាស ហើយ​មាន​ចានផង​ ចង្កឹះផង​។ ដូច្នេះ ប្រជាជន​នៅ​ Sai Gon ក៏ផ្លាស់ប្តូរ​មុខ​ម្ហូបនេះ​ដើម្បីឱ្យកាន់តែទា​ក់ទាញ និង​សមស្រប​សម្រាប់ទាំងប្រជា​ជន​​ក្នុង​ប្រទេស​​និងជន​បរទេស​​។ ចាប់តាំងពីពេលនោះមក បាយ​ចុង​អង្ករនិង​​ម្ហូប​​នានា​ត្រូវបាន​គេដាក់​​​​នៅលើចានធំ​តែ​មួយ ​ហើយប្រើស្លាបព្រានិងសម​នៅពេលពិសា​​ដែល​វា​​ដូចមុខ​ម្ហូបនៅលោកខាងលិច​។ រហូតមកដល់សព្វថ្ងៃនេះការតុបតែងនិង​របៀប​​​ពិសា​មុខម្ហូបនេះ​នៅតែត្រូវបានថែរក្សានិងក្លាយជាលក្ខណៈពិសេស​មួយ​​។

គ្រឿងផ្សំសំខាន់ ដើម្បីធ្វើ​​បាយចុងអង្ករនេះ​​ គឺ​ចុង​អង្គរដែល​ ជាភាព​ពិ​សេស​ដែលធ្វើឱ្យ​បាយ​​​ចុង​អង្ករនេះ​វា​ខុសពី​បាយ​ធម្មតាដទៃទៀត។ តាមប្រពៃណី បាយ​ចុង​​អង្ករដែល​​ឆ្ងា​ញ់​បំផុតគឺ​​នៅពេល​ប្រើឆ្នាំង​ដី​រឺឆ្នាំងដែក​ស្មិត​ ដែល​​ចម្អិន​ដោយ​ដុត​អុស។ ទោះជាយ៉ាងណា​ក៏ដោយ​រហូតមកដល់សព្វថ្ងៃនេះ​ដើម្បីសន្សំសំចៃពេលវេលា​ មនុស្ស​ជាច្រើនតែង​តែ​ប្រើ​វិធីចំហុយ។ មុនពេល​ចម្អិន ចុងអង្ករបាក់​ត្រូវត្រាំក្នុងទឹករយៈពេលជាច្រើនម៉ោង ដើម្បីធ្វើឱ្យគ្រាប់អង្ករ​ទន់​ហើយបន្ទាប់មកទៅ​ចំហុយ។ ក្លិនក្រអូបនៃបាយ​ចុង​អង្ករ​ពិតជា​នឹងធ្វើឱ្យអ្នកចងចាំជារៀងរហូត។

បាយចុងអង្ករដែលពេញនិមយនៅទីក្រុងហូជីមិញ
បាយចុងអង្ករហូបជាមួយឆ្អឹងជំនីរ។ (រូបថត៖ Foody)

ចានបាយ​ចុង​អង្ករ​នីមួយៗត្រូវ​មាន​​ទឹកជ្រលក់មួយចាន។ ទឹកជ្រលក់​​នេះ​រួមមាន ទឹកត្រី ខ្ទឹមស ម្ទេសនិងស្ករ​ ដែល​​​មាន​រសជាតិ​ផ្អែមនិងជូរល្មម។ ចំណុចពិសេសមួយនៅក្នុងវិធីនៃការបរិភោគរបស់​ប្រជាជន​នៅ Sai Gon គឺចាក់​ទឹកជ្រលក់​លើចានបាយតែ​ម្តង​​ដោយ​មិនចាំបាច់ជ្រលក់ក្នុងចានដូចធម្មតាទេ។

បាយ​ចុង​អង្ករ​​​ Sai Gon ត្រូវបានគេចាត់ទុក​ថាជាអាហារសម្រាប់​ជនក្រីក្រ។ មូលហេតុគឺដោយសារ​បាយ​ចុង​អង្ករវា​មិនសូវរីកទេ ហើយ​តម្លៃធូរថ្លៃទៀត ​ដូច្នេះគេអាច​ប្រើជា​អាហារ​ប្រចាំថ្ងៃដើម្បីសន្សំសំចៃ​​។ ពីមុនម្ហូបនេះស្ទើរតែប្រើ​សម្រាប់តែកម្មករកសិករក្រីក្រឬនិស្សិតទេ​។ ប៉ុន្តែ បច្ចុប្បន្ន​នេះ បាយ​ចុង​អង្ករ​បានក្លាយជាមុខ​ម្ហូបពិសេស​​​ប្រចាំ​តំបន់។ ជាពិសេសវាបានក្លាយជាម្ហូប​ប្រចាំ​​តំបន់​របស់ Sai Gon ./.

ហាងលក់បាយចុងអង្ករឆ្ងាញ់ៗ មួយចំនួននៅទីក្រុង Sai Gon

បាយឆ្អឹងជំនី Ba Cuong

អាស័យដ្ឋាន៖ 263 Tran Quang Khai សង្កាត់ Tan Dinh ខណ្ឌទី 1

ម៉ោងបើកហាង ពីម៉ោង 7:00 ពេលព្រឹក ដល់ម៉ោង 21 និង 30 នាទី ពេលយប់

បាយចុងអង្ករ Minh Long

អាស័យដ្ឋាន៖ 607 Nguyen Thi Thap ខណ្ឌទី ៧

ម៉ោងបើកហាង ពីម៉ោង 7 :00 ពេលព្រឹក ដល់ម៉ោង 21: ០០ នាទី ពេលយប់

បាយចុងអង្ករ Huyen

អាស័យដ្ឋាន៖ ច្រក Dinh Tien Hoang សង្កាត់ទី ៣ ខណ្ឌ Binh Thanh

ម៉ោងបើកហាង ពី 17 : 00 នាទីពេល​រសៀល ដល់ម៉ោង 4: ០០ នាទីពេលព្រឹក

ឌីណា

មតិពីមិត្តអ្នកអាន

ព័ត៌មានថ្មីៗ

កំពង់ផែនេសាទធំជាងគេនៅតំបន់កណ្តាលខាងត្បូងវៀតណាមបានដំណើរការឡើង
គិលានុបដ្ឋាកនិងអ្នកថែទាំជំងឺជនជាតិវៀតណាមជិត ១.៩០០ នាក់ធ្វើការនៅប្រទេសជប៉ុន
គាំទ្រគំនិតផ្តួចផ្តើមចំនួន ២៩ របស់យុវជន ដែលរងផលប៉ះពាល់ដោយការរីករាលដាលនៃជំងឺកូវីដ-១៩
ជំនួបសំណេះសំណាលជាមួយសហគមន៍ជនជាតិវៀតណាម នៅខេត្ត Ústecký
ក្រុមបាល់ទាត់ជម្រើសជាតិវៀតណាមស្ថិតក្នុងក្រុមចំណាត់ថ្នាក់លេខ ១ នៅ AFF Cup 2020