ហាងលក់បាយវៀតណាមមានភ្ញៀវមកច្រើនកុះករ តាំងពីព្រឹកព្រលឹមនៅតាមព្រំដែនកម្ពុជា

នំបាញ់ហយគឺជាមុខម្ហូបសាមញ្ញ ដែលមានរសជាតិឆ្ងាញ់និងមិនទ្រាន់ នៅប្រទេសវៀតណាម

តើភ្ញៀវទេសចរចូលចិត្តទទួលទានអ្វីសម្រាប់អាហារពេលព្រឹក នៅពេលមកដល់វៀតណាម?

ភោជនីយដ្ឋានលក់បាយចុងអង្ករមានទីតាំងទល់មុខនឹងផ្សារព្រំដែន Tinh Bien (ខេត្ត An Giang) គឺជាភោជនីយដ្ឋាន​មួយក្នុង​ចំណោមភោជនីយដ្ឋានដែលបើកទ្វារ​លឿនបំផុត នៅតំបន់នេះ។ ម្ចាស់ហាងនេះ លោកស្រី Nguyen Thi Ngoc Ha (អាយុ ៤០ ឆ្នាំ) បាននិយាយថា ហាងនេះត្រូវបានបើក ដោយឪពុកម្តាយរបស់លោកស្រី ចាប់តាំងពីឆ្នាំ ២០០១ ហើយបាន​ប្តូរទៅអាសយដ្ឋានបច្ចុប្បន្ននេះ កាលពី ៦ ឆ្នាំមុន។

តុធ្វើពីឈើដែលដាក់នៅខាងមុខគឺជាកន្លែងរៀបចំម្ហូបជូនភ្ញៀវ។ លោកស្រី Ha និងម្តាយរបស់គាត់ (រូបថត) ផ្លាស់វេនគ្នា​ដើម្បី អង្គុយនៅតុនេះ។ (រូបថត៖ Di Vy)។

យោងតាមលោកស្រី Ha ដើម្បីបម្រើអតិថិជនមួយចំនួនធំ រៀងរាល់ព្រឹក សាច់និងឆ្អឹងជំនីរត្រូវបានហាងយកទៅ​ប្រឡក់​ពីយប់មិញនេះ​បើយោងតាមរូបមន្តផ្ទាល់ខ្លួន។ លោកស្រី Ha បាននិយាយថា“ គ្រឿងទេសត្រូវការពេលវេលា ដើម្បីជ្រាប ចូលសាច់​ ដែលក្នុងនោះ​មានទឹកឃ្មុំបន្តិច មិនអាចខ្វះបានទេ ដូច្នេះ​នៅពេលអាំង​សាច់និងឆ្អឹង​ជំនីរ​នឹងមានរសជាតិឆ្ងាញ់និងមិនស្ងួត” ។

នៅលើចង្ក្រានធ្យូងក្រហម សាច់ត្រូវបានប្រែជាបន្តបន្ទាប់។ ពេលវាជិតឆ្អិន​ហើយ មេចុងភៅក៏លាបទឹកគ្រឿងទេសលើ​សាច់​បន្ថែមម្តងទៀត ​។ ចង្រ្កានសាច់អាំងត្រូវបានគេដាក់នៅមុខ​ភោជនីយដ្ឋាន​ ក្លិនសាច់ឈ្ងុយឆ្ងាញ់​រាលដាលពាសពេញលំហ។ ឆ្អឹងជំនីរ​អាំងនៅតែមានក្លិនផ្សែង ប៉ុន្តែនៅតែរក្សាភាពទន់នៅខាងក្នុង។ នៅពេលភ្ញៀវហូប គេ​នឹងមានអារម្មណ៍ថា​មានរសជាតិផ្អែមរួមជាមួយ​រសជាតិឆ្ងាញ់។

ចានបាយមួយមានតំលៃ ៣ ម៉ឺនដុង។ (រូបថត៖ Di Vy)

អស់រយៈពេលជិត ២០ ឆ្នាំមកហើយ​ សមាជិកនៃក្រុមគ្រួសាររបស់​លោកស្រី Ha បានធ្វើការជាមួយគ្នា នៅក្នុងភោជនីយដ្ឋាន ។ បច្ចុប្បន្ននេះលោកស្រី Ha អង្គុយនៅតុ​គិតលុយ​និងយក​បាយសម្រាប់ភ្ញឿវ ។ កូនៗ របស់គាត់ទទួលបន្ទុក​ខាង​រត់តុ។ មានថ្ងៃរវល់ ម្តាយរបស់លោកស្រីនឹងជួយ។

លោកស្រី Ha ជឿជាក់ថា ទោះជាម្ហូបមួយមុខឆ្ងាញ់ឬអត់ គឺអាស្រ័យ លើរសជាតិរបស់អតិថិជនម្នាក់ៗ។ បញ្ជីមុខម្ហូបនៅទីនេះ មានបាយចុងអង្កហូបជាមួយឆ្អឹងជំនីរ សាច់ជ្រូកនិងល្បែក​សាច់ជ្រូក​។ ហាងនេះក៏បន្ថែមញាំនិងពងទាស្ងោរ ដើម្បីធ្វើឱ្យអតិថិជនហូបបាន​ឆ្ងាញ់ៗ​។

ទំហំរបស់ភោជនីយដ្ឋាននេះគឺមិនសូវធំពេក។ គ្រឿងសង្ហារិម​ចាស់ៗ ត្រូវបានគេដាក់ក្នុងហាងដែលមានទំហំជាង ២០ ម៉ែត្រការ៉េ។ ដោយសារភោជនីយដ្ឋាននេះមានទីតាំងនៅជិតផ្សារព្រំដែន ដែ​ជាកន្លែងទាក់ទាញភ្ញៀវទេសចរនិងអ្នកស្រុក។ ជារៀងរាល់ថ្ងៃ​ភោជនីយដ្ឋាននេះលក់បាយចុងអង្ករជាងមួយរយចាន តាំងពីព្រឹករ​ហូតដល់ម៉ោង ១០ ពេលព្រឹក ./.

ឌីណា

Vietnam Net