ព្រឹកថ្ងៃទី៣១ មីនា ក្នុងក្របខ័ណ្ឌនៃ សម័យប្រជុំលើកទី១១ រដ្ឋសភានីតិកាលទី១៤ បានឯកភាពបោះឆ្នោតជ្រើសតាំង លោក Vuong Dinh Hue លេខាគណៈកម្មាធិការបក្សទីក្រុងហាណូយ ចូលកាន់ តំណែងជាប្រធានរដ្ឋសភា ប្រធានក្រុមប្រឹក្សាជាតិរៀបចំការបោះឆ្នោត ជំនួសឲ្យ លោកស្រី Nguyen Thi Kim Ngan ដែលបានបញ្ចប់មុខតំណែងកាលពីរសៀលថ្ងៃទី៣០ មីនា។នាព្រឹកថ្ងៃទី ៥ ខែមេសា រដ្ឋសភាវៀតណាមបានអនុម័តជ្រើសតាំងលោក Nguyen Xuan Phuc កាន់ដំណែងជាប្រធានរដ្ឋនៃសាធារណរដ្ឋសង្គមនិយមវៀតណាមដោយមានសំឡេងគាំទ្រ ៩៧,៥%។ នាសៀលថ្ងៃទី ៥ ខែមេសា សមាជិកសមាជិការសភាបានបោះឆ្នោតជ្រើសតាំងលោក Pham Minh Chinh ប្រធានគណៈកម្មាធិការចាត់តាំងមជ្ឈឹម កាន់តំណែងជានាយករដ្ឋមន្ត្រី ដោយមានសំឡេងគាំទ្រចំនួន ៩៦,២៥%។
សម្តេចនាយករដ្ឋមន្រ្តី ហ៊ុន សែន (រូបពីទំព័រហ្វេសប៊ុកសម្តេច ហ៊ុន សែន) ពីឆ្វេងទៅស្តាំ៖ សម្តេចនាយករដ្ឋមន្រ្តី ហ៊ុន សែន (រូបពីទំព័រហ្វេសប៊ុកសម្តេច ហ៊ុន សែន) |
សម្តេចនាយករដ្ឋមន្រ្តី ហ៊ុន សែន ផ្ញើលិខិតអបអរសាទរ ទៅកាន់លោក Nguyen Xuan Phuc ដែលឡើងជាប្រធានរដ្ឋ និងលោក Pham Minh Chinh ដែលឡើងជានាយករដ្ឋមន្រ្តី ខណៈសម្តេច ហេង សំរិន និង លោក ស៊ឹម កា តំណាងអង្គការនីតិប្បញ្ញត្តិកម្ពុជា ផ្ញើលិខិតអបអរសាទរ ទៅកាន់លោក Vuong Dinh Hue ដែលឡើងជាប្រធានសភា។
សមាជិកការិយាល័យនយោបាយ ប្រធានគណៈចាត់តាំងមជ្ឈឹម លោក Pham Minh Chinh ត្រូវរដ្ឋសភាបោះឆ្នោតជ្រើសតាំងជានាយករដ្ឋមន្ត្រីនៃសាធារណរដ្ឋសង្គមនិយមវៀតណាម (រូបថត៖ VGP/Nhat Bac) |
ក្នុងលិខិត ដែលផ្ញើទៅកាន់លោក Nguyen Xuan Phuc សម្តេច ហ៊ុន សែន ប្រមុខរដ្ឋាភិបាលកម្ពុជា បានសរសេរ ថា៖«ការទទួលបាននូវតំណែងដ៏ឧត្តុង្គឧត្តម និងស័ក្តិសមបំផុត សម្រាប់ឯកឧត្តម បានបង្ហាញពីជំនឿជឿជាក់និងទំនុកចិត្តយ៉ាងខ្លាំ ងរបស់បក្សកុម្មុយនីស្តនិងប្រជាជនវៀតណាមទាំងមូលមកលើភាពជាអ្នកដឹកនាំដ៏វាងវៃរបស់ឯកឧត្តម»។
ផ្ញើលិខិតអបអរសាទររួចហើយ សម្តេច ហ៊ុន សែន និង លោក Nguyen Xuan Phuc បាននិយាយគ្នាតាមទូរស័ព្ទបន្ថែមទៀត។ សម្តេច ហ៊ុនសែន នាយករដ្ឋមន្រ្តីកម្ពុជាបានវាយតម្លៃខ្ពស់ចំពោះសមិទ្ធិផលគួរឱ្យចាប់អារម្មណ៍ដែលប្រទេសវៀតណាមទទួលបានក្នុងប៉ុន្មានឆ្នាំថ្មីៗនេះក្នុងការអភិវឌ្ឍសេដ្ឋកិច្ច សង្គម ការធ្វើសមាហរណកម្មអន្តរជាតិ ក៏ដូចជាការឆ្លើយតបទៅនឹងការរីករាលដាលនៃជំងឺកូវីដ ១៩ ហើយជឿជាក់ថា ក្នុងតំណែងថ្មី លោកប្រធានរដ្ឋ Nguyen Xuan Phuc បន្តរួមចំណែកយ៉ាងធំធេងចំពោះការផ្លាស់ប្តូរថ្មី និងលើកកម្ពស់កិត្យានុភាពនិងឋានៈរបស់ប្រទេសវៀតណាមលើឆាកអន្តរជាតិ។
ប្រធានរដ្ឋ លោក Nguyen Xuan Phuc អញ្ជើញស្បថចូលកាន់តំណែង (រូបថតៈ VGP/Nhat Bac) |
លោកប្រធានរដ្ឋ Nguyen Xuan Phuc បានថ្លែងអំណរគុណដល់ សម្តេចតេជោ ហ៊ុនសែន នាយករដ្ឋមន្រ្តីកម្ពុជាដែលបានផ្ញើសារនិងទូរស័ព្ទអបអរសាទរលោក Nguyen Xuan Phuc ។ លោកប្រធានរដ្ឋ Nguyen Xuan Phuc អះអាងថា បក្ស រដ្ឋនិងប្រជាជនវៀតណាមតែងតែយកចិត្តទុកដាក់ខ្ពស់ចំពោះការពង្រឹងទំនាក់ទំនងភាពជាអ្នកជិតខាងល្អ មិត្តភាពប្រពៃណីកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងកម្ពុជា។
លោកប្រធានរដ្ឋ Nguyen Xuan Phuc បានបង្ហាញនូវការជឿជាក់ថា ក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុនសែន នាយករដ្ឋមន្រ្តីកម្ពុជាប្រទេសកម្ពុជានឹងទទួលបានជោគជ័យនូវការទប់ស្កាត់នឹងការរីករាលដាលនៃជំងឺកូវីដ ១៩ និងឆាប់ជាសារៈសេដ្ឋកិច្ច សង្គមឡើងវិញ។
ចំណែក សម្តេច ហេង សំរិន ប្រធានរដ្ឋសភាកម្ពុជា ថ្លែងទៅកាន់លោក Vuong Dinh Hue ថា៖«ខ្ញុំ មានជំនឿយ៉ាងមុតមាំថា ក្រោមការដឹកនាំប្រកបដោយចក្ខុវិស័យដ៏ច្បាស់លាស់របស់ឯកឧត្តមប្រធានរដ្ឋសភា នៅក្នុងស្ថាប័ននីតិប្បញ្ញត្តិនៃសាធារណរដ្ឋសង្គមនិយមវៀតណាម ទំនាក់ទំនងមិត្តភាពយូរអង្វែង ភាពជាអ្នកជិតខាងល្អ និង កិច្ចសហប្រតិបត្តិការគ្រប់ជ្រុងជ្រោយរវាងស្ថាប័ននីតិប្បញ្ញត្តិនិងប្រទេសទាំងពីរ នឹងបន្តរីកចម្រើនលូតលាស់បន្ថែមទៀត នាពេលអនាគត ដើម្បីបម្រើផលប្រយោជន៍ទៅវិញទៅមកនៃប្រជាជនភូមិផងរបងជាមួយគ្នា»។
ប្រធានរដ្ឋសភាវៀតណាម លោក Vuong Dinh Hue អញ្ជើញធ្វើសច្ចាប្រណិធាន។ (រូបថត៖ baochinhphu.vn) |
ចំពោះលោក ស៊ឹម កា អនុប្រធានព្រឹទ្ធសភាកម្ពុជាវិញ លោក បានប្រាប់ទៅលោក Vuong Dinh Hue ថា៖«ខ្ញុំ ត្រៀមខ្លួនធ្វើកិច្ចសហប្រតិបត្តិការដ៏ជិតស្និទ្ធជាមួយឯកឧត្តម និងជាមួយសភានៃសាធារណរដ្ឋសង្គមនិយមវៀតណាម ដើម្បីវឌ្ឍនភាព វិបុលភាព រវាងប្រជាជន និងប្រទេសយើងទាំងពីរ ព្រមទាំងបន្តទំនាក់ទំនងល្អរវាងស្ថាប័ននីតិប្បញ្ញត្តិកម្ពុជា-វៀតណាម បន្តគាំទ្រគ្នាទៅវិញទៅមក ក្នុងក្របខ័ណ្ឌកិច្ចសហប្រតិបត្តិការអន្តរសភាក្នុងតំបន់ និងអន្តរជាតិ»។
លោក ស៊ឹម កា បានផ្ញើលិខិតអបអរសាទរ ទៅលោក Vuong Dinh Hue ក្នុងនាមលោកជាប្រធានស្តីទីនៃព្រឹទ្ធសភាកម្ពុជា ដោយលោក សម្តេច សាយ ឈុំ ជាប្រធានព្រឹទ្ធសភា ទទួលរាជានុសិទ្ធិជាប្រមុខរដ្ឋស្តីទី ក្នុងអំឡុងព្រះមហាក្សត្រ យាងទៅពិនិត្យព្រះរាជសុខភាពនៅប្រទេសចិន។ ប៉ុន្តែ ព្រះមហាក្សត្រ ទ្រង់បានយាងមកកម្ពុជាវិញហើយ កាលពីរសៀលថ្ងៃទី៥ ខែមេសា ឆ្នាំ២០២១។
ប្រធានស្តីទីព្រឹទ្ធសភាកម្ពុជាបានសរសេរថា “ក្នុងនាមសមាជិកព្រឹទ្ធសភានៃព្រឹទ្ធសភាព្រះរាជាណាចក្រកម្ពុជា និងក្នុងនាមខ្ញុំផ្ទាល់ ខ្ញុំសូមសំដែងនូវអំណរនិងសូមគោរពជូនពរដ៏កក់ក្តៅបំផុតក្នុងឱកាស លោក Vuong Dinh Hue បានជាប់ឆ្នោតជាប្រធានរដ្ឋសភាវៀតណានិងជាប្រធានក្រុមប្រឹក្សាជាតិរៀបចំការបោះឆ្នោត នៃសាធារណរដ្ឋសង្គមនិយមវៀតណាមក្នុងសម័យប្រជុំលើកទី ១១ នីតិកាលទី១៤ នៅថ្ងៃទី ៣១ ខែមីនាឆ្នាំ ២០២១»។ឯកឧត្តមកិត្តិនីតិកោសល បណ្ឌិត ស៊ីម កា ប្រធានស្ដីទីព្រឹទ្ធសភាកម្ពុជាបានបញ្ជាក់ពីឆន្ទៈរបស់លោកក្នុងការធ្វើការយ៉ាងជិតស្និទ្ធជាមួយប្រធានរដ្ឋសភា លោក Vuong Dinh Hue និងរដ្ឋសភាវៀតណាម ដើម្បីភាពជឿនលឿននិងវិបុលភាពរវាងប្រទេសទាំងពីរនិងប្រជាជននៃប្រទេសទាំងពីរ ព្រមទាំងបន្តបង្កើតទំនាក់ទំនងល្អរវាងនីតិប្បញ្ញត្តិនៃប្រទេសកម្ពុជានិងវៀតណាមបន្តសហប្រតិបត្តិការនិងគាំទ្រគ្នាទៅវិញទៅមកនៅក្នុងតំបន់និងលើឆាកអន្តរជាតិ៕
មតិពីមិត្តអ្នកអាន