ប្រធានរដ្ឋសភាវៀតណាម លោក Vuong Dinh Hue អញ្ជើញជួបសវនាការជាមួយនាយករដ្ឋមន្ត្រីកម្ពុជា

ប្រធានរដ្ឋសភា លោក Vuong Dinh Hue នឹងចូលរួមកិច្ចប្រជុំ AIPA-43 បំពេញទស្សនកិច្ចផ្លូវការនៅព្រះរាជាណាចក្រកម្ពុជា និងសាធារណៈរដ្ឋហ្វីលីពីន

កសាងវៀតណាមក្លាយទៅជាមជ្ឈមណ្ឌលនវានុវត្តន៍ក្នុងតំបន់

លោក Vuong Dinh Hue ប្រធានរដ្ឋសភាវៀតណាម ជួបសវនាការកជាមួយ សម្តេចតេជោ ហ៊ុន សែន នាយករដ្ឋមន្ត្រីកម្ពុជា

ក្នុងជំនួបនេះ សម្តេចតេជោ ហ៊ុន សែន សង្ឃឹមថា ស្ថាប័ននីតិប្បញ្ញត្តិនៃប្រទេសទាំងពីរនឹងបន្តពង្រឹងកិច្ចសហប្រតិបត្តិការក្នុងការផ្លាស់ប្តូរព័ត៌មាន ចែករំលែកបទពិសោធន៍ និងជំនាញក្នុងវិស័យបង្កើតច្បាប់ សហការត្រួតពិនិត្យការអនុវត្តកិច្ចព្រមព្រៀង ដែលបានចុះហត្ថលេខារវាងប្រទេសទាំងពីរ ចូលរួមចំណែកពូនជ្រំទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ។

លោក Vuong Dinh Hue ប្រធានរដ្ឋសភា បានវាយតំលៃខ្ពស់ចំពោះតួនាទី និងការរួមវិភាគទានដ៏សំខាន់ៗរបស់​សម្តេចតេជោ ហ៊ុន សែន នាយករដ្ឋមន្ត្រី ក្នុងទំនាក់ទំនងល្អរវាងវៀតណាម និងកម្ពុជា នាពេលកន្លងមក។ លោកបានស្នើឲ្យសម្តេចតេជោ ហ៊ុន សែន នាយករដ្ឋមន្ត្រី បន្តយកចិត្តទុកដាក់ និងដឹកនាំការពង្រីកមិត្តភាព និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ រួមមានកិច្ចសហប្រតិបត្តិការលើវិស័យការពារជាតិ សន្តិសុខ ព្រំដែន ពាណិជ្ជកម្ម និងការវិនិយោគ កសិកម្ម អប់រំ-បណ្តុះបណ្តាល ទេសចរណ៍ ជំនួបប្រាស្រ័យរវាងប្រជាជន កិច្ចសហប្រតិបត្តិការរវាងបណ្ដាមូលដ្ឋាន បង្កើតលក្ខខណ្ឌអំណោយផលសម្រាប់សហគមន៍ជនដើមកំណើតវៀតណាមមានស្ថិរភាពក្នុងជីវភាពរស់នៅ ចូលរួមចំណែកយ៉ាងសកម្មក្នុងការអភិវឌ្ឍរបស់ព្រះរាជាណាចក្រកម្ពុជា និងទំនាក់ទំនងរវាងប្រទេសទាំងពីរ។

ទាក់ទិននឹងបញ្ហាអន្តរជាតិ មេដឹកនាំទាំងពីរបានចាត់ទុកថា បក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរគប្បីពង្រឹងសាមគ្គីភាព និងទំនុកចិត្តនយោបាយ ជម្រុញកិច្ចសហប្រតិបត្តិការសេដ្ឋកិច្ច ខិតខំរក្សាសាមគ្គីភាព និងបញ្ជាក់ពីតួនាទីមជ្ឈភាពរបស់អាស៊ានក្នុងស្ថាបត្យកម្មសន្តិសុខក្នុងតំបន់ ហើយគោរពគោលការណ៍របស់អាស៊ានលើបញ្ហាសមុទ្រខាងកើត។

លោក Vuong Dinh Hue ប្រធានរដ្ឋសភា ទទួលជួបលោកជំទាវ ម៉ែន សំអន ឧបនាយករដ្ឋមន្ត្រី អនុប្រធានគណបក្សប្រជាជនកម្ពុជា និងជាប្រធានសមាគមមិត្តភាពកម្ពុជា-វៀតណាម (រូបថត៖ vnanet.vn)

*នាព្រឹកថ្ងៃទី២០ ខែវិច្ឆិកាដដែរ លោក Vuong Dinh Hue ប្រធានរដ្ឋសភាវៀតណាម បានទទួលជួបលោកជំទាវ ម៉ែន សំអន ឧបនាយករដ្ឋមន្ត្រី អនុប្រធានគណបក្សប្រជាជនកម្ពុជា និងជាប្រធានសមាគមមិត្តភាពកម្ពុជា-វៀតណាម។

នៅក្នុងជំនួបនេះ មេដឹកនាំទាំងពីរបានឯកភាពថា នាពេលខាងមុខ គប្បីពង្រឹងបន្ថែមទៀតនូវកិច្ចសហប្រតិបត្តិការលើគ្រប់វិស័យ រួមទាំងកិច្ចសហប្រតិបត្តិការសភា កិច្ចសហប្រតិបត្តិការរវាងមូលដ្ឋាននៅសងខាងព្រំដែន ជំរុញជំនួបប្រាស្រ័យរវាងប្រជាជននៃប្រទេសទាំងពីរ តាមរយៈសកម្មភាពរបស់សមាគមមិត្តភាព និងក្រុមសមាជិកសភាមិត្តភាពនៃប្រទេសទាំងពីរ ដើម្បីរួមចំណែកលើកកម្ពស់ការយល់ដឹងរបស់យុវជនជំនាន់ក្រោយនៃប្រទេសទាំងពីរអំពីអត្ថន័យ និងសារៈសំខាន់នៃទំនាក់ទំនងអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងស្ថិតស្ថិរជាយូរអង្វែង រវាងប្រទេសទាំងពីរ៕

យោងតាមកាសែតកងទ័ពប្រជាជន