ពិធីបង្ហាញសៀវភៅ “ជីវប្រវត្តិរបស់លោកប្រធានហូជីមិញ” នៅបេងហ្គាល់

00:54 2019/05/15

យុគសម័យ - ស្ថានទូតវៀតណាមនៅប្រទេសបង់ក្លាដែសបានរៀបចំយ៉ាងមហោឡារិកពិធីបង្ហាញសៀវភៅ “ជីវប្រវត្តិលោកប្រធានហូជីមិញ” របស់សារមន្ទីរហូជីមិញដែលបានបកប្រែជាភាសា Bengali ចេញពីច្បាប់ដើមជាភាសាអង់គ្លេស។

ពិធីបង្ហាញសៀវភៅ “ជីវប្រវត្តិរបស់លោកប្រធានហូជីមិញ” នៅបេងហ្គាល់
ឯកអគ្គរដ្ឋទូតលោក Tran Van Khoa បានប្រគល់ប័ណ្ណសរសើររបស់ឧបនាយករដ្ឋមន្ត្រីនិងជារដ្ឋមន្ត្រីការបរទេសលោក Pham Binh Minh ទៅចំពោះលោក Md Abdul Jabbar, ប្រធានវិទ្យាស្ថាន Nawab Salimullah ។ (រូបថត: Huy Le/Vietnam +)

ពិធីនេះត្រូវបានចូលរួមដោយសមាជិកសភា ប្រធានគណបក្សពលករ ថ្នាក់ដឹកនាំបក្សកុម្មុយនិស្តរួមជាមួយប្រជាជនបង់ក្លាដេសគ្រប់ស្រទាប់វណ្ណៈ ពីអ្នកស្រាវជ្រាវ អ្នកបកប្រែ អ្នកសារព័ត៌មាន អ្នកជំនួញ អ្នកនិពន្ធ  សិល្បករនិងសិស្សផងដែរ។

ភាគច្រើនក្នុងចំណោមពួគគេគឺមិនដែលបានមកដល់ប្រទេសវៀតណាមទេហើយមានតែស្គាល់ដល់វៀតណាម តាមរយៈខ្សែភាពយន្តឯកសារខ្សែភាពយន្តនិងអត្ថបទអំពីសង្គ្រាមរំដោះជាតិប៉ុណ្ណោះ ប៉ុន្តែ នៅពេលនិយាយអំពីវៀតណាម ពួកគេទាំងអស់គ្នាបានសម្តែងនូវការកោតសរសើរនិងមនោសញ្ជតេនាជាទីគោរពបំផុតចំពោះលោកប្រធានហូជីមិញ។

អញ្ជើញថ្លែងក្នុងពិធី ឯកអគ្គរដ្ឋទូតលោក Tran Van Khoa បានថ្លែងអំណរគុណយ៉ាងជ្រាលជ្រៅចំពោះមនោសញ្ជេតនាដ៏ល្អប្រសើរដែលប្រជាជនបង់ក្លាដេសតែងតែផ្តល់ដល់ប្រទេសនិងប្រជាជនវៀតណាមជាទូទៅនិងប្រធានហូជីមិញជាពិសេស។ លោកបានសង្កត់ធ្ងន់លើភាពស្រដៀងគ្នារវាងវប្បធម៌និងប្រវត្តិសាស្ត្រ ជាពិសេសការតស៊ូរំដោះជាតិរបស់ប្រជាជនទាំងពីរនាពេលកន្លងមក។

ឯកអគ្គរដ្ឋទូតបានចាត់ទុកថា សកម្មភាពជួបប្រាស្រ័យរវាងប្រជាជនរាប់បញ្ចូលទាំងការបកប្រែសៀវភៅស្តីពីលោកប្រធានហូជីមិញទៅជាភាសា Bengal នាពេលកន្លងទៅ បានជួយបង្កើនការយល់ដឹងគ្នាទៅវិញទៅមក រវាងប្រជាជននៃប្រទេសទាំងពីរ ដោយហេតុនេះរួមចំណែកពូនជ្រុំទំនាក់ទំនងមិត្តភាពជាប្រពៃណីរវាងប្រទេសទាំងឲ្យកាន់តែរីកចម្រើនពីមួយថ្ងៃទៅមួយថ្ងៃ។

អ្នកកាសែតលោក Abdul Mozid ជាអ្នកបកប្រែសៀវភៅ “ជីវប្រវត្តិរបស់លោកប្រធានហូជីមិញ” ទៅជាភាសា Bengal បានចែករំលែកថា ការលើកទឹកចិត្តយ៉ាងខ្លាំងសម្រាប់លោកក្នុងការបកប្រែសៀវភៅនេះទៅជា Bengal គឺដើម្បីបង្កើតឱកាសសម្រាប់ប្រជាជនបង់ក្លាដែសគ្រប់ស្រទាប់វណ្ណៈអាចទាក់ទង់ផ្ទាល់ជាមួយសៀវភៅនេះ តាមនោះ អាចយល់យ៉ាងងាយស្រួលនិងកាន់តែច្បាស់ពីជីវិតនិងបុព្វហេតុរបស់អគ្គមគ្គុទេស លោកប្រធានហូជីមិញ។

រូបថតៈ HuyLe/Vietnam+

រូបភាពនៃប្រជាជនបង់ក្លាដែស អានយ៉ាងយកចិត្តទុកដាក់នូវសៀវភៅអំពីជីវិតនិងបុព្វហេតុរបស់លោកប្រធានហូជីមិញ; ខ្សែភ្នែក ពាក្យដែលពោរពេញដោយការកោតសរសើរនិងការគោរពចំពោះជីវិតដ៏សាមញ្ញប៉ុន្តែដ៏អស្ចារ្យរបស់លោកប្រធានហូជីមិញគឺជាការបញ្ជាក់ច្បាស់លាស់មួយ ចំពោះការរីកសាយភាយយ៉ាងខ្លាំងនៃសតិអារម្មណ៍របស់លោកហូជីមិញផងដែរ។

ឆ្លងផុតលើភាពខុសគ្នាគ្រប់យ៉ាងអំពីភាសា ក៏ដូចជាគម្លាតនៃពេលវេលា ភូមិសាស្ដ្រ ការស្រឡាញ់និងការគោរពបានក្លាយជាកម្លាំងចលករនិងជាខ្សែតភ្ជាប់ទំនាក់ទំនងដ៏ស្អិតរមួតរវាងប្រជាជននៃប្រទេសទាំងពីរទាំងអតីតកាល បច្ចុប្បន្នកាលនិងទាំងអនាគត៕

ដោយ ស្រីព្រេជ
;

同类别新闻