កិច្ចសហប្រតិបត្តិការសេដ្ឋកិច្ច ពាណិជ្ជកម្មនិងវិនិយោគក្នុងបរិបទដែលវៀតណាមជាដៃគូពាណិជ្ជ កម្មធំជាងគេរបស់កាណាដានៅក្នុងអាស៊ាន ហើយកាណាដាជាដៃគូពាណិជ្ជកម្មធំទី ៣ របស់វៀតណាមក្នុងតំបន់។
 ប្រទេសអង់គ្លេសបានប្រកាសពេលវេលាផ្លូវការដើម្បីចុះឈ្មោះចូលជាសមាជិកក្នុងកិច្ចព្រមព្រៀង CPTPP |
 ប្រទេសវៀតណាមមានឆន្ទៈចែករំលែកបទពិសោធន៍នៃការចូលរួមក្នុងកិច្ចព្រមព្រៀង CPTPP ជាមួយចក្រភពអង់គ្លេស |
នាថ្ងៃទី២៣ ខែមីនា នៅទីក្រុងហាណូយ សភាពាណិជ្ជកម្មនិងឧស្សាហកម្មវៀតណាម (VCCI) បានសហការជាមួយស្ថានទូតកាណាដាប្រចាំទីក្រុងហាណូយ រៀបចំសិក្ខាសាលាស្តីពីទំនាក់ទំនងពាណិជ្ជកម្មវៀតណាម-កាណាដា ដើម្បីវាយតម្លៃរយៈពេល ២ ឆ្នាំនៃការអនុវត្តកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូរអន្តរប៉ាស៊ីហ្វិក () និងឆ្ពោះទៅរកអនាគតប្រកបដោយនិរន្តរភាពក្រោយការរាតត្បាត Covid-19។
សិក្ខាសាលាត្រូវបានរៀបចំក្នុងបំណងជម្រុញទំនាក់ទំនងធ្វើអាជីវកម្មទ្វេភាគី និងលើកទឹកចិត្តសហគ្រាសរបស់ប្រទេសទាំងពីរឲ្យធ្វើពិពិធកម្មនូវការតភ្ជាប់ពាណិជ្ជកម្ម ពង្រឹងនិងពង្រីកខ្សែចង្វាក់ផ្គត់ផ្គង់ ដើម្បីស្ដារសេដ្ឋកិច្ចឡើងវិញក្រោយការរាតត្បាត Covid-19។
 |
| ទិដ្ឋភាពនៃសិក្ខាសាលា |
ថ្លែងនៅសិក្ខាសាលា លោកស្រី Deborah Paul ឯកអគ្គរដ្ឋទូតកាណាដាប្រចាំវៀតណាមបញ្ជាក់ថា កិច្ចព្រមព្រៀង CPTPP បានបង្កលក្ខណៈងាយស្រួលសម្រាប់សកម្មភាពពាណិជ្ជកម្ម និងសេវាកម្មរវាងកាណាដា និងវៀតណាម ពង្រឹងក្រមវិធានរួម កាត់បន្ថយចំណាយលើពាណិជ្ជកម្ម និងធ្វើឲ្យការវិនិយោគអាចប៉ាន់ស្មានបាន។ ដោយមានកិច្ចព្រមព្រៀង CPTPP នេះ ទំហំពាណិជ្ជកម្មទ្វេភាគីរវាងកាណាដា និងវៀតណាមទទួលបាន ៨.៩ ពាន់លានដុល្លារកាណាដា នៅឆ្នាំ២០២០ ពោលគឺកើនឡើង ១២% បើធៀបនឹងឆ្នាំ២០១៩ និងកើនឡើង ៣៧% បន្ទាប់ពីរយៈពេលពីរឆ្នាំដែលកិច្ចព្រមព្រៀង CPTPP ចូលជាធរមាន។
យោងតាមលោកបណ្ឌិត Vu Tien Loc ប្រធាន VCCI បានឲ្យដឹងថា ការដែលសហគ្រាសវៀតណាម និងកាណាដារួមដំណើរក្នុងការចូលរួមកិច្ចព្រមព្រៀង CPTPP នឹងជាកម្លាំងចលករសម្រាប់ប្រទេសទាំងពីរទទួលបានជោគជ័យក្នុងដំណាក់កាលថ្មី ជម្រុញទំនាក់ទំនងពាណិជ្ជកម្មវៀតណាម-កាណាដាឲ្យឡើងកម្រិតថ្មីមួយទៀត។
ក្នុងសិក្ខាសាលានេះដែរ សៀវភៅអំពីកិច្ចព្រមព្រៀង CPTPP ដែលរៀបរៀងដោយ VCCI និងមានជំនួយពីស្ថានទូតកាណាដា ក៏ត្រូវបានបង្ហាញដល់សហគ្រាសវៀតណាម និងកាណាដា
៕
មតិពីមិត្តអ្នកអាន