យុគសម័យ - នាថ្ងៃទី ៣ ខែមីនា នៅច្រកទ្វារព្រំដែនអន្តរជាតិ Thuong Phuoc (ស្រុក Hong Ngu ខេត្ត Dong Thap) គណៈប្រតិភូខេត្ត បានប្រគល់សម្ភារៈចាំបាច់ដល់អង្គភាពនានា នៅព្រះរាជាណាចក្រកម្ពុជា ដើម្បីទប់ស្កាត់និងបង្ការនឹងជំងឺ COVID-19 ។
គណៈប្រតិភូខេត្ត Dong Thap បានប្រគល់សម្ភារៈចាំបាច់ សម្រប់ការទប់ស្កាត់និងបង្ការនឹងការរីករាលដាលនៃជំងឺ COVID-19 ដែលជូនដល់អង្គភាពនានានៃព្រះរាជាណាចក្រកម្ពុជា ។
សម្ព័ន្ធអង្គការមិត្តភាពនៅខេត្ត Dong Thap និងសមាគមមិត្តភាពវៀតណាម - កម្ពុជាសម្របសម្រួលជាមួយគណៈកម្មាធិការរណសិរ្សមាតុភូមិវៀតណាមនៃខេត្ត Dong Thap បានអំពាវនាវនិងប្រគល់របស់របរចាំបាច់ដល់អង្គភាពនានានៃព្រះរាជាណាចក្រកម្ពុជា ដើម្បីទប់ស្កាត់និងបង្ការនឹងជំងឺ COVID-19 ។ សម្ភារៈវេជ្ជសាស្រ្តដែលបានប្រគល់ក្នុងលើកនេះ រួមមាន ម៉ាស់វេជ្ជសាស្រ្តចំនួន ១០៥,០០០ ទឹកលាងដៃសម្លាប់មេរោគចំនួន ១.២០០ ដប។ សម្ភារៈវេជ្ជសាស្ត្រទាំងនេះមានតំលៃ ១០០ លានដុង។
ក្នុងនោះអំណោយប្រគល់ជូនគណៈរណសិរ្សសាមគ្គីអភិវឌ្ឍ មាតុភូមិខេត្តបន្ទាយមានជ័យ ម៉ាស់ចំនួន ២៥,០០០ និងទឹកលាងដៃសម្លាប់មេរោគចំនួន ២០០ ដប ឧបត្ថម្ភដល់គណៈរណសិរ្សសាមគ្គីអភិវឌ្ឍមាតុភូមិខេត្តព្រៃវែង ម៉ាស់ចំនួន២៥,០០០ និងទឹកលាងដៃសម្លាប់មេរោគ ៤០០ ដបសាលាបឋមសិក្សាមិត្តភាពខ្មែរ - វៀតណាមនៅខេត្តព្រៃវែងម៉ាស់ចំនួន ៥,០០០ និងទឹកលាងដៃសំលាប់មេរោគ ១០០ ដប បរិច្ចាគដល់សមាគមខ្មែរ - វៀតណាមនៅកម្ពុជាម៉ាស់ចំនួន ៥ ម៉ឺននិងទឹកលាងដៃសម្លាប់មេរោគចំនួន ៥០០ ដប។
សមាគមខ្មែរ - វៀតណាមនៅកម្ពុជាទទួលបានសម្ភារៈចាំបាច់ដែលបានបរិច្ចាគដោយគណៈប្រតិភូខេត្ត Dong Thap ។
សកម្មភាពនេះមានគោលបំណងពង្រឹងថែមទៀតនូវសាមគ្គីភាព មិត្តភាព និងកិច្ចសហប្រតិបត្តិការរវាងអាជ្ញាធរនិងគណៈរណសិរ្សរបស់អង្គភាពជាប់ព្រំដែនក្នុងការទប់ស្កាត់និងបង្ការនឹងការរាតត្បាតនៃជំងឺ Covid-19។
ដោយទទួលបានអំណោយនេះអង្គភាពនានានៃព្រះរាជាណាច្រកកម្ពុជាបានថ្លែងអំណរគុណនិងទទួលស្គាល់នូវមនោសញ្ចេតនាដ៏ថ្លៃថ្លារបស់គណៈប្រតិភូនៃគណៈកម្មាធិការរណសិរ្សមាតុភូមិវៀតណាមនៅខេត្ត Dong Thap។ ជាមួយគ្នានេះ ដែរ ភាគីកម្ពុជាបានបញ្ជាក់ថា អំពើចែករំលែកនេះនឹងជួយអង្គភាពនានាឱ្យអនុវត្តកាន់តែមានប្រសិទ្ធភាពក្នុងការការពារនិងគ្រប់គ្រងការរីករាលដាលនៃជំងឺ COVID-19 ./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន