អគ្គលេខាបក្ស ប្រធានរដ្ឋ លោក Nguyen Phu Trong អញ្ជើញជួបសំណេះសំណាលនិងជូនពរឆ្នាំថ្មីប្រពៃណីដល់ថ្នាក់ដឹកនាំនិងអតីតថ្នាក់ដឹកនាំរបស់បក្សនិងរដ្ឋ

អគ្គលេខាបក្ស ប្រធានរដ្ឋ លោក Nguyen Phu Trong អញ្ជើញអញ្ជើញថ្លែងក្នុងពិធី (រូបថត៖ TTXVN)

ថ្លែងមតិនៅទីនេះ អគ្គលេខាបក្ស ប្រធានរដ្ឋ លោក Nguyen Phu Trong បានបញ្ជាក់ថា ឆ្នាំ ២០២១ គឺជាឆ្នាំដំបូងនៃការអនុវត្តនូវសេចក្តីសម្រេចចិត្តនៃមហាសន្និបាតលើកទី ១៣ របស់បក្សនិងអនុវត្តន៍ផែនការអភិវឌ្ឍសេដ្ឋកិច្ចសង្គមរយៈពេល ៥ ឆ្នាំ ២០២១ - ២០២៥។ ជាមួយគ្នានេះ ឆ្នាំ ២០២១ ក៏ជាឆ្នាំរៀបចំការបោះឆ្នោតជ្រើសតាំងសមាជិកសភា នីតិកាលទី ១៥ និងបោះឆ្នោតជ្រើសតាំងសមាជិកក្រុមប្រឹក្សាប្រជាជនគ្រប់ជាន់ថ្នាក់សម្រាប់អាណត្តិ ២០២១ - ២០២៦ ទៀតផង។ អគ្គលេខាបក្ស ប្រធានរដ្ឋ លោក Nguyen Phu Trong បានសង្កត់ធ្ងន់ថា៖

លោកអគ្គលេខាបក្ស ប្រធានរដ្ឋ Nguyen Phu Trong បានស្នើឲ្យទីភ្នាក់ងារ ស្ថាប័ននិងអង្គភាពនានា ផ្តោតលើការដឹកនាំ ការអនុវត្តសេចក្តីសម្រេចចិត្តនៃមហាសន្និបាតលើកទី ១៣ របស់បក្ស ពោលគឺនាំសេច ក្តីសម្រេចចិត្តនេះឈានចូលជីវភាពរស់នៅប្រចាំថ្ងៃ។ លោកអគ្គលេខាបក្ស ប្រធានរដ្ឋផ្តល់អនុសាសន៍ថា៖ “ភារកិច្ចសំខាន់នៅចំពោះមុខគឺត្រូវបន្តការបង្ការទប់ស្កាត់ជំងឺរាតត្បាតកូវីដ ១៩ ប្រកប ដោយប្រសិទ្ធ ភាព។ ទន្ទឹមជាមួយគ្នានោះ អាជ្ញាធរនិងមូលដ្ឋានទាំងអស់ត្រូវបង្កើនការប្រុងប្រយ័ត្ន និងមានដំណោះស្រាយដើម្បីឆ្លើយតបជាបន្ទាន់ចំពោះការវិវឌ្ឍន៍នៃជំងឺរាតត្បាតថ្មីដែលកំពុងលេចឡើង។ ជាដាច់ខាតមិនមានការធ្វេសប្រហែសទាល់ តែសោះ។ ជាពិសេស ត្រូវយកចិត្តទុកដាក់ដល់បុណ្យតេតសម្រាប់គ្រួសារគោលនយោ បាយ ជនក្រីក្រនិងប្រជាជនដែលស្ថិតក្នុងស្ថានភាពលំបាកខ្លាំង ប្រជាជននៅតំបន់ព្រៃភ្នំ ក្រុមជនជាតិ ពង្រឹងការគ្រប់គ្រងទីផ្សារ ធានាបាននូវចរាចរណ៍រលូននិងមានសុវត្ថិភាពក្នុងឱកាសបុណ្យតេតនិងក្នុងឱកាសបណ្តាថ្ងៃបុណ្យទាននានាផងដែរ”។

លោកអគ្គលេខាបក្ស ប្រធានរដ្ឋ Nguyen Phu Trong បានស្នើឲ្យបក្សទាំងមូល ប្រជាជនទាំងមូលនិងកងទ័ពទាំងមូល ពង្រឹងសាមគ្គីភាព រួមកម្លាំងកាយចិត្ត ពង្រីកស្មារតីស្នេហាជាតិ ភាពអង់អាចក្លាហាន ភាពវាងវៃប្រាជ្ញាវៀតណាម ប្រពៃណីវប្បធម៌របស់ប្រជាជាតិ ដោយប្រែក្លាយឱកាសទៅជាការពិត កសាងប្រទេសជាតិឲ្យកាន់តែរីកចម្រើន សម្បូររុងរឿងនិងសុភមង្គល៕

（ប្រភពព័ត៌មាន: vovworld.vn）