សេចក្តីជូនពរឆ្នាំថ្មីរបស់ប្រធានរដ្ឋនានិទាឃរដូវឆ្នាំម្សាញ់សប្តស័ក ២០២៥របស់ប្រធានរដ្ឋលោក Luong Cuong

ប្រធានរដ្ឋវៀតណាមលោក Luong Cuong

និទាឃរដូវថ្មី - និទាឃរដូវឆ្នាំម្សាញ់សប្តស័កបានមកដល់ហើយ ដែលនាំមកនូវសេចក្តីរីករាយ សេចក្តីសង្ឃឹមនិងសុបិន្តល្អ។ ក្នុងឱកាសដ៏វិសេសវិសាលនៃឆ្នាំថ្មីនេះ តាងនាមថ្នាក់ដឹកនាំបក្សនិងរដ្ឋ ខ្ញុំសូមផ្ញើជូនជនរួមជាតិ សមមិត្ត និងយុទ្ធជនទូទាំងប្រទេស និងបងប្អូនជនរួមជាតិវៀតណាមនៅក្រៅប្រទេសក្នុងឱកាសបុណ្យចូលឆ្នាំថ្មីប្រពៃណីជាតិ ឲ្យជួបតែសេចក្តីសុខចម្រុងចម្រើន។ ខ្ញុំក៏សូមផ្ញើជូនចំពោះមិត្តភ័ក្តិ និងប្រជាជននៃបណ្តាប្រទេសជុំវិញពិភពលោក សូមជូនពរឆ្នាំថ្មីប្រកបដោយសន្តិភាព សុភមង្គល មិត្តភាព និងការអភិវឌ្ឍ។

កាលពីឆ្នាំកន្លងមក យើងបានជួបប្រទះ "រលកធំៗ និងខ្យល់បក់ខ្លាំង" ជាច្រើន ប៉ុន្តែក៏ជាឆ្នាំសម្រេចបានសមិទ្ធិផលគួរជាទីមោទនៈច្រើនផងដែរ។ ក្នុងការលំបាកនិងបញ្ហាប្រឈមនានា ស្មារតីនៃសាមគ្គីភាព មនុស្សធម៌ ស្នេហាជាតិ និងឆន្ទៈក្នុងស្ទុះឈានទៅមុខរបស់ប្រទេសជាតិយើង ត្រូវបានបញ្ជាក់យ៉ាងរឹងមាំថែមទៀត។ បក្សទាំងមូល ប្រជាជនទាំងមូល និងកងទ័ពទាំងមូលបានខិតខំសម្រេចបាន និងលើសពីគោលដៅអភិវឌ្ឍន៍សេដ្ឋកិច្ចសង្គមទាំង ១៥/១៥ ជាមួយនឹងអត្រាកំណើនសេដ្ឋកិច្ចក្នុងចំណោមប្រទេសកំពូលលើពិភពលោក; ជីវភាពរស់នៅទាំងខាងសម្ភារៈនិងខាងស្មារតីរបស់ប្រជាជនត្រូវបានលើកកម្ពស់និងកែលម្អឥតឈប់ឈរ; នយោបាយ-សង្គមមានស្ថិរភាព ការពារជាតិ និងសន្តិសុខត្រូវបានពង្រឹង កិច្ចការបរទេសបើកទូលាយហើយទទួលបានការគោរព និងវាយតម្លៃខ្ពស់ពីមិត្តអន្តរជាតិ។ ប្រជាពលរដ្ឋវៀតណាមគ្រប់រូប មិនថាក្នុងប្រទេស ឬក្រៅប្រទេស ពីកម្មករ កសិករ ពាណិជ្ជករ បញ្ញវន្ត ដល់យុទ្ធជននៅតាមព្រំដែន និងកោះដាច់ស្រយាល មានសិទ្ធិមានមោទនភាពចំពោះការរួមចំណែកចំពោះសមិទ្ធិផលរួមរបស់មាតុភូមិ។

ឆ្នាំ២០២៥ គឺជាឆ្នាំដែលពោរពេញទៅដោយព្រឹត្តិការណ៍សំខាន់ៗ សម្រាប់ប្រទេសជាតិជាឆ្នាំ “ពន្លឿនល្បឿន ស្ទុះផ្លោះ” បង្កើតមូលដ្ឋានគ្រឹះដើម្បីនាំប្រទេសទៅកាន់យុគសម័យថ្មី ដែលជាយុគសម័យអភិវឌ្ឍន៍ប្រកបដោយបរិបូរណ៍ និងវិបុលភាព; ឆន្ទៈរបស់បក្ស លាយឡំជាមួយឆន្ទៈប្រជាជនឆ្ពោះទៅរកគោលដៅជាតិរុងរឿង។ ទោះបីជានៅមានការលំបាក និងបញ្ហាប្រឈមជាច្រើនក៏ដោយ ក៏វៀតណាមនឹងបន្តទៅមុខជានិច្ច គ្មានអ្វីអាចរារាំងសេចក្តីប្រាថ្នាស្ទុះឈានទៅមុខ និងអនាគតដ៏ភ្លឺថ្លារបស់ប្រទេសជាតិយើងឡើយ។ បក្សទាំងមូល ប្រជាជនទាំងមូល និងកងទ័ពទាំងមូលបន្តស្រុះចិត្តគំនិត លើកកំពស់ស្មារតីជឿជាក់លើខ្លួនឯង ខ្លួនទីពឹងខ្លួន មោទនភាពជាតិ ឆ្លៀតយករាល់ឱកាស និងជម្នះរាល់ការលំបាក បញ្ហាប្រឈមនានា ដើម្បីកសាងវៀតណាមក្លាយជាអ្នកមាន ប្រទេសខ្លាំងមាំមួន ប្រជាធិបតេយ្យ យុត្តិធម៌ និងអរិយធម៌; ប្រជាជនទាំងអស់មានជីវភាពសម្បូររុងរឿង មានសេរីភាព និងសុភមង្គល។ រួមចំណែកកាន់តែខ្លាំងឡើងចំពោះសន្តិភាព ស្ថិរភាព និងការអភិវឌ្ឍក្នុងតំបន់ និងពិភពលោក។

ក្នុងបរិយាកាសផែនដី និងផ្ទៃមេឃប្រកបដោយភាពសុខដុមរមនាស្វាគមន៍និទាឃរដូវថ្មីជាថ្មីម្តងទៀត ខ្ញុំសូមជូនពរបងប្អូនជនរួមជាតិ សមមិត្តទូទាំងប្រទេស និងជនរួមជាតិនៅក្រៅប្រទេសជួបតែសេចក្តីសុខ សេចក្តីចម្រើន។ ឆ្នាំថ្មីពិតជានឹងនាំមកនូវជ័យជំនះថ្មីៗយ៉ាងត្រចេះត្រចង់ជាច្រើន។

សូមគោរពជម្រាបលា!

លោក Luong Cuong ត្រូវបានបោះឆ្នោតជ្រើសតាំងជាប្រធានរដ្ឋវៀតណាម អាណត្តិ ២០២១-២០២៦ នារសៀលថ្ងៃទី ២១ តុលា នៅវិមានរដ្ឋសភា ដោយមានសមាជិករដ្ឋសភាផ្ដល់សំឡេងគាំទ្រ ១០០% រដ្ឋសភានីតិកាលទី ១៥ បានបោះឆ្នោតជ្រើសតាំងលោក Luong Cuong សមាជិកការិយាល័យនយោបាយ លេខាប្រចាំការគណៈលេខាមជ្ឈិមបក្ស សមាជិករដ្ឋភានីតិកាលទី ១៥ ឲ្យកាន់តំណែងជាប្រធានរដ្ឋនៃសាធារណរដ្ឋសង្គមនិយមវៀតណាមអាណត្ដិ ២០២១-២០២៦។

តម្លៃយូរអង្វែងនៃសាមគ្គីភាពអន្តរជាតិក្នុងឆន្ទៈរបស់លោកប្រធានហូជីមិញ នាថ្ងៃទី ២៩ សីហា នៅសាលប្រជុំ Dien Hong វិមានរដ្ឋសភា គណៈកម្មាធិការបក្សនៃមជ្ឈិមមជ្ឈិមបានសម្របសម្រួលជាមួយការិយាល័យប្រធាន ការិយាល័យរដ្ឋសភា បណ្ឌិតសភានយោបាយជាតិហូជីមិញ និងគ្រឹះស្ថានបោះពុម្ពផ្សាយការពិតនយោបាយជាតិ សន្និសីទវិទ្យាសាស្ត្រ “៥៥ឆ្នាំនៃការអនុវត្តឆន្ទៈរបស់ប្រធានហូជីមិញនៅអង្គភាពកណ្តាល (១៩៦៩-២០២៤)”។

សឺនណាម