យុគសម័យ - ក្នុងឱកាសនិទាឃរដូវនៃឆ្នាំ ២០២១ ស្ថានទូតវៀតណាមប្រចាំនៅប្រទេសហូឡង់បានសហការជាមួយសមាគមន៍និស្សិតវៀតណាមប្រចាំនៅប្រទេសហូឡង់ (VSNL) រៀបចំកម្មវិធី talkshow តាមរយៈប្រព័ន្ធ Video Conference សម្រាប់និស្សិតនិងប្រជាជនវៀតណាមដែលកំពុងធ្វើការនិងរស់នៅប្រទេសហូឡង់។
ក្នុងឱកាសបុណ្យចូលឆ្នាំថ្មីប្រពៃណីវៀតណាម ឆ្នាំ២០២១ ដោយសារផលប៉ះពាល់នៃការរីករាលដាលនៃជំងឺ COVID-១៩ និស្សិតបរទេសជាច្រើននាក់មិនអាចជួបជុំគ្នាជាមួយក្រុមគ្រួសារបានឡើយ។ ក្នុងឱកាសនេះលោកឯកអគ្គរដ្ឋទូត Pham Viet Anh បានផ្ញើសារជូនពរឆ្នាំថ្មីដល់សហគមន៍ជនជាតិវៀតណាមនិងនិស្សិតវៀតណាមកំពុងរៀនសូត្រនៅប្រទេសហូឡង់ ដោយជូនពរដល់ជនជាតិវៀតណាមទាំងអស់ទទួលបានបុណ្យតេតសុភមង្គលនិងពោរពេញទៅដោយក្តីសុបិន។ លោកឯកអគ្គរដ្ឋទូតបានប្រគល់ប័ណ្ណកោតសរសើរដល់សមាគមនិស្សិតវៀតណាមនៅប្រទេសហូឡង់ចំពោះការរួមចំណែកវិជ្ជមានរបស់ខ្លួនក្នុងឆ្នាំ ២០២០ និងបានណែនាំនិងបញ្ជូនភារកិច្ចថ្មីនិងការរំពឹងទុកបន្ថែមទៀតដល់និស្សិតនៅឆ្នាំ ២០២១ ។
លោកឯកអគ្គរដ្ឋទូត Pham Viet Anh បានផ្ញើសារអបអរសាទរដល់សហគមន៍ជនជាតិវៀតណាមនិងនិស្សិតវៀតណាមទាំងអស់នៅប្រទេសហូឡង់។
ក្នុងស្ថានភាពរាតត្បាតដ៏ស្មុគស្មាញនៅឆ្នាំនេះនៅស្រុកកំណើត ប្រជាជនរាប់លាននាក់នៅតែជួបជុំគ្នា ដើម្បីអបអរសាទរបុណ្យតេតជាមួយក្រុមគ្រួសារ សាច់ញាតិនិងមិត្តភក្តិនៅមាននិស្សិតនិងប្រជាជនវៀតណាមជាច្រើនទៀតមិនអាចវិលត្រឡប់មកផ្ទះនិងស្វាគមន៍បុណ្យតេត។ កម្មវិធី talkshow គឺជាឱកាសសំរាប់ជនជាតិវៀតណាមជាច្រើនជំនាន់ដែលនៅឆ្ងាយពីផ្ទះ អង្គុយនិងចែករំលែកអារម្មណ៍ដ៏សែនកក់ក្តៅបំផុតចំពោះស្រុកកំណើតនិងក្រុមគ្រួសាររបស់ពួកគេអំពីថ្ងៃពិធីបុណ្យតេតប្រពៃណី./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន