យុគសម័យ - អបអរសាទរមហាសន្និបាតបក្សទូទាំងប្រទេសលើកទី XIII និងអបអរសាទរនិទាឃរដូវ ស្ថានអគ្គកុងស៊ុលវៀតណាមប្រចាំនៅខេត្តបាត់ដំបង នៃព្រះរាជាណាចក្រកម្ពុជាបានរៀបចំពិធីសំណេះសំណាលជាមួយសហគមន៍ជនជាតិវៀតណាមកំពុងរស់នៅនិងធ្វើការ នៅបណ្តាខេត្តភាគពាយព្យនៃប្រទេសកម្ពុជា។
អគ្គកុងស៊ុល លោក Le Tuan Khanh ថ្លែងក្នុងពិធីសំណេះសំណាល នៅឯការប្រជុំសហគមន៍ជនជាតិវៀតណាម។
ក្នុងឱកាសនៃបុណ្យចូលឆ្នាំប្រពៃណីជាតិ (បុណ្យតេត ) ជិតឈានមកដល ក្នុងនាមបក្ស រដ្ឋក្រសួងការបរទេសនិងមន្ត្រីនិងនិយោជិកនៃស្ថាប័នការទូតនិងកុងស៊ុលរបស់វៀតណាមនៅខេត្តចំនួន ៦ ស្ថិតនៅតំបន់ពាយព្យនៃប្រទេសកម្ពុជា រួមមានខេត្តបាត់ដំបង សៀមរាប ពោធិសាត់បន្ទាយមានជ័យ ឧត្តរមានជ័យនិងប៉ៃលិនអគ្គកុងស៊ុល លោក Le Tuan Khanh បានជូនពរឆ្នាំថ្មីទៅដល់សហគមន៍ជនជាតិវៀតណាមទាំងមូលក្នុងតំបន់។
ក្នុងឱកាសនេះលោក Le Tuan Khanh បានលើកឡើងពីសមិទ្ធផលប្រកបដោយមោទនភាពរបស់វៀតណាម ក្នុងឆ្នាំ ២០២០ កន្លងមក។ ក្នុងបរិបទពិភពលោកនិងតំបន់កំពុងរងផលប៉ះពាល់យ៉ាងធ្ងន់ធ្ងរ ដោយជំងឺរាតត្បាត Covid-19 ក្រោមការដឹកនាំរបស់បក្សកុម្មុយនិស្តវៀតណាម ការដឹកនាំយ៉ាងឆ្លាតវៃនិង បត់បែនរបស់រដ្ឋាភិបាលនិងស្មារតីសាមគ្គីភាពរបស់ប្រទេសជាតិ បានជំនះការលំបាកនិងបញ្ហាប្រឈមគ្រប់គ្រងស្ថានការណ៍រាតត្បាតបានល្អ រក្សាស្ថេរភាពនយោបាយនិងសង្គម ពង្រឹងការការពារជាតិនិងសន្តិសុខនិងពង្រីកកិច្ចការបរទេស។
ទាក់ទងនឹងទំនាក់ទំនងរវាងវៀតណាមនិងកម្ពុជាអគ្គកុងស៊ុល លោក Le Tuan Khanh មានប្រសាសន៍ថា ទំនាក់ទំនងនយោបាយទ្វេភាគីកាន់តែធ្វើឲ្យស៊ីជម្រៅ។ ដោយសារតែការរីករាលដាលនៃជំងឺ Covid-19 ដំណើរទស្សនកិច្ចជាន់ខ្ពស់និងគ្រប់កម្រិតរវាងភាគីទាំងពីរមិនអាចធ្វើទៅបានទេ ប៉ុន្តែការជួបជុំ តាមទូរស័ព្ទនិងប្រព័ន្ធ video Conference បានធ្វើឡើងជាប្រចាំ ដែល បានចូលរួមចំណែកជាក់ស្តែងក្នុងការសាងសង់និងអភិវឌ្ឍន៍ប្រទេសនីមួយៗ។ ជាពិសេសភាគីទាំងពីរបានផ្តល់សច្ចាប័ននិងចេញផ្សាយសំណុំផែនទីព្រំដែននិងឯកសារគតិយុត្តនានាដែលទទួលស្គាល់លទ្ធផលនៃការងារបោះបង្គោលខណ្ឌសីមាព្រំដែនគោករវាងប្រទេសទាំងពីរ។ នេះជាមូលដ្ឋានគតិយុត្តដែលមានអត្ថន័យសំខាន់ណាស់សម្រាប់ប្រជាជននៃប្រទេសទាំងពីរ រួមគ្នាកសាងព្រំដែនសន្តិភាព មិត្តភាព សហប្រតិបត្តិការនិងការអភិវឌ្ឍន៍ប្រកបដោយចីរភាព។
ទាក់ទងនឹងកិច្ចសហប្រតិបត្តិការសេដ្ឋកិច្ច វប្បធម៌និងអប់រំ ទោះបីមានការលំបាកមួយចំនួនក៏ដោយប៉ុន្តែនៅឆ្នាំ ២០២០ ការដោះដូរពាណិជ្ជកម្មរវាងប្រទេសទាំងពីរនឹងឈានដល់ ៥,៣ ពាន់លានដុល្លារអាមេរិក។ បច្ចុប្បន្ននេះវៀតណាមគឺជាវិនិយោគិនធំជាងគេទី ៥ ក្នុងចំណោមបណ្តាប្រទេសដែលវិនិយោគចូលកម្ពុជា ដោយមានគម្រោងចំនួន ២១៦ គម្រោងនិងមានទុនចុះបញ្ជីសរុបជាង ៣,២ ពាន់លានដុល្លារអាមេរិក។
ក្នុងមួយឆ្នាំកន្លងទៅ លោកអគ្គកុងស៊ុល Le Tuan Khanh បានកោតសរសើរនិងវាយតម្លៃខ្ពស់ចំពោះស្មារតីសាមគ្គីភាពរបស់គណៈកម្មាធិការប្រតិបត្តិនៃសមាគមខ្មែរ - វៀតណាមនៃបណ្តាខេត្តស្ថិតក្នុងពាយព្យដោយជួយប្រជាជនឱ្យរួបរួមគ្នានៅជាប់និង
អភិរក្ស អត្តសញ្ញាណវប្បធម៌ជាតិ តែងតែឆ្ពោះទៅស្រុកកំណើត ធ្វើសមាហរណកម្មបន្តិចម្តង ៗ ទៅក្នុងប្រទេសសាមី។ ជាមួយគ្នានេះ លោកបានវាយតម្លៃខ្ពស់ចំពោះសហគ្រាសវៀតណាមក្នុងតំបន់ដែលបានធ្វើប្រតិបត្តិការប្រកបដោយប្រសិទ្ធភាពនិងចូលរួមចំណែកក្នុងការអភិវឌ្ឍសេដ្ឋកិច្ចវៀតណាមនិងកម្ពុជា។
ក្នុងឱកាសនេះក្នុងនាមបងប្អូនជនជាតិវៀតណាមនៅតំបន់នោះ លោក Le Tuan Khanh បានថ្លែងអំណរគុណដល់សហគ្រាស ជាពិសេសសាខារបស់ក្រុមហ៊ុន Metfone (Viettel កម្ពុជា) នៅតាមបណ្តាខេត្តនានាដែលបានអមដំណើរជាមួយអគ្គកុងស៊ុលក្នុងការងារ គាំទ្រសហគមន៍ដើម្បីជំនះការលំបាកដែលបណ្តាលមកពីការរីករាលដាលនៃ Covid-19 និងទឹកជំនន់ក្នុងរយៈពេលកន្លងទៅ./.
(បកប្រែដោយឌីណា)
(ប្រភពព័ត៌មាន: Nhan dan)
មតិពីមិត្តអ្នកអាន