យុគសម័យ - គណៈកម្មាធិការប្រជាជនទីក្រុង Ho Chi Minh ទើបតែបានដាក់ ចេញនូវផែនការរៀបចំពិធីសំណេះសំណាលជាមួយអាណិកជនវៀតណាម ក្នុងឱកាសអបអរសាទរបុណ្យចូលឆ្នាំថ្មីប្រពៃណីជាតិ ឆ្នាំ ២០២១ នៅទីក្រុង Ho Chi Minh ។
ពិធីសំណេះសំណាលនេះបានបង្ហាញមនោសញ្ចេតនា ការគោរព និងការយកចិត្តទុកដាក់យ៉ាងជ្រាលជ្រៅចំពោះសហគមន៍ជនជាតិវៀតណាម នៅឯបរទេស។ នេះក៏ជាឱកាសសម្រាប់ថ្នាក់ដឹកនាំទីក្រុង Ho Chi Minh ជូនដំណឹងដល់អាណិកជនវៀតណាមអំពី សមិទ្ធិផលនានារបស់ទីក្រុង Ho Chi Minh លើវិស័យផ្សេងៗ ណែនាំអំពីទិសដៅអភិវឌ្ឍន៍សេដ្ឋកិច្ច - សង្គមនៃទីក្រុង Ho Chi Minh ។
ពិធីសំណេះសំណាលអបអរសាទរបុណ្យចូលឆ្នាំថ្មីប្រពៃណីជាតិ ឆ្នាំ២០២១ ត្រូវបានគេរំពឹងថា នឹងមានការចូលរួមពីអាណិកជនវៀតណាមប្រមាណ ៣០០ នាក់ដែលត្រឡប់ទៅស្រុកកំណើតវិញ រួមជាមួយសហគ្រិន អ្នកជំនាញ បញ្ញាជន សិល្បករដែលកំពុងធ្វើការនៅទីក្រុង Ho Chi Minh ។
កម្មវិធីនៃពិធីសំណេះសំណាលនេះ រួមមានសកម្មភាពគួរឱ្យកត់សម្គាល់ ដូចជា៖ ការតាំងពិព័រណ៍នូវសកម្មភាពឆ្នើមសមិទ្ធិផលសំខាន់ៗ ក្នុងវិស័យសេដ្ឋកិច្ច សង្គម ការរួមដំណើររបស់អាណិកជនវៀតណាមក្នុងការអភិវឌ្ឍទីក្រុង Ho Chi Minh រូបភាពសមុទ្រនិងកោះវៀតណាមនិងប្រជាជនទីក្រុង Ho Chi Minh ឆ្ពោះទៅកាន់សមុទ្រនិងកោះ ...
ពិធីសំណេះសំណាលអាណិក នៅទីក្រុង Ho Chi Minh ក្នុងឆ្នាំ ២០២០។ (រូបថត៖ VOV)
ពិធីសំណេះសំណាលអាណិកជន ក្នុងឱកាសអបអរសាទរបុណ្យចូលឆ្នាំប្រពៃណីជាតិគឺជាសកម្មភាពវប្បធម៌ប្រពៃណីប្រចាំឆ្នាំរបស់ទីក្រុង Ho Chi Minh ។ តាមរយៈកម្មវិធីនេះបង្ហាញពីមនោសញ្ចេតនានិងការគោរព ការយកចិត្តទុកដាក់របស់ថ្នាក់ដឹកនាំទីក្រុងសម្រាប់សហគមន៍អាណិកជនវៀតណាមដែលកំពុងរស់នៅនិងធ្វើការនៅក្នុងទីក្រុង ដោយភាគច្រើនគឺអាណិកជននៅឯបរទេសបានត្រឡប់ទៅស្រុកកំណើតវិញ ដើម្បីអបអរសាទរបុណ្យចូលឆ្នាំថ្មីប្រពៃណីជាតិ។
ថ្នាក់ដឹកនាំទីក្រុងបានស្តាប់និងផ្លាស់ប្តូរគំនិត សេចក្តីប្រាថ្នានិងយោបល់របស់អាណិកជនជន ដើម្បីកសាងទីក្រុង Ho Chi Minh ឱ្យមានជីវភាពរស់នៅប្រកបដោយអរិយធម៌ ទំនើប និងមានការដឹងគុណ។ នៅឆ្នាំ ២០២០ មានអាណិកជនវៀតណាមចំនួន ៩០០ នាក់នៅក្នុងប្រទេសនិងទឹកដីជុំវិញពិភពលោក ចំនួន ២៥ (ដូចជា ចក្រភពអង់គ្លេស សហរដ្ឋអាមេរិក អូស្ត្រាលី កាណាដា បារាំង អាល្លឺម៉ង់ ប៊ែលហ្សិក រុស្ស៊ី ស្វីស ហូឡង់ ប៉ូឡូញញូហ្សេឡែន ស្លូវ៉ាគី អ៊ីតាលី ន័រវេស ហុងកុង ហ្វីលីពីន សិង្ហបុរី ថៃ ឡាវកម្ពុជា ជប៉ុន កូរ៉េខាងត្បូង តៃវ៉ាន់ ដាណឺម៉ាក) ./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន