យុគសម័យ - នាថ្ងៃទី ២៧ ខែមករាឆ្នាំ ២០២១ នៅច្រកព្រំដែនអន្តរជាតិHai Tien ខេត្ត Kien Giang លោក Van Cong Dau ប្រធានមន្ទីរ កិច្ចការបរទេសខេត្ត Kien Giang តាងនាមអោយថ្នាក់ដឹកនាំគណៈកម្មាធិការប្រជាជនខេត្ត បានប្រគល់ថវិកាចំនួន ៣០០ លានដុង ដល់តំណាងស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ។ នេះគឺជាអំណោយពីគណៈកម្មាធិការបក្សអាជ្ញាធរនិងប្រជាជនខេត្ត Kien Giang ដើម្បីជួយគាំទ្រជនជាតិខ្មែរមានដើមកំណើតវៀតណាម នៅតំបន់ដែលស្ថានកុងស៊ុលទទួលបន្ទុក ក្នុងឱកាសបុណ្យតេតវៀតណាមជិតឈានមកដល់ ឆ្នាំ ២០២១ ។
ថ្លែងក្នុងពិធីប្រគល់នេះលោក Van Cong Dau បានវាយតម្លៃខ្ពស់ចំពោះការខិតខំប្រឹងប្រែងរបស់អគ្គកុងស៊ុលវៀតណាមប្រចាំនៅខេត្តព្រះសីហនុ ក្នុងការលើកទឹកចិត្តស្មារតីរបស់ជនជាតិខ្មែរមានដើមកំណើតវៀតណាម នៅតំបន់ដែលស្ថានអគ្គកុងស៊ុលទទួលបន្ទុក (រួមមានខេត្តព្រះសីហនុ កំពត កែប កោះកុង កំពង់ស្ពឺនិងតាកែវ) ។ ពួកគេមានអារម្មណ៍ថា មានសុវត្ថិភាពនិងស្ថេរភាព ជាពិសេសនៅពេលដែលបងប្អូនជនជាតិខ្មែរមានដើមកំណើតវៀតណាមមានសភាពភ័យស្លន់ស្លោ ដោយសារផលប៉ះពាល់អវិជ្ជមាននៃការរីករាលដាលនៃជំងឺ Covid -19 ។ ដោយហេតុនេះប្រជាជនមិនបានស្តាប់ការញុះញង់របស់កងកម្លាំងអាក្រក់ទេ ហើយពួកគេមិនបានប្រញាប់ប្រញាល់ត្រឡប់ទៅប្រទេសវៀតណាវិញដែលបង្កការលំបាកសម្រាប់វិស័យសុខាភិបាលក្នុងស្រុក ក្នុងការបង្ការការរីករាលដាល។
ពិធីប្រគល់ថវិកាចំនួន ៣០០ លានដុង ដល់តំណាងស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ។
លោក Van Cong Dau បានសង្កត់ធ្ងន់ថា តាមរយៈស្ថានអគ្គកុងស៊ុល គណៈកម្មាធិការបក្ស អាជ្ញាធរខេត្តនិងប្រជាជនខេត្ត Kien Giang ជូនពរបុណ្យតេត ឆ្នាំ២០២១ ដល់ប្រជាជនខ្មែរដើមកំណើតវៀតណាមនៅកម្ពុជាប្រកបដោយសម្បូរ៍រុងរឿងនិងសុភមង្គល ហើយចូលរួមចំណែកក្នុងការអភិវឌ្ឍព្រះរាជាណាចក្រកម្ពុជា ក៏ដូចជាចំណងមិត្តភាពនិងកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងកម្ពុជា។
លោកអគ្គកុងស៊ុលវៀតណាមប្រចាំនៅខេត្តព្រះសីហនុ Vu Ngoc Ly មានប្រសាសន៍ថា នៅឆ្នាំ ២០២០ នៅពេលដែលការរីករាល ដាលនៃជំងឺ Covid-19 នៅកម្ពុជា អំណោយរបស់ខេត្ត Kien Giang គឺជាអំណោយដ៏មានអត្ថន័យនិងទាន់ពេលវេលាដល់ប្រជាជនខ្មែរមានដើមកំណើតវៀតណាម លើកទឹកចិត្តឱ្យប្រជាជនមានអារម្មណ៍សុវត្ថិភាពនិងស្ថេរភាព។ នោះមិនត្រឹមតែជាអំណោយពីខេត្ត Kien Giang ប៉ុណ្ណោះទេ ប៉ុន្តែក៏ជាទឹកចិត្តរបស់ប្រជាជន Kien Giang ផងដែរ។ តាមរយៈអំណោយនេះប្រជាជនខ្មែរមានដើមកំណើតវៀតណាមតែងតែមានអារម្មណ៍ថា បក្ស រដ្ឋ និងប្រជាជនវៀតណាមតែងតែយកចិត្តទុកដាក់ខ្លាំងលើប្រជាជនខ្មែរមានដើមកំណើតវៀតណាម នៅប្រទេសកម្ពុជា ។
អគ្គកុងស៊ុលបានបញ្ជាក់ថា អំណោយនេះនឹងត្រូវប្រគល់ជូនប្រជាជនខ្មែរមានដើមកំណើតវៀតណាម នៅប្រទេសកម្ពុជាឱ្យបានឆាប់ៗ តាមដែលអាចធ្វើទៅបាន ដើម្បីឱ្យពួកគេស្វាគមន៍បុណ្យចូលឆ្នាំថ្មីប្រពៃណីវៀតណាម។ ក្នុងឱកាសនេះលោកអគ្គកុងស៊ុល Vu Ngoc Ly ក្នុងនាមប្រជាជនខ្មែរមានដើមកំណើត វៀតណាមទាំងអស់នៅតំបន់កុងស៊ុលបានថ្លែងអំណរគុណនិងដឹងគុណយ៉ាងជ្រាលជ្រៅបំផុតចំពោះថ្នាក់ដឹកនាំនិងប្រជាជនខេត្ត Kien Giang និងបានជូនពរដល់ខេត្តនេះកាន់តែរីកចម្រើន នាពេលពេលខាងមុខ។
នាថ្ងៃដដែល អគ្គកុងស៊ុលបានរៀបចំអំណោយតេតជូនដល់គ្រួសារជនជាតិខ្មែរមានដើមកំណើតវៀតណាមចំនួន ៥០ គ្រួសារដែលមានស្ថានភាពលំបាកខ្លាំងនៅខេត្តកំពត./.（បកប្រែដោយឌីណា）
（ប្រភពព័ត៌មាន: Fb facebook.com/ngocly.vu.）
មតិពីមិត្តអ្នកអាន