ខេត្ត Kien Giang (ប្រទេសវៀតណាម) ពង្រឹងមិត្តភាពជាមួយខេត្តកែប

ទិដ្ឋភាពនៃជំនួប។

ថ្លែងក្នុងដំណើរទស្សនកិច្ចនេះ លោក សោម ពិសិដ្ឋ សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណបក្សប្រជាជនកម្ពុជាខេត្តកែប អភិបាលខេត្ត ប្រធានគណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តកែប បានឲ្យដឹងថា ប្រទេសទាំងពីរវៀតណាម-កម្ពុជា ក៏ដូចជាខេត្តទាំងពីរ គឺខេត្តកែប និងខេត្ត Kien Giang តែងតែជួយគាំទ្រគ្នាទៅវិញទៅមក ដើម្បីការរីកចម្រើននៃភាគីទាំងពីរ។ ការតភ្ជាប់អភិវឌ្ឍន៍ សាមគ្គីភាព កិច្ចសហប្រតិបត្តិការ និងភាពជិតស្និទ្ធរវាងវៀតណាម និងកម្ពុជា ក៏ដូចជារវាងខេត្តកែប និងខេត្ត Kien Giang កាន់តែមានភាពល្អប្រសើរឡើង។

លោក សោម ពិសិដ្ឋ បានអបអរសាទរគណៈកម្មាធិការរណសិរ្សមាតុភូមិវៀតណាមខេត្ត Kien Giang ក្នុងឱកាសរំលឹកខួបលើកទី៩៤ នៃទិវាប្រពៃណីនៃរណសិរ្សមាតុភូមិវៀតណាម ហើយជូនពរឲ្យចំណងសាមគ្គីភាព មិត្តភាព រវាងប្រទេសទាំងពីរ កាន់តែរីកចម្រើន។

គណៈអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមខេត្ត Kien Giang ទទួលស្វាគមន៍គណៈប្រតិភូគណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តកែប

ថ្លែងមតិក្នុងជំនួប លោក Le Thanh Viet ប្រធានគណៈកម្មាធិការរណសិរ្សមាតុភូមិវៀតណាមខេត្ត Kien Giang បានឲ្យដឹងថា វៀតណាម និងកម្ពុជា គឺជាប្រទេសជិតខាងចំនួនពីរ ដែលមានព្រំដែនគោករួម និងតំបន់សមុទ្រជាប់គ្នា។ ប្រជាជននៃប្រទេសទាំងពីរមានទំនាក់ទំនងមិត្តភាព និងកិច្ចសហប្រតិបត្តិការជាប្រពៃណី និងយូរអង្វែង។ ខេត្ត Kien Giang និងខេត្តកែប គឺជាខេត្តជិតខាងពីរ ដែលមានទំនាក់ទំនងមិត្តភាពជាប្រពៃណីយូរអង្វែង។ ប្រជាជននៃខេត្តទាំងពីរតែងតែរក្សានូវចំណងមិត្តភាពជាប្រពៃណី ដើម្បីបំពេញសេចក្តីប្រាថ្នា និងផលប្រយោជន៍របស់ប្រជាជននៃខេត្តទាំងពីរ ដើម្បីសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងពិភពលោក។

នៅក្នុងបរិយាកាសនៃសាមគ្គីភាព និងមិត្តភាព តាងនាមថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមខេត្ត Kien Giang លោក Le Thanh Viet បានជូនពរចំណងសាមគ្គីភាព និងមិត្តភាពរវាងប្រទេសទាំងពីរ វៀតណាម-កម្ពុជា និយាយរួម រវាងខេត្ត Kien Giang និងខេត្តកែប ដូចជាទឹកទន្លេមេគង្គ មិនរីងស្ងួត រួមចំណែករក្សាប្រពៃណី សាមគ្គីភាព និងមិត្តភាពរវាងប្រទេសទាំងពីរ៕

ទីក្រុង Chau Doc ខេត្ត An Giang (វៀតណាម) អញ្ជើញចុះសួរសុខទុក្ខ និងចែកអំណោយដល់ឃុំជ័យជោគ និងឃុំកំពង់ក្រសាំង (ខេត្តតាកែវ) ក្នុងឱកាសពិធីបុណ្យសែនដូនតា ឆ្នាំ២០២៤ របស់ជនជាតិខ្មែរ នាថ្ងៃទី ៣ តុលា គណៈអចិន្ត្រៃយ៍ នៃគណៈកម្មាធិការរណសិរ្សមាតុភូមិវៀតណាមទីក្រុង Chau Doc (វៀតណាម)ដឹកនាំដោយ លោក Tran Quoc Tuan អនុប្រធានប្រចាំការគណៈកម្មាធិការប្រជាជនទីក្រុង Chau Doc និងលោក Huynh Chi Oanh ប្រធានគណៈកម្មការចលនាមហាជននៃគណៈកម្មាធិការបក្សទីក្រុង ប្រធានគណៈកម្មាធិការរណសិរ្សមាតុភូមិវៀតណាមនៃទីក្រុង Chau ...

ខេត្ត An Giang (វៀតណាម) ថែរក្សាការសរសេររបស់ជនជាតិខ្មែរ តាំងពីយូរយារណាស់មកហើយ វត្តអារាមព្រះពុទ្ធសាសនាថេរវាទខ្មែរ នៅខេត្ត An Giang ប្រទេសវៀតណាម បានក្លាយជាកន្លែងបង្រៀនអក្សរខ្មែរដល់កូនៗរបស់បងប្អូនជនជាតិខ្មែរ។ ថ្នាក់រៀនត្រូវបានបង្កើតឡើងពីការពួតដៃគ្នារបស់វត្តអារាម ព្រះសង្ឃ អាជ្ញាធរ និងពុទ្ធសាសនិក ដូច្នេះហើយទើបពង្រឹងស្មារតីសិក្សា របស់បងប្អូនជនជាតិខ្មែរក្នុងការចូលរួមថែរក្សាការសរសេរ អត្តសញ្ញាណប្រពៃណីជាតិត្រូវបានលើកកម្ពស់ពីមួយថ្ងៃទៅមួយថ្ងៃ។

យោងតាមកាសែតកងទ័ពប្រជាជន