ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម ២០២៥ ក្នុងប៉ុន្មានថ្ងៃថ្មីៗនេះ ខេត្តជាច្រើននៃព្រះរាជាណាចក្រកម្ពុជាបានរៀបចំគណៈប្រតិភូដឹកនាំដោយអភិបាលខេត្ត ឬ អភិបាលរងខេត្តអញ្ជើញមកសួរសុខទុក្ខ និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្ត Kien Giang។
| ខេត្ត Kien Giang (ប្រទេសវៀតណាម) ពង្រឹងមិត្តភាពជាមួយខេត្តកែប ខេត្ត Kien Giang ប្រារព្ធពិធីបើកខែមនុស្សធម៌ខេត្ត ឆ្នាំ ២០២៤ |
 |
| ច្រកទ្វារព្រំដែនអន្តរជាតិ Ha Tien |
តំណាងគណៈកម្មាធិការប្រជាជនខេត្ត Kien Giang បានទទួលបដិសណ្ឋាកិច្ចយ៉ាងកក់ក្តៅចំពោះគណៈប្រតិភូក្នុងស្មារតីសាមគ្គីភាព និងមិត្តភាព។
នៅក្នុងជំនួបទាំងនេះ ប្រធានគណៈប្រតិភូខេត្តនានានៃព្រះរាជាណាចក្រកម្ពុជាបានសម្តែងនូវអារម្មណ៍សប្បាយរីករាយយ៉ាងក្រៃលែងនៅពេលដែលបានមកសួរសុខទុក្ខ និងជូនពរអាជ្ញាធរ និងប្រជាជនខេត្ត Kien Giang ក្នុងឱកាសបុណ្យចូលឆ្នាំថ្មីប្រពៃណីជាតិ។
ថ្នាក់ដឹកនាំខេត្ត Kien Giang បានថ្លែងអំណរគុណចំពោះប្រធានគណៈប្រតិភូដែលបានមកចូលរួមអបអរសាទរបុណ្យចូលឆ្នាំថ្មីប្រពៃណីជាតិ ២០២៥ ហើយទន្ទឹមនឹងនោះក៏បានជូនដំណឹងអំពីសមិទ្ធិផលសេដ្ឋកិច្ចសង្គមនៃខេត្ត Kien Giang ឆ្នាំ ២០២៤។ ថ្នាក់ដឹកនាំខេត្តក៏បានចែករំលែកអំពីស្ថានភាពជីករុករក អដ្ឋិធាតុកងទ័ពស្ម័គ្រចិត្តវៀតណាម និងអ្នកជំនាញការវៀតណាមដែលពលីជីវិតកាលពីសម័យសង្គ្រាមនៅកម្ពុជា ដោយសង្ឃឹមថា ខេត្តនានានៃព្រះរាជាណាចក្រកម្ពុជាបន្តជួយខេត្ត Kien Giang បំពេញការងារនេះបានល្អនាពេលខាងមុខ។
បន្ទាប់ពីបានជូនពរឆ្នាំថ្មីដល់ថ្នាក់ដឹកនាំខេត្ត Kien Giang លោក ខៀវ រិទ្ធីភ័ណ្ឌ អភិបាលរងខេត្តកំពតបានបញ្ជាក់ថា ក្នុងស្មារតីនៃកិច្ចសហប្រតិបត្តិការ និងអភិវឌ្ឍន៍នាពេលខាងមុខ ខេត្តកំពត និងខេត្ត Kien Giang នឹងបន្តបង្កើនកិច្ចសហប្រតិបត្តិការថែមទៀតលើវិស័យសេដ្ឋកិច្ច វប្បធម៌ និងសង្គម ដែលភាគីទាំងពីរមានប្រៀបខ្លាំង។ ទាក់ទិននឹងវិស័យទេសចរណ៍ខេត្តកំពតក្នុងឆ្នាំ២០២៥ លោក ខៀវ រិទ្ធីភណ្ឌ បានជម្រាបជូនថានឹងមានសកម្មភាពផ្សព្វផ្សាយជាច្រើន ដើម្បីទាក់ទាញភ្ញៀវទេសចរណ៍ ព្រមទាំងមានបំណងចង់ថ្នាក់ដឹកនាំខេត្ត Kien Giang បង្កើតលក្ខខណ្ឌឲ្យប្រជាពលរដ្ឋមកទស្សនា និងទេសចរណ៍នៅខេត្តនេះ។
 |
| ទីក្រុង Phu Quoc (ខេត្ដ Kien Giang) គឺជាគោលដៅទេសចរណ៍មួយដែលទាក់ទាញភ្ញៀវទេសចរណ៍ជាតិ និងអន្ដរជាតិយ៉ាងច្រើនកុះករ |
ខណៈដែលលោក សោម ពិសិដ្ឋ អភិបាលខេត្តកែប បានជូនពរថ្នាក់ដឹកនាំ កម្មាភិបាល យុទ្ធជននិងប្រជាពលរដ្ឋខេត្ត Kien Giang ជួបតែសេចក្ដីសុខ សុខភាពល្អ និងជោគជ័យគ្រប់ភារកិច្ច; សូមជូនពរឱ្យចំណងសាមគ្គីភាព និងមិត្តភាពរវាងខេត្តកែប និងខេត្ត Kien Giang ស្ថិតស្ថេរជារៀងរហូត។ អភិបាលខេត្តកែប បានសង្កត់ធ្ងន់ថា នាពេលកន្លងមក ខេត្តទាំងពីរមានកិច្ចសហប្រតិបត្តិការគ្រប់ជ្រុងជ្រោយជាច្រើន និងអភិវឌ្ឍយ៉ាងខ្លាំងក្លា ទន្ទឹមនឹងនោះ ខេត្ត Kien Giang បានគាំទ្រទាំងស្មារតី និងសម្ភារៈដល់អាជ្ញាធរមូលដ្ឋាន និងប្រជាជនខេត្តកែប។
ជាមួយគ្នានោះ លោក ឯម ភាព អភិបាលរងខេត្តព្រះសីហនុ បានជូនពរដល់ថ្នាក់ដឹកនាំខេត្ត កងកម្លាំងប្រដាប់អាវុធ និងប្រជាពលរដ្ឋខេត្ត Kien Giang ឱ្យជួបតែសេចក្តីសុខ សេចក្តីចម្រើនក្នុងឆ្នាំថ្មី។ សូមជូនពរឱ្យចំណងសាមគ្គីភាព និងមិត្តភាពរវាងខេត្តទាំងពីរកាន់តែជិតស្និទ្ធ។ លោក ឯម ភាព បានជម្រាបជូនអំពីលទ្ធផលនៃការអភិវឌ្ឍន៍ខេត្តព្រះសីហនុ និងមានបំណងចង់សហប្រតិបត្ដិការដើម្បីជំរុញការអភិវឌ្ឍន៍លើវិស័យនានាដូចជាចរាចរណ៍ ដឹកជញ្ជូន កសាងហេដ្ឋារចនាសម្ព័ន្ធ និងទេសចរណ៍។ល។
 |
| ពង្រឹងការតភ្ជាប់ចរាចរណ៍ ដឹកជញ្ជូន និងទេសចរណ៍រវាងខេត្ត Kien Giang និងមូលដ្ឋាននៃប្រទេសកម្ពុជា |
ក្នុងជំនួបទាំងនេះ ថ្នាក់ដឹកនាំខេត្ត Kien Giang និងគណៈប្រតិភូនៃព្រះរាជាណាចក្រកម្ពុជា បានអះអាងថា វៀតណាម និងកម្ពុជា គឺជាប្រទេសជិតខាងទាំងពីរ ដែលមានប្រពៃណីសាមគ្គីភាពយូរអង្វែងដែលត្រូវបានពូនជ្រំ និងអភិវឌ្ឍន៍កាន់តែខ្លាំងឡើង។ ជារៀងរាល់ឆ្នាំ ក្នុងឱកាសបុណ្យចូលឆ្នាំថ្មីប្រពៃណីរបស់ប្រជាជាតិនីមួយៗ ថ្នាក់ដឹកនាំខេត្ត និងកងកម្លាំងប្រដាប់អាវុធជាប់ព្រំដែនរបស់កម្ពុជា និងខេត្ត Kien Giang បានរៀបចំគណៈប្រតិភូមកសួរសុខទុក្ខ និងជូនពរបុណ្យចូលឆ្នាំថ្មី រួមចំណែករឹតចំណងមិត្តភាព សាមគ្គីភាពរវាងភាគីទាំងពីរ។
ថ្នាក់ដឹកនាំខេត្ត Kien Giang និងគណៈប្រតិភូទាំងអស់បានសង្កត់ធ្ងន់ថា ភាគីទាំងពីរបន្តជំរុញការផ្លាស់ប្តូរ ស្រាវជ្រាវ និងកិច្ចសហប្រតិបត្តិការលើវិស័យសេដ្ឋកិច្ច វប្បធម៌-សង្គម សន្តិសុខ សណ្តាប់ធ្នាប់ និងសុវត្ថិភាពសង្គម…; ពង្រឹងបន្ថែមទៀតនូវរាល់សកម្មភាពមិត្តភាព ការផ្លាស់ប្ដូរប្រជាជន និងប្រជាជន ក៏ដូចជាការជីករុករកអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតកាលពីសម័យសង្គ្រាមនៅកម្ពុជាទទួលបានលទ្ធផលជាច្រើន។
មុននេះនេះ គណៈកម្មការជំនាញខេត្ត Kien Giang និងខេត្តព្រះសីហនុ បានចុះហត្ថលេខាលើអនុស្សរណៈនៃកិច្ចសហប្រតិបត្តិការលើការរុករក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជិវិតក្នុងសម័យសង្គ្រាមនៅកម្ពុជាដំណាក់កាលទី២៤៕
 Ha Tien (Kien Giang)៖ កសិករខ្មែររួមចំណែកកសាងតំបន់ព្រំដែនប្រកបដោយសុខសន្តិភាព និងអភិវឌ្ឍន៍ យុគសម័យ - លោក Chau Chai អាយុ ៥១ ឆ្នាំ កើត និងធំធាត់នៅតំបន់ព្រំដែន Ha Tien ខេត្ត Kien Giang រស់នៅក្នុងឃុំ My Duc (ឥឡូវវួដ My Duc) ធ្លាប់មានជីវភាពលំបាក ប៉ុន្តែដោយអាស្រ័យគាំទ្រពីគោលនយោបាយជនជាតិរបស់បក្ស និងរដ្ឋដើម្បីឈានឆ្ពោះទៅមុខ។ |
 ខេត្ត Kien Giang (វៀតណាម)និងខេត្តព្រះសីហនុ សហការគ្នាក្នុងការរុករក ប្រមូល និងធ្វើមាតុភូមិនិវត្តន៍អដ្ឋិធាតុនៃយុទ្ធជនពលី នារសៀលថ្ងៃទី១៦ ខែកញ្ញា នៅខេត្តព្រះសីហនុ ខេត្ត Kien Giang និងខេត្តព្រះសីហនុ បានប្រារព្ធពិធីចុះហត្ថលេខាលើកិច្ចសហប្រតិបត្តិការក្នុងការរករុក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្តវៀតណាម និងអ្នកជំនាញដែលបានពលីជីវិតក្នុងសម័យសង្គ្រាមនៅកម្ពុជា ដំណាក់កាលទី ២៤ (រដូវប្រាំង ២០២៤-២០២៥)។ |
មតិពីមិត្តអ្នកអាន