យុគសម័យ - ថ្មីៗនេះ សាលាបឋមសិក្សានិងអនុវិទ្យាល័យ Thong Nhat ឃុំ Binh Phu ស្រុក Tan Hong ខេត្ត Dong Thap បាន បើកថ្នាក់រៀនសម្រាប់កុមារខ្មែរមានដើមកំណើតវៀតណាម។ ពួកគេជាកូនរបស់គ្រួសារចំនួន ៤ ដែលមានទីលំនៅជាបណ្តោះអាសន្នក្នុងតំបន់លំនៅដ្ឋាន Ca Chanh ដែលមានអាយុចាប់ពី ៦ ទៅ ១៥ ឆ្នាំតែមិនចេះអក្សរ។
ការបើកថ្នាក់រៀនសម្រាប់ករណីទាំងនេះគឺដើម្បីជួយប្រជាជនខ្មែរមានដើមកំណើតវៀតណាមចេះអក្សរនិងភាសាវៀតណាម ដើម្បីបង្កើនគុណភាពជីវិតរបស់ពួកគេ។
តាមការគ្រោងទុក ថ្នាក់រៀននឹងត្រូវធ្វើឡើងក្នុងរយៈពេល ១៧ សប្តាហ៍ និងបង្រៀនពីរមុខវិជ្ជាគឺភាសាវៀតណាមនិងគណិតវិទ្យាដែលបង្រៀនដោយគ្រូម្នាក់។ សមាគមលើកទឹកចិត្តការសិក្សាឃុំ Binh Phu និងអ្នកឧបត្ថម្ភបានបរិច្ចាគសៀវភៅសរសេរ សៀវភៅ ឧបករណ៍សិក្សានិងឯកសណ្ឋាន។ បច្ចុប្បន្ននេះ ខេត្ត Dong Thap កំពុងបន្តអំពាវនាវនូវការគាំទ្រសម្ភារៈផ្សេងៗសម្រាប់កុមារដែលទៅសាលារៀន។
កុមារខ្មែរមានដើមកំណើតវៀតណាមនឹងទទួលបានការអប់រំនៅសាលាបឋមសិក្សា - អនុវិទ្យាល័យ Thong Nhat។
លើសពីនេះមនុស្សធំនៅក្នុងគ្រួសារទាំង ៤ ខាងលើត្រូវបាន រៀនឲ្យចេះអក្សរវៀតណាមជាសកល នៅពេលយប់ផងដែរ ដែលបានរៀបចំ ដោយសាលាបឋមសិក្សានិងអនុវិទ្យាល័យ Thong Nhat ឃុំ Binh Phu សម្របសម្រួលជាមួយប៉ុស្តិ៍កងទ័ពការពារព្រំដែន។
មុនពេលនោះគ្រួសារមកពីកម្ពុជាទៅវៀតណាមបានអនុវត្តវិធានការដាក់ឲ្យនៅដាច់ដោយឡែក ដើម្បីប្រឆាំងនឹងការរីករាលដាលនៃជំងឺ Covid-19 ។ បន្ទាប់ពីការដាក់ឱ្យនៅដាច់ដោយឡែក គេមិនមានកន្លែងមានស្ថេរភាពសម្រាប់រស់នៅ ដូច្នេះអាជ្ញាធរមូលដ្ឋានត្រូវរៀបចំកន្លែងស្នាក់នៅបណ្តោះអាសន្ន។
យោងតាមខេត្ត Dong Thap មានសិស្សខ្មែរមានដើមកំណើតវៀតណាមប្រមាណ ៣០០ នាក់ទៅសិក្សានៅអនុវិទ្យាល័យនិងវិទ្យល័យ នៅស្រុក Hong Ngu Tan Hong និងទីរួមខេត្ត Hong Ngu ។ ទោះបីការរីករាលដាលនៃជំងឺ Covid-19 មានភាព ស្មុគស្មាញយ៉ាងណាក៏ដោយ ក៏នៅក្នុងឆ្នាំសិក្សា ២០២០-២០២១ ខេត្តបានបង្កើតលក្ខខណ្ឌសម្រាប់សិល្សខ្មែរមានដើមកំណើតវៀតណាមជិត ២០០ នាក់ក្នុងចំណោមសិស្សខ្មែរមានដើមកំ ណើតវៀតណាមជិត ៣០០ នាក់ដែលរស់នៅក្នុងតំបន់ជាប់ខ្សែព្រំដែនអាចចូលរៀនដោយសុវត្ថិភាព./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន