បន្ទាប់មក ឯកឧត្តម ង្វៀន កួកយ៊ុង អនុរដ្ឋមន្រ្តីការបរទេស នៃសាធារណរដ្ឋសង្គមនិយមវៀតណាម បានថ្លែងចំណាប់អារម្មណ៍ លើកសរសើរពីកម្ពុជា និងបណ្តាកិច្ចសហប្រតិបត្តិការជាមួយកម្ពុជា និងជូនពរកម្ពុជា។
ឯកឧត្តម Nguyen Quoc Dung អនុរដ្ឋមន្រ្តី ការបរទេស និង ប្រធានសម្ព័ន្ធអង្គការមិត្តភាពធវៀតណាមអបអរសាទរខួបអនុស្សាវរីយ៍លើកទី៦៧ ទិវាបុណ្យឯករាជ្យជាតិ នៃព្រះរាជាណាចក្រកម្ពុជា ។
នៅព្រឹកថ្ងៃទី៦ ខែវិច្ឆិកា ឆ្នាំ២០១៩ វេលាម៉ោង ០៨:៣០ នាទី ឯកឧត្តម ចាយ ណាវុធ ឯកអគ្គរាជទូតកម្ពុជា ប្រចាំសាធារណរដ្ឋសង្គមនិយម ព្រមទាំងមន្រ្តីស្ថានទូត និងគ្រួសារ បានរៀបចំប្រារព្ធពិធីអបអរសាទរខួបអនុស្សាវរីយ៍លើកទី៦៧ ទិវាបុណ្យឯករាជ្យជាតិ នៃព្រះរាជាណាចក្រកម្ពុជា (០៩ វិច្ឆិកា-១៩៥៣ -០៩ វិច្ឆិកា ២០២០) ក្រោមអធិបតីភាព ឯកឧត្តម Nguyen Quoc Dung អនុរដ្ឋមន្រ្តី ការបរទេស នៃសាធារណរដ្ឋសង្គមនិយមវៀតណាម -ដោយមានការចូលរួមពី ឯកឧត្តម Nguyen Huy Tang អនុប្រធានគណៈកម្មាធិការមជ្ឈិមក្សទំនាក់ទំនងការបរទេសនៃបក្សកុម្មុយនីស្តវៀតណាម, លោកជំទាវ Nguyen Phuong Nga ប្រធានសម្ព័ន្ធអង្គការមិត្តភាពធវៀតណាម ( Viet Nam Union of Friendship Organisation-VUFO),
ឯកអគ្គរាជទូត/រដ្ឋទូតអាស៊ាន និងតំណាងនៃបណ្តាស្ថានទូតអាស៊ាន, សមាគមមិត្តភាពវៀតណាម-កម្ពុជា សមាគមកូនកាត់កម្ពុជា-វៀតណាម និសិ្សតកម្ពុជា សិក្ខាកាមនគរបាល សិក្ខកាមយោធា សរុបចំនួន ២០០នាក់។
កម្មវិធីនេះមានការសំដែងរបាំជូនពរ-សំដែងដោយក្រុមនិស្សិតកម្ពុជា និងការរាំចង្វាក់ម៉ារីសុនរបស់សិក្ខាកាមយោធាកម្ពុជា សិក្សាក្នុងប្រទេសវៀតណាម។
កម្មវិធីសំខាន់គឺ ពិធីបង្ហូតទង់ជាតិកម្ពុជា អមដោយការច្រៀងបទគោរពទង់ជាតិរបស់មន្ត្រីស្ថានទូត និងនិស្សិត សិស្ស ដោយមានភ្ញៀវបរទេស ឯកអគ្គរាជ/រដ្ឋទូត នៃបណ្តាប្រទេសអាស៊ាន ឈរគោរពទង់ជាតិដែលមានសិក្ខាកាមយោធា មួយក្រុមជាអ្នកបង្ហូតទង់ជាតិ។
នាឱកាសនោះ ឯកឧត្តមឯកអគ្គរាជទូត បានថ្លែងសុន្ទរកថាអបអរសាទរបុណ្យឯករាជ្យជាតិសមិទ្ធិផលដែលកម្ពុជាទទួលបានពីសម័យព្រះរាជាណាចក្រទី១ ដល់សម័យសម្តេចតេជោ រួមទាំងចំណងមិត្តភាព សាមគ្គីភាព និងកិច្ចសហប្រតិបត្តិកាមកម្ពុជា-វៀតណាម។
បន្ទាប់មក ឯកឧត្តម ង្វៀន កួកយ៊ុង អនុរដ្ឋមន្រ្តីការបរទេស នៃសាធារណរដ្ឋសង្គមនិយមវៀតណាម បានថ្លែងចំណាប់អារម្មណ៍ លើកសរសើរពីកម្ពុជា និងបណ្តាកិច្ចសហប្រតិបត្តិការជាមួយកម្ពុជា និងជូនពរកម្ពុជា។
ជាកិច្ចបញ្ចប់ កម្មវិធី Toast, បង្ហោះប៉េងប៉ោង និងពិធីថតរូបអនុស្សាវរីយ៍ ព្រមទាំងបានជូនវត្ថុអនុស្សាវរីយ៍ដល់ភ្ញៀវកិត្តិយស។
(សរុបដោយវិច្ឆិកា)
(ប្រភពព័ត៌មាន: ស្ថានទូតនៃព្រះរាជាណាចក្រកម្ពុជាប្រចាំនៅប្រទេសវៀតណាម)
មតិពីមិត្តអ្នកអាន