យុគសម័យ - នារសៀលថ្ងៃទី ២១ ខែសីហា នៅប៉ុស្តិ៍ត្រួតពិនិត្យច្រកទ្វារអន្តរជាតិ Thuong Phuoc បញ្ជាការដ្ឋានកងទ័ពការពារព្រំដែនខេត្ត Dong Thap បានប្រគល់ថវិកានិងសំភារវេជ្ជសាស្រ្តសម្រាប់ការបង្ការនិងប្រយិទ្ធប្រឆាំងនឹងជំងឺកូវីដ១៩ ដល់កងទ័ពការពារព្រំដែនស្នងការដ្ឋាននគរបាលខេត្តព្រៃវែងនៃព្រះរាជាណាចក្រកម្ពុជា។
កងទ័ពការពារព្រំដែនខេត្ត Dong Thap បរិច្ចាគថវិកានិងសំភារវេជ្ជសាស្រ្តដល់កម្លាំងការពារព្រំដែនកម្ពុជាដើម្បីបង្ការការពារនឹងជំងឺកូវីដ១៩
តាមនោះលោកវរសេនីយ៍ឯក Le Van Luan មេបញ្ជាការបញ្ជាការដ្ឋានកងទ័ពការពារព្រំដែនខេត្ត Dong Thap បានប្រគល់ថវិកា ១០០ លានដុង ម៉ាសការពារមេរោគចំនួន ១.០០០ ម៉ាស និងទឹកលាងដៃដល់ ស្នងការដ្ឋាននគរបាលខេត្តព្រៃវែងនៃព្រះរាជាណាចក្រកម្ពុជា។
លោកវរសេនីយ៍ឯក Le Van Luan សង្ឃឹមថាថវិកានិងសំភារវេជ្ជសាស្រ្តដែលកងទ័ពការពារព្រំដែនខេត្ត Dong Thap ប្រគល់ដល់ស្នងការដ្ឋាននគរបាលខេត្តព្រៃវែងនឹងជួយដល់កម្លាំងការពារព្រំដែនកម្ពុជាកាត់បន្ថយការលំបាក និងសម្របសម្រួលឱ្យបានល្អជាមួយកងទ័ពការពារព្រំដែនខេត្ត Dong Thap ក្នុងការប្រឆាំងនឹងជំងឺកូវីដ១៩ ទន្ទឹមនឹងនេះលើកកម្ពស់ការផ្លាស់ប្តូរព័ត៌មានឱ្យកាន់តែប្រសើរ ពង្រឹងការល្បាតត្រួតពិនិត្យនិងគ្រប់គ្រងនិងការពារព្រំដែន។
ក្នុងនាមកងកម្លាំងការពារព្រំដែនខេត្តព្រៃវែង លោកឧត្តមសេនីយ៍ត្រី ព្រុំ សន្ធរ ស្នងការនគរបាលខេត្តព្រៃវែង បានថ្លែងអំណរគុណចំពោះ ការជួយគាំទ្រដ៏មានតម្លៃនិងជាក់ស្តែងពីបញ្ជាការដ្ឋានកងទ័ពការពារព្រំដែនខេត្ត Dong Thap។ លោកក៏បានបញ្ជាក់ថានេះគឺជាការលើកទឹកចិត្តដ៏ធំធេងដល់កម្លាំងការពារព្រំដែនខេត្តព្រៃវែងក្នុងកិច្ចការបង្ការនិងប្រយុទ្ធប្រឆាំងនឹងជំងឺកូវីដ១៩ រួមចំណែកកសាងព្រំដែនសន្តិភាពមិត្តភាពសហប្រតិបត្តិការនិងអភិវឌ្ឍន៍៕
（ប្រែសម្រូលដោយវិច្ឆិកា）
មតិពីមិត្តអ្នកអាន