យុគសម័យ - នាព្រឹកថ្ងៃទី ២១ ឧសភា សម្ព័ន្ធសមាគមមិត្តភាពទីក្រុងហូជីមិញ (HUFO) បានអញ្ជើញមកដល់អគ្គកុងស៊ុលម៉ាឡេស៊ីប្រចាំនៅទីក្រុងហូជីមិញ ដើម្បីផ្តល់ជូនម៉ាស់ចំនួន ៧.៥០០ ម៉ាស់ និងអាល់កុលលាងដៃកំចាត់មេរោគចំនួន ១០០ លីត្រដល់ប្រជាជនម៉ាឡេស៊ី។
HUFO បានអញ្ជើញមកសួរសុខទុក្ខាមន្ត្រីនិងបុគ្កលិកនៅឯស្ថានអគ្គកុងស៊ុលម៉ាឡេស៊ីប្រចាំនៅទីក្រុងហូជីមិញព្រមទាំងប្រគល់ជូនសម្ភារៈបរិក្ខាពេទ្យចាំបាច់ដល់ប្រទេសមិត្តដើម្បីប្រយុទ្ធប្រឆាំងនឹងជំងឺរាតត្បាតសកល
ក្នុងបរិបទនៃការផ្ទុះជំងឺកូវីដ១៩ ដោយមានស្មារតីសាមគ្គីភាព រួបរួមគ្នា HUFO បានអញ្ជើញមកសួរសុខទុក្ខាមន្ត្រីនិងបុគ្កលិកនៅឯស្ថានអគ្គកុងស៊ុលម៉ាឡេស៊ីប្រចាំនៅទីក្រុងហូជីមិញព្រមទាំងប្រគល់ជូនសម្ភារៈបរិក្ខាពេទ្យចាំបាច់ដល់ប្រទេសមិត្តដើម្បីប្រយុទ្ធប្រឆាំងនឹងជំងឺរាតត្បាតសកល។
ការបរិច្ចាគលើកនេះរួមមានម៉ាស់ការពារបែបក្រណាត់កំចាត់មេរោគចំនួន ៧.៥០០ ម៉ាស់ និងអាល់កុលលាងដៃកំចាត់មេរោគចំនួន ១០០ លីត្រដល់ប្រជាជនម៉ាឡេស៊ីសម្រាប់ការការពារនិងទប់ស្កាត់នឹងជំងឺកូវីដ១៩។
គួរបញ្ជាក់ថាក្នុងរយៈពេលកន្លងមកនេះ HUFO មានសកម្មភាពជាច្រើនដើម្បីគាំទ្រដល់មិត្តភក្តិអន្តរជាតិដូចជាការរៀបចំយុទ្ធនាការការរៃអង្គាសទឹកប្រាក់ និងការផ្តល់អំណោយដល់ប្រជាជនគុយបា ព្រមទាំងប្រគល់ជូនម៉ាស់និងទឹកលាងដៃកំចាត់មេរោគដល់ស្ថានអគ្គកុងស៊ុលថៃនិងស្ថានអគ្គកុងស៊ុលបារាំងប្រចាំនៅទីក្រុងហូជីមិញផងដែរ៕
(បកប្រែដោយ ហេងវុធ្ធី)
(ប្រភពព័ត៌មាន: thoidai.com.vn)
មតិពីមិត្តអ្នកអាន