យុគសម័យ - នាថ្ងៃទី ១៣ ខែឧសភា សម្ព័ន្ធអង្គការមិត្តភាពទីក្រុងហូជីមិញ (HUFO) បានប្រគល់ម៉ាសចំនួន ៥០០០ ជែលលាងដៃចំនួន ៤០០ ដប និងសូលុយស្យុងសម្លាប់មេរោគ ១០០ លីត្រ ដល់សាលាបឋមសិក្សា Binh Khanh (ឃុំ Binh Khanh ស្រុក Can Tho ទីក្រុងហូជីមិញ) ដើម្បីរួមដៃគ្នាជាមួយគ្រូនិងសិស្សក្នុងការបង្ការនិងទប់ស្កាត់នឹងជំងឺរាតត្បាត COVID-19។
ថ្នាក់ដឹកនាំនៃអង្គការ HUFO បានប្រគល់វត្ថុវេជ្ជសាស្រ្តដល់សាលាបឋមសិក្សា Binh Khanh។
នេះជាសកម្មភាពដើម្បីការពារសុខភាពនិងសុវត្ថិភាពរបស់គ្រូនិងសិស្សក្នុងសាលា។
សិស្សដែលតំណាងឱ្យថ្នាក់ទាំងអស់មកទទួលអំណោយ។
យោងតាមលោកស្រី Tran Hoang Khanh Van អនុប្រធានសម្ព័ន្ធអង្គការមិត្តភាពទីក្រុងហូជីមិញបានឱ្យដឹងថា ក្នុងស្ថានភាពស្មុគស្មាញនៃជំងឺរាតត្បាត COVID-19 អង្គការ HUFO និងអង្គការជាសមាជិកបានសហការជាមួយអង្គការក្រៅរដ្ឋាភិបាលអន្តរជាតិ សហគ្រាស និងសប្បុរសជនដើម្បីរៀបចំការបរិច្ចាគនិងប្រគល់ឧបករណ៍វេជ្ជសាស្រ្តមួយចំនួនដល់សាលារៀនមួយចំនួននៅទីក្រុងហូជីមិញ។
ថ្លែងមតិនៅក្នុងពិធីប្រគល់នេះ លោក Dang Thai Binh នាយកសាលាបឋមសិក្សា Binh Khanh បានថ្លែងអំណរគុណដល់សម្ព័ន្ធអង្គការមិត្តភាពទីក្រុងហូជីមិញ ដែលបានចែករំលែកនិងជួយធានាសុវត្ថិភាពដល់គ្រូ សិស្សនៅសាលា ព្រមជាមួយគ្នានេះ បង្ការនិងទប់ស្កាត់នឹងការឆ្លងរាលដាលនៃជំងឺរាតត្បាត COVID-19។
យោងតាមរំពឹងថា HUFO នឹងរៀបចំការប្រគល់ម៉ាសចំនួន ៤០០០ និងជែលលាងដៃស្ងួតចំនួន ៤០០ ដប ដល់គ្រូនិងសិស្សនៃសាលាបឋមសិក្សា Bui Thanh Khiet ឃុំ Phuoc Loc ស្រុក Nha Be ទីក្រុងហូជីមិញ៕（បកប្រែដោយសាមេត）
（ប្រភពព័ត៌មាន: thoidai.com.vn）
មតិពីមិត្តអ្នកអាន