តាមតបការអញ្ជើញរបស់លោកនាយករដ្ឋមន្រ្តី Nguyen Xuan Phuc លោកនាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ Thongloun Sisoulith បានដឹកនាំគណៈប្រតិភូឡាវអញ្ជើញមកបំពេញទស្សនកិច្ច និងអញ្ជើញធ្វើជាសហប្រធាននៃសម័យប្រជុំលើកទី ៤២ នៃគណៈកម្មាធិការអន្តរ រដ្ឋាភិបាលវៀតណាម - ឡាវ នៅរដ្ឋធានីហាណូយចាប់ពីថ្ងៃទី ២-៤ ខែមករា ឆ្នាំ ២០២០ ។
នាយករដ្ឋមន្ត្រីនៃប្រទេសទាំងពីរ វៀតណាម ឡាវ (រូបថត៖ ទីភ្នាក់ងារសារព័ត៌មានវៀតណាម)
ការរៀបចំសម័យប្រជុំលើកទី ៤២ នៃគណៈកម្មាធិការអន្តររដ្ឋាភិបាលវៀតណាម - ឡាវសំដៅបន្តអះអាងអំពីអាទិភាពនៃទំនាក់ទំនងការទូតនៃប្រទេសទាំងពីរគឺការអភិវឌ្ឍទំនាក់ទំនងមិត្តភាពជាប្រពៃណីដ៏អស្ចារ្យ សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងប្រទេសវៀតណាមនិងប្រទេសឡាវ ដោយឥតឈប់ឈរ។ បង្កើនការជឿទុកចិត្តខាងនយោបាយរវាងប្រទេសទាំងពីរ ជំរុញការអនុវត្តន៍កិច្ចព្រមព្រៀងសំខាន់ៗ។ មួយចំនួន ថែមទាំង ជំរុញកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ នាពេលខាងមុខឆាប់ៗនេះ។
ទំនាក់ទំនងមិត្តភាពជាប្រពៃណីនិងសាមគ្គីភាពពិសេស
ប្រទេសវៀតណាម - ប្រទេសឡាវមានទំនាក់ទំនងមិត្តភាពជាប្រពៃណី និងសាមគ្គីភាពពិសេសដ៏យូរលង់មកនេះហើយ។ទំនាក់ទំនងដ៏ស្មោះត្រង់រវាងគណបក្សទាំងពីរ និងប្រជាជននៃប្រទេសទាំងពីរដែលបានបង្កើតនិងពង្រឹងដោយលោកប្រធានHo Chi Minh លោកប្រធាន Kaysone Phomvihane លោកប្រធាន Souphanouvong និងថ្នាក់ដឹកនាំនិងប្រជាជនជាច្រើនជំនាន់ ដែលក្លាយទៅជា ទ្រព្យសម្បត្តិដែលមិនអាចកាត់ថ្លៃបានទេសម្រាប់ប្រជាជាតិទាំងពីរ។
ក្នុងរយៈពេលប៉ុន្មានឆ្នាំកន្លងមកនេះ ភាគីទាំងពីរបានពង្រីកនិងពង្រឹងទំនាក់ទំនងមិត្តភាពជាប្រពៃណីនិងសមាគ្គីភាពពិសេសនេះ។ កិច្ចសហប្រតិបត្តិការលើគ្រប់វិស័យរវាងបក្សទាំងពីរ រដ្ឋទាំងពីរនិងប្រជាជនវៀតណាមនិងឡាវបានចាត់ទុកដូចជាកត្តាសំខាន់ដើម្បីនាំមកនូវជោគជ័យក្នុងបុព្វហេតុកសាងនិងការពារប្រទេសជាតិ។
ក្នុងអំឡុងពេលកន្លងមកនេះថ្នាក់ដឹកនាំនៃគណបក្សទាំងពីរនិងប្រទេសទាំងពីរបានជួបប្រជុំគ្នាជាទៀងទាត់ ការផ្លាស់ប្តូរគណៈប្រតិភូគ្រប់ជាន់ថ្នាក់ត្រូវបានរក្សាជាប្រចាំ។ បណ្តាប្រតិភូនៃគណៈកម្មាធិការបក្ស ក្រសួង ស្ថាប័ន ផ្នែកសាខារដ្ឋសភា គណៈកម្មាធិការរណសិរ្ស អង្គការមហាជននិងមូលដ្ឋាននៃប្រទេសទាំងពីរបានមកបំពេញទស្សនកិច្ចទៅវិញទៅមក ដើម្បីចែករំលែកបទពិសោធន៍អំពីការកសាងបក្សនិងការអភិវឌ្ឍប្រព័ន្ធនយោបាយ អភិវឌ្ឍសេដ្ឋកិច្ច -សង្គម ថែមទាំងការធ្វើ សមាហរណកម្មអន្តរជាតិ ក៏ដូចជាបណ្តាវិស័យសំខាន់ ផងដែរ
ប្រទេសឡាវគាំទ្រយ៉ាងសកម្ម នៅពេលដែលប្រទេសវៀតណាមចូលកាន់តំណែងជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខនៃអង្គការសហប្រជាជាតិ និងទទួលតួនាទីជាប្រធានអាស៊ាន ២០២០ ។
កិច្ចសហប្រតិបត្តិការបានអនុវត្តន៍យ៉ាងប្រសិទ្ធភាព
កិច្ចសហប្រតិបត្តិការខាងសេដ្ឋកិច្ច វប្បធម៌ អប់រំ បណ្តុះបណ្តាល និងបច្ចេកវិទ្យា បច្ចេកទេសមានការរីកចម្រើនយ៉ាងសកម្ម។ ភាគីទាំងពីរបានអនុវត្តន៍បណ្តាកិច្ចព្រមព្រៀងរវាងរដ្ឋាភិបាលនៃប្រទេសទាំងពីរ និងបណ្តាខ្លឹមសារនៃសេចក្តីកំណត់ហេតុរបស់ស័យប្រជុំលើកទី ៤១ នៃគណៈកម្មាធិការអន្តររដ្ឋាភិបាលវៀតណាម -ឡាវ ( នាខែមករា ឆ្នាំ២០១៩)។
ទន្ទឹមនឹងនេះ បណ្តាតំបន់ ផ្នែកនៃប្រទេសវៀតណាបន្តជួយឧត្ថម្ភប្រទេសឡាវទឹកប្រាក់ចំនួន ២០០ ពាន់លានដុង។ នាឆ្នាំ២០១៩ គម្រោងជំនួយជាសម្រេចបានប្រមាណ ៥ ដែលទទួលគុណភាពនិង ដាក់ឱ្យប្រើប្រាស់ជាផ្លូវការ។ បើកគម្រោងថ្មីចំនួន ២ ។ ក្រៅពីនេះសំណង់ រដ្ឋសភាឡាវកំពុងអនុវត្តយ៉ាងសកម្ម ដើម្បីសម្ពោធន៍និងដាក់ឲ្យប្រើប្រាស់តាមផែនការ។
កិច្ចសហប្រតិត្តិការរវាងបណ្តាតំបន់ដែលជាប់នឹងព្រំដែនបន្តបង្កើន ជាពិសេសគឺការកសាងហេដ្ឋារចនាសម្ព័ន្ធ ការថែទាំសុខភាព ការបណ្តុះបណ្តាលនិងការអភិវឌ្ឍធនធានមនុស្ស ធានាសន្តិសុខ សណ្តាប់ធ្នាប់និងសុវត្ថិភាពនៅ តំបន់ព្រំដែននៃប្រទេសទាំងពីរ។
ភាគីទាំងពីរបន្តពង្រឹងកិច្ចសហប្រតិបត្តិការ បង្កលក្ខណៈងាយស្រួលសម្រាប់សហគមន៍វៀតណាមនៅប្រទេសឡាវ និងប្រជាជនឡាវរស់នៅប្រទេសវៀតណាម ។ នាបច្ចុប្បន្ននេះ ជនជាតិវៀតណាម បានបង្កើតសមាគមវៀតណាម នៅ ១២/១៨ ខេត្ត / ក្រុង នៅប្រទេសឡាវ ... / ។
(ប្រែសម្រូលដោយវិច្ឆិកា)
មតិពីមិត្តអ្នកអាន