Trending now

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយអនុរដ្ឋមន្ត្រី និងជាប្រធានអគ្គសេនាធិការនៃកងទ័ពប្រជាជនវៀតណាម

18:11 | 30/10/2019 (ប្រភព៖ FB សម្តេច ហ៊ុនសែន)

យុគសម័យ - នៅវិមានសន្តិភាព នារសៀលថ្ងៃ ទី ៣០ ខែតុលា ឆ្នាំ២០១៩នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយ​ ឯកឧត្តម Phan Van Giang អនុរដ្ឋមន្ត្រី និងជាប្រធានអគ្គសេនាធិការនៃកងទ័ពប្រជាជនវៀតណាម។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយ​ ឯកឧត្តម Phan Van Giang អនុរដ្ឋមន្ត្រី និងជាប្រធានអគ្គលេខាធិការនៃកងទ័ពប្រជាជនវៀតណាម

ក្នុងជំនួបនេះ ឯកឧត្តម Phan Van Giang បានគោរពជម្រាបជូន​ សម្ដេចតេជោនាយករដ្ឋមន្ត្រីដោយបានពាំនាំនូវពាក្យផ្ដាំផ្ញើសួរសុខទុក្ខពី​ ឯកឧត្តមនាយករដ្ឋមន្ត្រីនៃប្រទេសវៀតណាម ជូនចំពោះសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្តម​ ក៏បានរាយការណ៍ជូនសម្ដេចតេជោថា ឯកឧត្តមនឹងជួបពិភាក្សាការងារជាមួយនឹង​ ឯកឧត្តម វង្ស ពិសេន នៅថ្ងៃស្អែកនេះ ហើយក៏បានជម្រាបជូនសម្ដេចតេជោ ពីកិច្ចសហប្រតិបត្តិការរវាងក្រសួងការពារជាតិកម្ពុជា និងក្រសួងការពារជាតិវៀតណាម គឺបានប្រព្រឹត្តទៅយ៉ាងល្អប្រសើរដូចជាលើការរៀបចំសមយុទ្ធពេលដែលមានគ្រោះមហន្តរាយ ដែលនឹងប្រព្រឹត្តទៅនៅខែ១២ខាងមុខ បញ្ហាសន្តិសុខ ការថែរក្សាសន្តិសុខ និងសណ្ដាប់ធ្នាប់តាមព្រំដែន និងការស្វែងរកអដ្ឋិធាតុ រួមជាមួយនឹងការហ្វឹកហាត់បណ្ដុះបណ្ដាលនាយទាហានយោធាជាដើម។

ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណចំពោះការផ្ដាំផ្ញើរសួរសុខទុក្ខពីសំណាក់នាយករដ្ឋមន្ត្រីនៃប្រទេសវៀតណាម ហើយសម្ដេចក៏បានសំដែងអំណរគុណចំពោះរបាយការណ៍ដែលបានលើកឡើងក្នុងជំនួបនេះ។ សម្ដេច តេជោ​ ក៏បានសម្ដែងនូវក្តីរីករាយផងដែរ ដែលបានដឹងពីទំនាក់ទំនងរវាងវិស័យកងទ័ពនៃប្រទេសទាំងពីរនារយៈពេលកន្លងមក រហូតដល់ពេលបច្ចុប្បន្នដែលទំនាក់ទំនងនេះបាននាំនូវផលប្រយោជន៍ជូនដល់ប្រជាជនដែលកំពុងរស់នៅតាមព្រំដែនផងដែរ។ ចំពោះការរៀបចំសមយុទ្ធសង្គ្រោះពេលមានគ្រោះមហន្តរាយវិញនោះ សម្តេចតេជោបានមានប្រសាសន៍ថា នេះជាការអនុវត្តមួយដែលផ្ដល់នូវផលប្រយោជន៍ដល់ប្រជាជននៃប្រទេសទាំងពីរនៅពេលដែលមានគ្រោះមហន្តរាយកើតមានឡើងដូចជាភ្លើងឆេះព្រៃ និងទឹកជំនន់ជាដើម។ ដូច្នេះការអនុវត្តសមយុទ្ធនេះ គឺកងទ័ពកម្ពុជាត្រូវចូលទៅកាន់ទឹកដីវៀតណាម ហើយកងទ័ពវៀតណាមត្រូវចូលមកកាន់ទឹកដីកម្ពុជា ដើម្បីជៀសវាងដល់ការយល់ច្រឡំគ្នា នឹងធ្វើឲ្យមានការយល់ដឹងដោយទូលំទូលាយផងដែរ។

ទិដ្ឋភាពនៃជំនួប

សម្ដេចតេជោ បានផ្ដល់អនុសាសន៍ ឲ្យមានសកម្មភាពមនុស្សធម៌ក្នុងសមយុទ្ធនេះ គឺភាគីកម្ពុជាអាចចូលទៅព្យាបាលប្រជាជនវៀតណាម ហើយប្រជាជនវៀតណាម អាចចូលមកព្យាបាលនៅក្នុងប្រទេសកម្ពុជា ដើម្បីត្រៀមនៅពេលដែលមានគ្រោះមហន្តរាយ ហើយក៏អាចជំរុញឱ្យមានកម្មវិធី​ កីឡា សិល្បៈ ផងដែរ។ សំខាន់ជាងនេះគឺធ្វើយ៉ាងណាបន្តកិច្ចសហប្រតិបត្តិការដែលមានស្រាប់ និងជំរុញបង្កលក្ខណៈណាឲ្យប្រជាជននៃប្រទេសទាំងពីរអាចប្រកបអាជីវកម្មតាមព្រំដែនបានដោយងាយស្រួលផងដែរ៕

(ប្រភព៖ FB សម្តេច ហ៊ុនសែន)

(ប្រភព៖ FB សម្តេច ហ៊ុនសែន)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់