បញ្ជាការដា្ឋនកងទ័ពការពារព្រំដែនខេត្ត Dong Thap ចុះហត្ថលេខាលើកិច្ចសហប្រតិបត្តិការលើកិច្ចការការពារព្រំដែនជាមួយស្នងការនគបាលខេត្តព្រៃវែង

នាថ្ងៃទី២៨ ខែឧសភា ឆ្នាំ២០១៨ នៅទីក្រុងព្រៃវែង ខេត្តព្រៃវែងនៃព្រះរាជាណាចក្រកម្ពុជា បញ្ជាការដា្ឋនកងទ័ពការពារព្រំដែនខេត្ត Dong Thap នៃប្រទេសវៀតណាម​​​ និងស្នងការដ្ឋាននគបាលខេត្តព្រៃវែង នៃប្រទេសកម្ពុជា បានបើកកិច្ចប្រជុំបូកសុបកិច្ចសហប្រតិបត្តិការ ឆ្នាំ២០១៨ និងចុះហត្ថលេខាលើកំណត់ហេតុនៃកិច្ចព្រមព្រៀងលើការរក្សសន្តិសុខ សណ្តាប់ធ្នាប់សង្គមនៅតាមតំបន់ជាប់ព្រំដែន នា ឆ្នាំ២០១៩។ គណៈប្រតិភូននៃបញ្ជាការដា្ឋនកងទ័ពការពារព្រំដែនខេត្ត Dong Thap ដឹកនាំដោយលោកវរៈសេនីយ៌ឯក Le Van Luan ជាមេបញ្ជាការធ្វើជាប្រធានគណៈប្រតិភូ ចំពោគណៈប្រតិភូនៃស្នងការដ្ឋាននគរបាលខេត្តព្រៃវែង ដឹកនាំដោយលោកឧត្តមសេនីយ៌ទោ ព្រំ សានធរ ប្រធានស្នងការនគបាលខេត្តព្រវែង ជាប្រធានគណៈប្រតិភូ​។

ទិដ្ឋភាពនៃកិច្ចប្រជុំ (រូបថត Phu Quy)

នៅឯកិច្ចប្រជុំនេះ បានវាយតម្លៃថ សម្រាប់កិច្ចការក្នុង ឆ្នាំ២០១៨នេះ បញ្ជាការដា្ឋនកងទ័ពការពារព្រំដែនខេត្ត Dong Thap បានសហការគ្នាយ៉ាងសកម្មជាមួយអាជ្ញាធរ និងកងកម្លាំងការពារព្រំដែននៃខេត្តព្រៃវែង ក្នុងការការពារអធិបតេយ្យភាព សន្តិសុខនៅតាមតំបន់ព្រំដែន។ ជាក់ស្តែងភាគីទាំងពីរបានផ្សព្វផ្សាយឲ្យប្រជាជនពីបណ្តាសន្ធិសញ្ញា និងបញ្ញាត្តិ ការកំណត់អំពីព្រំដែនវៀតណាម-កម្ពុជា។ ផ្សព្វផ្សាយអំពីការបង្ការ ប្រឆាំងបទល្មើស ការជួញដូរគ្រឿងញៀន និងការជួញដូរមនុស្សជាដើម។

ក្រៅពីនោះ នាឆ្នាំ២០១៨​ បញ្ជាការដា្ឋនកងទ័ពការពារព្រំដែនខេត្ត Dong Thap បានជួយឧបត្ថម្ភស្នងការដ្ឋាននគរបាលខេត្តព្រៃវែង និងវរៈសេនាតូច លេខ ៦០៧ នៃនគរបាលការពារព្រំដែនទឹកប្រាក់ចំនួន ៣០០​លានដុង និងកុំព្យូទ័រចំនួន ០១គ្រឿង និងម៉ាស៊ីនព្រិនធ័រចំនួន ០១​គ្រឿង រួមទាំងអង្ករចំនួយមួយតោន ដើម្បីបម្រើការការងារ និងការជួសជុលទីស្នាក់ការ។ បណ្តាប៉ុសិ៍្តការពារព្រំដែនខេត្ត Dong Thap ក៏បានជួយឧបត្ថម្ភបណ្តាប៉ុស្តិ៍នគរបាលការពារព្រំដែននៅទល់មុខរបស់ភាគីកម្ពុជា នូវទឹកប្រាក់ចំនួន​ ៩៥លានដុង ដើម្បីបំរើការងារ។

អង្គភាពទាំងពីរ បានចុះហត្ថលេខាលើកំណត់ហេតុនៃកិច្ចសហប្រតិបត្តិការឆ្នាំ២០១៩ (រូបថត Phu Quy)

នៅក្នុងកិច្ចប្រជុំនេះ ភាគីទាំងពីរបានវាយតម្លៃខ្ពស់លទ្ធផលនៃការសហការគ្នា អនុវត្តការថែរក្សាសន្តិសុខ សណ្តាប់ធ្នាប់សង្គមនៅតាមតំបន់ព្រំដែនក្នុងឆ្នាំ២០១៨ ព្រមទាំងបានឯកភាពគ្នាលើទិសដៅ ភារកិច្ច និងចុះហត្ថលេខាលើកំណត់ហេតុនៃកិច្ចព្រមព្រៀង នាឆ្នាំ២០១៩​។ ទន្ទឹមនឹងនោះរួមសហការគ្នាទប់ស្កាត់រាល់បទល្មើសនៅតាមតំបន់ព្រំដែននៃប្រទេសទាំងពីរ ការពារអធិបតេយ្យភាព សន្តិសុខនៅព្រំដែន ទប់ស្កាត់ការឆ្លងដែនខុសច្បាប់។ ថែរក្សាសន្តិសុខ សណ្តាប់ធ្នាប់សង្គមនៅតាមតំបន់ព្រំដែន បង្កលក្ខណៈងាយស្រួលសម្រោប់ឲ្យប្រជាជនសងខាង បានធ្វើដំណើរ សាកសួរសុខទុក្ខសាច់ញាតិ ដោះដូរទំនិញ និងព្យាបាលជំងឺ៕

（បកប្រែដោយសំណាង）

（បកប្រែដោយសំណាង）