យុគសម័យ - សេចក្តីសម្រេចចិត្តចំនួនពីរបឋមដែលត្រូវបានក្រុមប្រឹក្សាប្រជាជនរដ្ឋធានី Ha Noi អនុម័ត សំដៅដោះស្រាយបញ្ហាសេសសល់នានាពាក់ព័ន្ធនឹងដីធ្លី សណ្តាប់ធ្នាប់សំណង់ និងកែលម្អលក្ខខណ្ឌលំនៅឋានសម្រាប់ប្រជាពលរដ្ឋ ព្រមទាំងដាក់ចេញនូវតម្រូវការចាត់ការយ៉ាងម៉ឺងម៉ាត់ចំពោះការរំលោភបំពាន ដោយផ្សារភ្ជាប់នឹងការធានាសន្តិសុខសង្គម។
 |
| រដ្ឋធានី Ha Noi ចាត់ការការរំលោភបំពានលើការសាងសង់ ធានាសិទ្ធិផលប្រយោជន៍របស់ប្រជាពលរដ្ឋ។ |
ការដោះស្រាយការបំពាននានានៅតាមសំណង់ចំនួន ១២ របស់សម្ព័ន្ធក្រុមហ៊ុន Muong Thanh គឺជាបញ្ហាមួយក្នុងចំណោមបញ្ហាដ៏ស្មុគស្មាញនៅក្នុងការងារគ្រប់គ្រងទីក្រុងនៅ Ha Noi។ ទោះបីជាការរំលោភបំពានសណ្តាប់ធ្នាប់សំណង់ត្រូវបានស្ថាប័នមានសមត្ថកិច្ចកំណត់តាំងពីច្រើនឆ្នាំមុនក៏ដោយ ដំណើរការកែលម្អនៅតែជួបប្រទះការលំបាក ដោយសារតែពាក់ព័ន្ធដោយផ្ទាល់ទៅនឹងសិទ្ធិផលប្រយោជន៍របស់ក្រុមគ្រួសារប្រជាពលរដ្ឋរាប់ពាន់គ្រួសារដែលបានទិញផ្ទះ និងរស់នៅប្រកបដោយស្ថិរភាព។
ជាក់ស្តែង ការងារនេះទាមទារឱ្យការចាត់ការត្រូវផ្អែកលើលក្ខណៈពិសេសនៃសំណង់នីមួយៗ ផ្ទៃក្រឡារំលោភបំពាននីមួយៗ ដោយធានានូវភាពម៉ឺងម៉ាត់នៃច្បាប់ ប៉ុន្តែក៏កាត់បន្ថយផលប៉ះពាល់ធំធេងដល់ជីវភាពរស់នៅរបស់ប្រជាពលរដ្ឋផងដែរ។
សំដៅដោះស្រាយការជាប់គាំង នៅក្នុងសម័យប្រជុំលើកទី ៧ ក្រុមប្រឹក្សាប្រជាជនរដ្ឋធានី Ha Noi នីតិកាលទី ១៧ បានអនុម័តសេចក្តីសម្រេចចិត្តកំណត់យន្តការ គោលនយោបាយពិសេស និងវិធានការកែលម្អផលវិបាកចំពោះការរំលោភបំពានដីធ្លី សណ្តាប់ធ្នាប់សំណង់ ផ្សារភ្ជាប់នឹងការជួសជុល កែលម្អទីក្រុងនៅតាមគម្រោងលំនៅឋានមួយចំនួន។
យោងតាមសេចក្តីសម្រេចចិត្ត សំណង់ និងផ្នែកសំណង់រំលោភបំពាន នឹងត្រូវបានត្រួតពិនិត្យ ធ្វើចំណាត់ថ្នាក់ ដើម្បីកំណត់វិធីសាស្ត្រចាត់ការ។ ផ្នែកសំណង់ដែលមិនគ្រប់លក្ខខណ្ឌត្រូវតែរុះរើចេញ ចំពោះករណីដែលត្រូវបានពិចារណាឱ្យនៅមានលក្ខខណ្ឌ ត្រូវតែឆ្លើយតបទៅនឹងតម្រូវការស្តីពីសុវត្ថិភាព ផែនការមេ ហេដ្ឋារចនាសម្ព័ន្ធ និងអនុវត្តកាតព្វកិច្ចកែលម្អឱ្យបានពេញលេញតាមបទប្បញ្ញត្តិ។
ចំពោះប្រជាពលរដ្ឋដែលត្រូវផ្លាស់ប្តូរទីលំនៅ គោលនយោបាយបានកំណត់ការសងជំងឺចិត្ត ការឧបត្ថម្ភកន្លែងស្នាក់នៅ ករណីដែលគ្រប់លក្ខខណ្ឌអាចត្រូវបានផ្តល់អាទិភាពក្នុងការទិញ ឬជួលទិញលំនៅឋានសង្គមកិច្ចដោយមិនបាច់ចាប់ឆ្នោត។ ចំណែកក្រុមគ្រួសារដែលមិនចាំបាច់ផ្លាស់ប្តូរទីលំនៅ នឹងមិនត្រូវទទួលរងចំណាយដែលកើតឡើងពីការចាត់ការការរំលោភបំពានរបស់ម្ចាស់គម្រោងវិនិយោគឡើយ។
ក្នុងថ្ងៃទី ២៨ ខែតុលា ដដែល ក្រុមប្រឹក្សាប្រជាជនរដ្ឋធានី Ha Noi ក៏បានអនុម័តសេចក្តីសម្រេចចិត្តបង្កើតលក្ខខណ្ឌឱ្យប្រជាពលរដ្ឋដែលជួបការលំបាកខាងលំនៅឋាននៅតំបន់សង្កាត់ចាស់ បុរាណ អាចទិញ ជួលទិញលំនៅឋានសង្គមកិច្ចដោយមិនបាច់ចាប់ឆ្នោត។
ចំពោះមុខ គោលនយោបាយនេះត្រូវបានផ្តល់ជូនក្រុមគ្រួសារដែលបានចុះឈ្មោះស្នាក់នៅអចិន្ត្រៃយ៍ និងជាក់ស្តែងកំពុងរស់នៅក្នុងតំបន់សង្កាត់ចាស់ បុរាណ ចំណុះសង្កាត់ Hoan Kiem មុនពេលអនុម័តសេចក្តីសម្រេចចិត្ត មានផ្ទៃក្រឡាលំនៅឋានជាមធ្យមក្រោម ៥ ម៉ែត្រការ៉េផ្ទៃក្រឡា/ម្នាក់ ចុះឈ្មោះដោយស្ម័គ្រចិត្ត ត្រូវបានស្ថាប័នមានសមត្ថកិច្ចអនុម័ត និងបំពេញតាមលក្ខខណ្ឌនានាស្របតាមច្បាប់ស្តីពីលំនៅឋាន។
រដ្ឋធានី Ha Noi គ្រោងនឹងរៀបចំយ៉ាងច្រើនបំផុត ៩០២ ខុនដូសម្រាប់គោលនយោបាយនេះ ក្នុងនោះមានប្រមាណ ៥៥២ ខុនដូនៅតាមគម្រោងចំនួន ៩ ក្នុងឆ្នាំ ២០២៦ និងបន្តអនុវត្តក្នុងឆ្នាំ ២០២៧។ ការរៀបចំលំនៅឋានសង្គមកិច្ច សំដៅកែលម្អលក្ខខណ្ឌរស់នៅរបស់ក្រុមគ្រួសារក្រីក្រ ព្រមទាំងកាត់បន្ថយសម្ពាធប្រជាជន ហេដ្ឋារចនាសម្ព័ន្ធ បង្កើតលក្ខខណ្ឌអំណោយផលដល់ការងារកែលម្អ និងអភិរក្សបេតិកភណ្ឌទីក្រុង។
ទោះបីជាតម្រង់ទិសដៅទៅរកក្រុមបញ្ហាពីរផ្សេងគ្នាក៏ដោយ សេចក្តីសម្រេចចិត្តទាំងឡាយសុទ្ធតែបានដាក់ចេញនូវគោលដៅពង្រឹងវិន័យនៅក្នុងការគ្រប់គ្រងទីក្រុង និងធានាសិទ្ធិផលប្រយោជន៍ស្របច្បាប់របស់ប្រជាពលរដ្ឋ។ ដំណើរការអនុវត្តត្រូវតែប្រព្រឹត្តទៅដោយបើកចំហ តម្លាភាព កំណត់ឱ្យបានច្បាស់លាស់នូវការទទួលខុសត្រូវ វឌ្ឍនភាពនៃការកែលម្អការរំលោភបំពានរបស់ម្ចាស់គម្រោងវិនិយោគ ព្រមទាំងគ្រប់គ្រងឱ្យបានតឹងរ៉ឹងនូវមុខសញ្ញាដែលទទួលបានផលប្រយោជន៍ពីគោលនយោបាយលំនៅឋានសង្គមកិច្ច ធានាឱ្យបានត្រឹមត្រូវតាមលក្ខខណ្ឌ និងទប់ស្កាត់ការកេងចំណេញពីផលប្រយោជន៍៕
 រដ្ឋធានីហាណូយទទួលបានពានរង្វាន់ «ទីក្រុងម្ហូបអាហាឈានមុខគេលើពិភពលោក» និង «ទីក្រុងធ្វើម្ហូបឈានមុខគេនៅអាស៊ី» យុគសម័យ - ពានរង្វាន់ម្ហូបអាហារពិភពលោកលើកទី៥បានប្រកាសជាផ្លូវការនូវបញ្ជីពានរង្វាន់ឆ្នាំ២០២៤។ រដ្ឋធានីហាណូយទទួលបានពានរង្វាន់ចំនួន២ “ទីក្រុងធ្វើម្ហូបឈានមុខគេលើពិភពលោក” និង “ទីក្រុងធ្វើម្ហូបឈានមុខគេនៅអាស៊ី”។ |
 ទីក្រុងហាណូយ ដែលជារដ្ឋធានី ជាមួយនឹងបេសកកម្មត្រួសត្រាយរបស់ខ្លួន បានត្រៀមខ្លួនរួចជាស្រេចដើម្បីសម្រេចចក្ខុវិស័យនៃសមាជបក្សលើកទី ១៤ យុគសម័យ - ក្នុងឱកាសបើកសមាជជាតិលើកទី១៤ របស់បក្សកុម្មុយនិស្តវៀតណាមនៅទីក្រុង Ha Noi លោក Nguyen Duy Ngoc សមាជិកការិយាល័យនយោបាយ និងជាលេខាធិការគណៈកម្មាធិការបក្សទីក្រុងហាណូយ បានផ្តល់បទសម្ភាសន៍អំពីសមិទ្ធផលលេចធ្លោរបស់ទីក្រុងហាណូយក្នុងអាណត្តិកន្លងមក ព្រមទាំងបញ្ជាក់ពីការទទួលខុសត្រូវនយោបាយដ៏ត្រួសត្រាយផ្លូវរបស់រដ្ឋធានីក្នុងការអនុវត្ត និងធ្វើឱ្យចក្ខុវិស័យ និងទិសដៅយុទ្ធសាស្ត្ររបស់គណៈកម្មាធិការកណ្តាលកាន់តែច្បាស់លាស់។ ដោយមានបាវចនា “វិន័យ វិជ្ជាជីវៈ - ទម្លាយភាពច្នៃប្រឌិត - ប្រសិទ្ធភាព និរន្តរភាព” ទីក្រុងហាណូយប្តេជ្ញាធ្វើសកម្មភាពយ៉ាងខ្លាំងក្លា លើកកម្ពស់តួនាទីកណ្តាល និងដឹកនាំរបស់ខ្លួន បង្កើតមូលដ្ឋានគ្រឹះ និងកម្លាំងចលករសម្រាប់ការអភិវឌ្ឍប្រទេសជាតិក្នុងយុគសម័យថ្មី។ |
មតិពីមិត្តអ្នកអាន