ដើម្បីឱ្យប្រភពធនធានបារាំងបន្តរួមចំណែកកម្លាំងកាយចិត្តដល់វៀតណាម

នៅក្នុងសំបុត្រ ឯកអគ្គរដ្ឋទូត Olivier Brochet បានវាយតម្លៃថា ក្នុងប៉ុន្មានឆ្នាំចុងក្រោយនេះ វៀតណាមសម្រេចបាននូវការវិវឌ្ឍគួរឱ្យកត់សម្គាល់លើការអភិវឌ្ឍសេដ្ឋកិច្ច - សង្គម ការបើកចំហអន្តរជាតិ និងការកែលម្អលក្ខខណ្ឌរស់នៅរបស់ប្រជាពលរដ្ឋ។ តាមលោក លទ្ធផលទាំងនេះគឺជាសមិទ្ធផលកើតចេញពីការខិតខំប្រឹងប្រែងរបស់ប្រព័ន្ធនយោបាយវៀតណាមទាំងមូល សហភាពបណ្តាអង្គការមិត្តភាពវៀតណាមបានរួមចំណែកយ៉ាងសំខាន់ទៅក្នុងការខិតខំប្រឹងប្រែងរួមនោះ តាមរយៈសកម្មភាពកិច្ចការបរទេសប្រជាជន និងការពង្រឹងទំនាក់ទំនងមិត្តភាពជាមួយបណ្តាដៃគូអន្តរជាតិ។

ឯកអគ្គរដ្ឋទូតក៏បានលើកឡើងអំពីទំនាក់ទំនងសហប្រតិបត្តិការយ៉ាងជិតស្និទ្ធ និងយូរអង្វែងរវាងស្ថានទូតបារាំងប្រចាំនៅវៀតណាម និងសមាគមមិត្តភាព និងសហប្រតិបត្តិការវៀតណាម - បារាំង ដែលជាអង្គការសមាជិករបស់សហភាពបណ្តាអង្គការមិត្តភាពវៀតណាម។ កិច្ចសហប្រតិបត្តិការនេះគឺសំដៅអភិវឌ្ឍបណ្តាញដៃគូបារាំង - វៀតណាម និងជួយគាំទ្រដល់ការផ្លាស់ប្តូររវាងប្រទេសទាំងពីរក្នុងវិស័យវប្បធម៌ សុខាភិបាល អប់រំ និងយុវជន។

ឯកអគ្គរដ្ឋទូតបារាំងប្រចាំនៅវៀតណាម Olivier Brochet អញ្ជើញទៅទស្សនារោងជាងកាត់ដេរ Ngok Bay ដែលជាទីកន្លែងស្ត្រីវ័យក្មេងចំនួន ២៥ នាក់ត្រូវបានបណ្តុះបណ្តាលវិជ្ជាជីវៈកាត់ដេរ នៅ Kon Tum ខែកក្កដា ឆ្នាំ ២០២៦។

យោងតាមសំបុត្រ ស្ថានទូតបារាំង និងសមាគមមិត្តភាព និងសហប្រតិបត្តិការវៀតណាម - បារាំង ក៏បានរួមគ្នាខិតខំប្រឹងប្រែងជំរុញគោលដៅនៃសេចក្តីសម្រេចចិត្តលេខ ៥៧ ស្តីពីការធ្វើឱ្យវិទ្យាសាស្ត្រ និងបច្ចេកវិទ្យាក្លាយជាកម្លាំងចលករនៃកំណើន។ ឯកអគ្គរដ្ឋទូតបានឱ្យដឹងថា នេះក៏ជាស្មារតីដែលភាគីបារាំងមានបំណងចង់បង្ហាញនៅក្នុងដំណើរទស្សនកិច្ចផ្លូវការនាពេលខាងមុខរបស់អគ្គលេខាបក្ស ប្រធានរដ្ឋ To Lam មកកាន់ប្រទេសបារាំង។

លោកក៏បានរំឭកផងដែរអំពីការដែលសមាគមមិត្តភាព និងសហប្រតិបត្តិការវៀតណាម - បារាំង ត្រូវបានបក្ស និងរដ្ឋវៀតណាមបំពាក់គ្រឿងឥស្សរិយយសពលកម្មថ្នាក់លេខពីរ ដោយចាត់ទុកថាការកត់សម្គាល់នេះបានបង្ហាញពីតួនាទីដ៏សំខាន់របស់សមាគមក្នុងការពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរ។

ដោយលើកឡើងអំពីសកម្មភាពរបស់បណ្តាអង្គការមិនមែនរដ្ឋាភិបាលបរទេសនៅវៀតណាម ឯកអគ្គរដ្ឋទូត Olivier Brochet បានឱ្យដឹងថា សហភាពបណ្តាអង្គការមិត្តភាពវៀតណាមមានតួនាទីយ៉ាងសំខាន់ក្នុងការជួយគាំទ្រដល់អង្គការទាំងនេះ ក្នុងនោះមានអង្គការមិនមែនរដ្ឋាភិបាលបារាំងជាង ៥០។

ឯកអគ្គរដ្ឋទូតបារាំងប្រចាំនៅវៀតណាម Olivier Brochet ទូងស្គរ Sam នៅ Van Mieu - Quoc Tu Giam ដើមឆ្នាំ ២០២៦។

«តាមរយៈគម្រោងនានារបស់ខ្លួន បណ្តាអង្គការទាំងនេះកំពុងរួមចំណែកយ៉ាងសកម្មក្នុងការកែលម្អលក្ខខណ្ឌរស់នៅរបស់ប្រជាពលរដ្ឋ ជាពិសេសនៅតំបន់ជនបទ និងតំបន់ជួបការលំបាក» ឯកអគ្គរដ្ឋទូតបានសរសេរ។

លោកបានសម្តែងនូវជំនឿជាក់ថានឹងបន្តទទួលបានការជួយគាំទ្រពីសហភាពបណ្តាអង្គការមិត្តភាពវៀតណាម ដើម្បីឱ្យបណ្តាអង្គការទាំងនេះរក្សាទុកនូវសកម្មភាពក្នុងលក្ខខណ្ឌល្អបំផុត និងបន្តរួមចំណែកដល់ការអភិវឌ្ឍរបស់វៀតណាម។

ស្ត្រីនៅឃុំទាំងពីរ Thanh My និង Ben Giang (Da Nang) ចូលរួមសកម្មភាពលើកកម្ពស់ចំណេះដឹង ជំនាញឌីជីថល នៅក្នុងគម្រោងដែលមានការចូលរួមរបស់ GRET និងការជួយឧបត្ថម្ភហិរញ្ញវត្ថុពីទីភ្នាក់ងារបារាំងសម្រាប់ការអភិវឌ្ឍ (AFD)។

មហាសន្និបាតតំណាងទូទាំងប្រទេសលើកទី VII អាណត្តិ ២០២៦-២០៣១ នៃសហភាពបណ្តាអង្គការមិត្តភាពវៀតណាម នឹងប្រព្រឹត្តទៅនៅថ្ងៃទី ១៤ ខែកញ្ញា ឆ្នាំ ២០២៦ នៅ Ha Noi សំដៅបូកសរុប វាយតម្លៃលើគ្រប់ជ្រុងជ្រោយនូវលទ្ធផលនៃការអនុវត្តសេចក្តីសម្រេចចិត្តនៃមហាសន្និបាតអាណត្តិ ២០១៩-២០២៦ កំណត់ទិសដៅ ភារកិច្ចការងារអាណត្តិ ២០២៦-២០៣១ និងធ្វើឱ្យពេញលេញនូវបុគ្គលិក រចនាសម្ព័ន្ធចាត់តាំង៕

ឯកអគ្គរដ្ឋទូតអូស្ត្រាលី Andrew Goledznowski៖ 'ការមកដល់វៀតណាមជាឯកអគ្គរដ្ឋទូត៖ សុបិនពេញលេញ' យុគសម័យ - កាលពីខែកញ្ញាកន្លងទៅ ឯកអគ្គរដ្ឋទូតអូស្ត្រាលី Andrew John Lech Goledznowski បានបង្ហាញលិខិតសម្គាល់ខ្លួនជូនលោកប្រធានរដ្ឋ Nguyen Xuan Phuc ដែលចាប់ផ្តើមអាណត្តិជាផ្លូវការនៅវៀតណាម។

អ្នកកាសែតអង់គ្លេស៖ «មកដល់វៀតណាមបានវង្វេងក្នុងថានសួគ៌ទេសចរណ៍ និងទទួលទានម្ហូបអាហារ» យុគសម័យ - លោកស្រី Yasemen Kaner-White ជាអ្នកនិពន្ធធ្វើការឱ្យទស្សនាវដ្ដី The Week របស់ចក្រភពអង់គ្លេស បានចំណាយពេលជិត ២ សប្តាហ៍នៅប្រទេសវៀតណាម ដើម្បីមើល ស្តាប់ និងភ្លក់រសជាតិប្លែកៗនៃម្ហូបវៀតណាម និងមកទេសចរទេសភាពនៅ រដ្ឋធានី Ha Noi ទីក្រុងះ Ho Chi Minh និងទីក្រុង Nha Trang។

សុវណ្ណា