វៀតណាម - ឡាវ រុញច្រានកិច្ចសហប្រតិបត្តិការបណ្តុះបណ្តាលកម្មាភិបាល ការស្វែងរក និងការប្រមូលផ្តុំអដ្ឋិធាតុយុទ្ធជនពលី

នាភៀលថ្ងៃទី ០៥ ខែសីហា នៅរាជធានីវៀងចន្ទន៍ ប្រទេសឡាវ នាយឧត្តមសេនីយ៍ ង្វៀន ត្រុងងៀ សមាជិកការិយាល័យនយោបាយ លេខាធិការមជ្ឈិមបក្ស ប្រធានអគ្គស្នងការនយោបាយ បានដឹកនាំគណៈប្រតិភូនយោបាយជាន់ខ្ពស់នៃកងទ័ពប្រជាជនវៀតណាម ចាប់ផ្តើមដំណើរទស្សនកិច្ចផ្លូវការនៅប្រទេសឡាវ។ ឧត្តមសេនីយ៍ឯក វង្សស៊ន អ៊ិនផាន់ភឹម លេខាធិការមជ្ឈិមបក្សប្រជាជនបដិវត្តន៍ឡាវ អនុរដ្ឋមន្ត្រីក្រសួងការពារជាតិ ប្រធានអគ្គស្នងការនយោបាយនៃកងទ័ពប្រជាជនឡាវ បានអធិបតីពិធីបដិសណ្ឋារកិច្ចផ្លូវការ និងធ្វើកិច្ចសន្ទនាជាមួយនាយឧត្តមសេនីយ៍ ង្វៀន ត្រុងងៀ។

នាយឧត្តមសេនីយ៍ ង្វៀន ត្រុងងៀ និង ឧត្តមសេនីយ៍ឯក វង្សស៊ន អ៊ិនផាន់ភឹម ពិនិត្យកងកិត្តិយសនៃកងទ័ពប្រជាជនឡាវ។

នៅក្នុងកិច្ចសន្ទនា ឧត្តមសេនីយ៍ឯក វង្សស៊ន អ៊ិនផាន់ភឹម បានបញ្ជាក់ថា ដំណើរទស្សនកិច្ចបាននាំមកនូវមនោសញ្ចេតនាមិត្តភាពយ៉ាងកក់ក្តៅ ភាពស្អិតរមួត និងទំនុកចិត្តរវាងកងទ័ព ព្រមទាំងប្រជាជននៃប្រទេសទាំងពីរ ជាមួយគ្នានោះបានរួមចំណែកពង្រឹងទំនាក់ទំនងកិច្ចសហប្រតិបត្តិការរវាងអគ្គស្នងការនយោបាយទាំងពីរ។

នាយឧត្តមសេនីយ៍ ង្វៀន ត្រុងងៀ បានវាយតម្លៃថា កិច្ចសហប្រតិបត្តិការការពារជាតិវៀតណាម - ឡាវ ជាទូទៅ និងកិច្ចសហប្រតិបត្តិការរវាងអគ្គស្នងការនយោបាយនៃកងទ័ពប្រជាជននៃប្រទេសទាំងពីរដោយឡែក នានាពេលកន្លងមក កាន់តែមានទំនុកចិត្ត គ្រប់ជ្រុងជ្រោយ និងជាក់ស្តែង ដោយបន្តធ្វើជាសសរទ្រូងយ៉ាងសំខាន់បំផុតមួយនៃទំនាក់ទំនងការពារជាតិទ្វេភាគី។

ភាគីទាំងពីរបានរក្សាយ៉ាងមានប្រសិទ្ធភាពនូវបណ្តាខ្លឹមសារកិច្ចសហប្រតិបត្តិការដូចជា ការឃោសនា ការអប់រំអំពីប្រវត្តិសាស្ត្រ និងតម្លៃនៃទំនាក់ទំនងសាមគ្គីភាពពិសេស វៀតណាម - ឡាវ; ការផ្លាស់ប្តូរគណៈប្រតិភូគ្រប់ថ្នាក់ ជាពិសេសគឺថ្នាក់ជាន់ខ្ពស់; ការចែករំលែកបទពិសោធន៍កិច្ចការបក្ស កិច្ចការនយោបាយ; កិច្ចសហប្រតិបត្តិការគ្រប់គ្រង និងការពារព្រំដែន; ការបណ្តុះបណ្តាលប្រភពធនធានមនុស្ស; ការស្វែងរក ការប្រមូលផ្តុំ និងការធ្វើមាតុភូមិនិវត្តន៍អដ្ឋិធាតុយុទ្ធជនពលីកងទ័ពស្ម័គ្រចិត្ត និងអ្នកជំនាញការវៀតណាមដែលបានពលីជីវិតនៅប្រទេសឡាវ។

នាយឧត្តមសេនីយ៍ ង្វៀន ត្រុងងៀ បានថ្លែងអំណរគុណចំពោះបក្ស រដ្ឋ កងទ័ព អាជ្ញាធរមូលដ្ឋាន និងប្រជាជនឡាវ ដែលបានបន្តបង្កើតលក្ខខណ្ឌងាយស្រួលសម្រាប់ការលាតត្រដាងអនុវត្ត “យុទ្ធនាការ ៥០០ ថ្ងៃយប់ រុញច្រានការអនុវត្តការស្វែងរក ការប្រមូលផ្តុំ និងការកំណត់អត្តសញ្ញាណអដ្ឋិធាតុយុទ្ធជនពលី” ដែលត្រូវបានផ្ដើមឡើងដោយរដ្ឋាភិបាលវៀតណាមចាប់ពីខែមីនា ឆ្នាំ ២០២៦។ នេះគឺជាភារកិច្ចដែលមានអត្ថន័យនយោបាយ សង្គម និងមនុស្សធម៌យ៉ាងស៊ីជម្រៅ ដោយបង្ហាញពីសីលធម៌ “ផឹកទឹកនឹកដល់ប្រភព” នៃប្រជាជាតិវៀតណាម។

កិច្ចសន្ទនារវាងគណៈប្រតិភូនយោបាយជាន់ខ្ពស់នៃកងទ័ពប្រជាជនវៀតណាម និងគណៈប្រតិភូនយោបាយជាន់ខ្ពស់នៃកងទ័ពប្រជាជនឡាវ។

ភាគីទាំងពីរបានផ្លាស់ប្តូរមតិផងដែរអំពីសភាពការណ៍ពិភពលោក និងតំបន់។ អំពីបញ្ហាសមុទ្រខាងកើត នាយឧត្តមសេនីយ៍ ង្វៀន ត្រុងងៀ បានបញ្ជាក់ឡើងវិញនូវជំហរស្ថិតស្ថេររបស់ប្រទេសវៀតណាមគឺ ការរក្សាសន្តិភាព ស្ថិរភាព ធានាសន្តិសុខ សុវត្ថិភាព សេរីភាពនៃការនាវាចរណ៍ និងអាកាសចរណ៍; ការដោះស្រាយបណ្តាការវិវាទដោយវិធានការសន្តិភាពលើមូលដ្ឋានច្បាប់អន្តរជាតិ ជាពិសេសគឺអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ លើកកម្ពស់ការអនុវត្តយ៉ាងពេញលេញនូវសេចក្តីប្រកាសស្តីពីការប្រតិបត្តិរបស់បណ្តាភាគីនៅសមុទ្រខាងកើត និងរុញច្រានការសម្រេចឱ្យបានឆាប់រហ័សនូវក្រមប្រតិបត្តិនៅសមុទ្រខាងកើត ប្រកបដោយប្រសិទ្ធភាព និងប្រសិទ្ធផល។

ឧត្តមសេនីយ៍ឯក វង្សស៊ន អ៊ិនផាន់ភឹម បានបញ្ជាក់ថា បណ្តាលទ្ធផលនៃកិច្ចសហប្រតិបត្តិការរវាងអគ្គស្នងការនយោបាយទាំងពីរនានាពេលកន្លងមក បានរួមចំណែកពង្រឹងកងទ័ពប្រជាជនឡាវ ជាមួយគ្នានោះបានបន្តពូនជ្រុំទំនាក់ទំនងរវាងបក្សទាំងពីរ រដ្ឋទាំងពីរ និងកងទ័ពទាំងពីរ។ ឧត្តមសេនីយ៍ឯក បានសម្តែងនូវការថ្លែងអំណរគុណយ៉ាងស៊ីជម្រៅចំពោះការគាំទ្រ និងការជួយឧបត្ថម្ភយ៉ាងធំធេង និងមានប្រសិទ្ធភាពដែលបក្ស រដ្ឋ កងទ័ព និងប្រជាជនវៀតណាម តែងតែផ្តល់ជូនចំពោះប្រទេសឡាវ។

ភាគីទាំងពីរបានឯកភាពបន្តបង្កើនការផ្លាស់ប្តូរគណៈប្រតិភូគ្រប់ថ្នាក់ ជាពិសេសគឺថ្នាក់ជាន់ខ្ពស់; រុញច្រានកិច្ចសហប្រតិបត្តិការអំពីកិច្ចការបក្ស និងកិច្ចការនយោបាយ; ការឃោសនា និងការអប់រំប្រពៃណីសាមគ្គីភាពពិសេស វៀតណាម - ឡាវ; ការចែករំលែកបទពិសោធន៍កសាងមូលដ្ឋាននយោបាយនៅមូលដ្ឋាន; ការបណ្តុះបណ្តាល និងការបំប៉នកម្មាភិបាល; ការសម្របសម្រួលស្វែងរក ការប្រមូលផ្តុំ និងការធ្វើមាតុភូមិនិវត្តន៍អដ្ឋិធាតុយុទ្ធជនពលីកងទ័ពស្ម័គ្រចិត្ត និងអ្នកជំនាញការវៀតណាមដែលបានពលីជីវិតនៅប្រទេសឡាវនាបណ្តាសម័យកាលសង្គ្រាម។

ឧត្តមសេនីយ៍ឯក វង្សស៊ន អ៊ិនផាន់ភឹម ថ្លែងមតិនៅក្នុងកិច្ចសន្ទនា។

នៅក្នុងក្របខ័ណ្ឌនៃដំណើរទស្សនកិច្ច នាយឧត្តមសេនីយ៍ ង្វៀន ត្រុងងៀ និងគណៈប្រតិភូកម្មាភិបាលនយោបាយនៃកងទ័ពប្រជាជនវៀតណាម ក៏បានអញ្ជើញទៅអុជធូប និងដាក់កម្រងផ្កានៅវិមានរំលឹកគុណបណ្តាវីរយុទ្ធជនពលីនៅរាជធានីវៀងចន្ទន៍។

នាថ្ងៃទី ០៥ ខែសីហា ដដែល នាយឧត្តមសេនីយ៍ ង្វៀន ត្រុងងៀ បានដឹកនាំគណៈប្រតិភូកម្មាភិបាលនយោបាយនៃកងទ័ពប្រជាជនវៀតណាម អញ្ជើញចូលជួបសម្តែងការគួរសមជាមួយ នាយឧត្តមសេនីយ៍ ខាំលៀង អ៊ូថៈកៃសន សមាជិកការិយាល័យនយោបាយនៃបក្សប្រជាជនបដិវត្តន៍ឡាវ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិឡាវ។

សម្តែងនូវការស្វាគមន៍យ៉ាងកក់ក្តៅចំពោះដំណើរទស្សនកិច្ច នាយឧត្តមសេនីយ៍ ខាំលៀង អ៊ូថៈកៃសន បានបញ្ជាក់ថា នេះគឺជាសកម្មភាពដែលមានអត្ថន័យយ៉ាងសំខាន់ ដោយរួមចំណែកពូនជ្រុំទំនាក់ទំនងមិត្តភាពដ៏មហិមា សាមគ្គីភាពពិសេស កិច្ចសហប្រតិបត្តិការគ្រប់ជ្រុងជ្រោយ និងការភ្ជាប់ទំនាក់ទំនងយុទ្ធសាស្ត្ររវាងបក្សទាំងពីរ រដ្ឋទាំងពីរ កងទ័ពទាំងពីរ និងប្រជាជននៃប្រទេសទាំងពីរ។

នាយឧត្តមសេនីយ៍ ង្វៀន ត្រុងងៀ បានបញ្ជាក់ថា នៅក្នុងគ្រប់កាលៈទេសៈទាំងអស់ ប្រទេសវៀតណាមតែងតែយកចិត្តទុកដាក់ រក្សា និងពង្រីកឥតឈប់ឈរនូវទំនាក់ទំនងពិសេស ស្មោះស្ម័គ្រ និងរឹងមាំរវាងវៀតណាម - ឡាវ។ កិច្ចសហប្រតិបត្តិការរវាងកងទ័ពនៃប្រទេសទាំងពីរ បន្តត្រូវបានថ្នាក់ដឹកនាំជាន់ខ្ពស់នៃប្រទេសទាំងពីរកំណត់ថាជាសសរទ្រូងយ៉ាងសំខាន់មួយនៃទំនាក់ទំនងវៀតណាម - ឡាវ ដែលជា “លក្ខណៈពិសេសនៃលក្ខណៈពិសេស”។ ជាមួយគ្នានោះ ការផ្លាស់ប្តូរមិត្តភាពការពារជាតិព្រំដែន វៀតណាម - ឡាវ លើកទី ៣ ដែលបានរៀបចំឡើងនាខែកក្កដា ឆ្នាំ ២០២៦ បានសម្រេចជោគជ័យយ៉ាងល្អប្រសើរ ដោយត្រូវបានថ្នាក់ដឹកនាំជាន់ខ្ពស់វាយតម្លៃខ្ពស់ និងបង្កើតបាននូវស្នាមញញឹម ព្រមទាំងចំណាប់អារម្មណ៍យ៉ាងវិជ្ជមានចំពោះអាជ្ញាធរ និងប្រជាជននៅតំបន់ព្រំដែន។

នាយឧត្តមសេនីយ៍ ង្វៀន ត្រុងងៀ ខាងឆ្វេងបង្អោល និង នាយឧត្តមសេនីយ៍ ខាំលៀង អ៊ូថៈកៃសន។

ក្នុងការជម្រាបជូនដល់រដ្ឋមន្ត្រីក្រសួងការពារជាតិឡាវ អំពីលទ្ធផលនៃកិច្ចសន្ទនារវាងអគ្គស្នងការនយោបាយនៃកងទ័ពប្រជាជននៃប្រទេសទាំងពីរនាពេលមុននោះក្នុងថ្ងៃដដែល នាយឧត្តមសេនីយ៍ ង្វៀន ត្រុងងៀ ក៏បានពាំនាំនូវពាក្យអញ្ជើញរបស់ នាយឧត្តមសេនីយ៍ ផាន វ៉ាន់យ៉ាង រដ្ឋមន្ត្រីក្រសួងការពារជាតិវៀតណាម ដែលបានអញ្ជើញគណៈប្រតិភូជាន់ខ្ពស់ក្រសួងការពារជាតិ អគ្គស្នងការនយោបាយនៃកងទ័ពប្រជាជនឡាវ និងបណ្តាសហគ្រាសការពារជាតិឡាវ ឱ្យចូលរួម និងដាក់តាំងបង្ហាញផលិតផលនៅក្នុងពិព័រណ៍ការពារជាតិអន្តរជាតិវៀតណាមលើកទី ៣ ដែលគ្រោងនឹងប្រព្រឹត្តទៅនៅរដ្ឋធានីហាណូយ នាសីហា ឆ្នាំ ២០២៦។

ដោយវាយតម្លៃខ្ពស់ចំពោះលទ្ធផលនៃកិច្ចសន្ទនារវាងអគ្គស្នងការនយោបាយទាំងពីរ នាយឧត្តមសេនីយ៍ ខាំលៀង អ៊ូថៈកៃសន បានឯកភាពជាមួយនឹងទិសដៅកិច្ចសហប្រតិបត្តិការនានាពេលខាងមុខ និងបានចាត់ទុកថា នៅចំពោះមុខបណ្តាការវិវត្តយ៉ាងសមុគស្មាញនៃសភាពការណ៍ពិភពលោក និងតំបន់ ភាគីទាំងពីរត្រូវតែបន្តសាមគ្គីភាព ឈរក្បែរគ្នានិងប្រកៀកស្មា បង្កើនការអប់រំនយោបាយ ការឃោសនា ដើម្បីឱ្យកម្មាភិបាល យុទ្ធជន ជាពិសេសគឺជំនាន់វ័យក្មេង យល់ដឹងកាន់តែស៊ីជម្រៅបន្ថែមទៀតអំពីប្រវត្តិសាស្ត្រ អត្ថន័យ និងតម្លៃនៃទំនាក់ទំនងមិត្តភាពដ៏មហិមា សាមគ្គីភាពពិសេស វៀតណាម - ឡាវ៕

វៀតណាម និងឡាវ ប្រគល់ទទួលឯកសារសហប្រតិបត្តិការសំខាន់ៗជាច្រើន យុគសម័យ - នាវិទ្យាល័យរសៀលថ្ងៃទី ៧ មិថុនា នៅទីស្តីការគណៈរដ្ឋមន្ត្រី បន្ទាប់ពីបានដំណើរការកិច្ចពិភាក្សាទ្វេភាគី នាយករដ្ឋមន្ត្រី លោក Le Minh Hung និងនាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ លោក Sonexay Siphandone បានអញ្ជើញធ្វើជាសាក្សីក្នុងពិធីប្រគល់ទទួលបណ្តាឯកសារសហប្រតិបត្តិការវៀតណាម-ឡាវ។

ខេត្ត Gia Lai ធ្វើឱ្យជាក់ស្តែងនូវបណ្តាកិច្ចព្រមព្រៀងសហប្រតិបត្តិការឆ្នាំ ២០២៦ ជាមួយបណ្តាខេត្តភាគខាងត្បូងឡាវ និងភាគភូមិភាគឥសានកម្ពុជា យុគសម័យ - គណៈកម្មាធិការប្រជាជនខេត្ត Gia Lai ទើបតែបានដាក់ចេញនូវបណ្តាផែនការដាក់ពង្រាយកិច្ចសហប្រតិបត្តិការឆ្នាំ ២០២៦ ជាមួយខេត្តចំនួន ៤ ភាគខាងត្បូងឡាវ និងខេត្តចំនួន ៣ ភាគភូមិភាគឥសានកម្ពុជា សំដៅធ្វើឱ្យជាក់ស្តែងនូវបណ្តាកំណត់ហេតុនៃការយោគយល់គ្នាសហប្រតិបត្តិការដំណាក់កាល ២០២៦-២០៣០។ នេះគឺជាជំហានដើរដ៏សំខាន់ រួមចំណែកបង្កើនទំនាក់ទំនងមិត្តភាព ជម្រុញការផ្សារភ្ជាប់ការអភិវឌ្ឍ និងពង្រីកកិច្ចសហប្រតិបត្តិការគ្រប់ជ្រុងជ្រោយរវាងបណ្តាមូលដ្ឋានជាប់ព្រំដែននៃប្រទេសទាំងបី វៀតណាម - ឡាវ - កម្ពុជា។

សុវណ្ណ

thoidai.com.vn