ការបំប្លែងឌីជីថលនៅក្នុងវិស័យកសិកម្ម ត្រូវការកម្លាំងកិច្ចសហប្រតិបត្តិការច្រើនភាគី

នាថ្ងៃទី ២៨ ខែកក្កដា នៅទីក្រុង Ha Noi សហព័ន្ធបណ្តាអង្គការមិត្តភាពវៀតណាម បានរៀបចំអង្គសិក្ខាសាលាឯកទេស «ការបំប្លែងឌីជីថលនៅក្នុងវិស័យកសិកម្មវៀតណាម៖ បង្កើនកិច្ចសហប្រតិបត្តិការច្រើនភាគី ដើម្បីការអភិវឌ្ឍន៍ប្រកបដោយចីរភាព»។ អង្គសិក្ខាសាលាបានជួបជុំតំណាងបណ្តាស្ថាប័នគ្រប់គ្រង អង្គការអន្តរជាតិ អង្គការក្រៅរដ្ឋាភិបាលបរទេស សហគ្រាស និងមូលដ្ឋាន ក្នុងគោលបំណងផ្លាស់ប្តូរទិសដៅ ចែករំលែកបទពិសោធន៍ និងស្នើឡើងនូវបណ្តាដំណោះស្រាយ ជម្រុញការបំប្លែងឌីជីថលនៅក្នុងវិស័យកសិកម្ម។

ថ្លែងមតិបើក អនុប្រធានសហព័ន្ធបណ្តាអង្គការមិត្តភាពវៀតណាម លោក Nguyen Ngoc Hung បានឱ្យដឹងថា ទោះបីជាសមាមាត្រកសិកម្មនៅក្នុង GDP មានការថយចុះតាមបណ្តាឆ្នាំក៏ដោយ ក៏វិស័យកសិកម្មនៅតែជា «ជើងទម្រ» នៃសេដ្ឋកិច្ច រក្សាតួនាទីយ៉ាងសំខាន់ ក្នុងការធានាសន្តិសុខស្បៀង និងការអភិវឌ្ឍន៍ប្រកបដោយចីរភាព។ នៅក្នុងបរិបទថ្មី ការបំប្លែងឌីជីថល មិនត្រឹមតែជួយលើកកម្ពស់ទិន្នផល គុណភាពផលិតផលប៉ុណ្ណោះទេ ប៉ុន្តែនៅតែបង្កើតលក្ខខណ្ឌ ដើម្បីឱ្យប្រជាជនភ្ជាប់ខ្លួនជាមួយកសិកម្ម ពង្រីកតម្លៃនៃបណ្តាផលិតផលពិសេសប្រចាំតំបន់ និងពង្រីកទីផ្សារនៅក្នុងប្រទេស ព្រមទាំងអន្តរជាតិផងដែរ។

លោក Nguyen Ngoc Hung ក៏បានវាយតម្លៃខ្ពស់ ចំពោះតួនាទីរបស់បណ្តាអង្គការក្រៅរដ្ឋាភិបាលបរទេស ក្នុងការជួយឧបត្ថម្ភអភិវឌ្ឍន៍កសិកម្ម នៅ វៀតណាម។ តាមទិន្នន័យស្ថិតិ មានអង្គការប្រមាណ ៦០ កំពុងអនុវត្តបណ្តាគម្រោងនៅក្នុងវិស័យនេះ ជាមួយនឹងតម្លៃជំនួយសរុបប្រមាណពី ៤៥ ដល់ ៥០ លានដុល្លារអាមេរិក ក្នុងមួយឆ្នាំៗ នៅក្នុងដំណាក់កាល ៥ ឆ្នាំចុងក្រោយនេះ។ មិនត្រឹមតែនាំមកនូវប្រភពធនធានហិរញ្ញវត្ថុប៉ុណ្ណោះទេ បណ្តាអង្គការនៅតែចែករំលែកបទពិសោធន៍ ម៉ូដែល និងភ្ជាប់ទំនាក់ទំនងកិច្ចសហប្រតិបត្តិការអន្តរជាតិ រួមចំណែកជម្រុញការច្នៃប្រឌិតថ្មីនៅក្នុងវិស័យកសិកម្ម។

លោក Nguyen Ngoc Hung អនុប្រធានសហព័ន្ធបណ្តាអង្គការមិត្តភាពវៀតណាម ថ្លែងមតិ។

ការបំប្លែងឌីជីថល គឺជាតម្រូវការមិនអាចខ្វះបាន

ឡើងបកស្រាយរបាយការណ៍ណែនាំ នៅឯអង្គសិក្ខាសាលា លោក Vu Ngoc Tuan អនុប្រធានបន្ទប់បច្ចេកវិទ្យាឌីជីថល នៃនាយកដ្ឋានបំប្លែងឌីជីថល (ក្រសួងកសិកម្ម និងបរិស្ថាន) បានវាយតម្លៃថា វិស័យកសិកម្មកំពុងប្រឈមមុខក្នុងពេលដំណាលគ្នា ជាមួយនឹងប្រឈមជាច្រើន ដូចជាការប្រែប្រួលអាកាសធាតុកាន់តែខ្លាំងក្លា ការកាត់ផ្តាច់ខ្សែច្រវាក់ផ្គត់ផ្គង់សកលលោក និងតម្រូវការផ្លាស់ប្តូរថ្មីម៉ូដែលកំណើន។

បណ្តាទីផ្សារនាំចេញ ក៏កាន់តែដាក់ចេញនូវបណ្តាស្តង់ដារយ៉ាងតឹងរ៉ឹង អំពីគុណភាព ការស្វែងរកប្រភពដើម និងភាពតម្លាភាពព័ត៌មាន។ នៅក្នុងបរិបទនោះ ការអនុវត្តវិទ្យាសាស្ត្របច្ចេកវិទ្យា និងការបំប្លែងឌីជីថល មិនមែនជាជម្រើសទៀតទេ ប៉ុន្តែបានប្រែក្លាយជាលក្ខខណ្ឌបង្ខំ ដើម្បីលើកកម្ពស់កម្លាំងប្រកួតប្រជែងនៃកសិផលវៀតណាម។

យោងតាមលោក Vu Ngoc Tuan ក្រសួងកសិកម្ម និងបរិស្ថានកំពុងផ្លាស់ប្តូរបន្តិចម្តងៗពីគំរូអភិបាលកិច្ចវិមជ្ឈការទៅជាគំរូអភិបាលកិច្ចដែលជំរុញដោយទិន្នន័យ។ ក្រសួងបានបង្កើតក្របខ័ណ្ឌស្ថាបត្យកម្មឌីជីថល ក្របខ័ណ្ឌអភិបាលកិច្ចទិន្នន័យ បែងចែកលំហទិន្នន័យទៅជា ២៧ ដែន និងបានចេញបទប្បញ្ញត្តិបច្ចេកទេសចំនួន ១៩ សម្រាប់មូលដ្ឋានទិន្នន័យឯកទេស។ ក្នុងពេលជាមួយគ្នានេះ ប្រព័ន្ធតាមដានរបស់ក្រសួងត្រូវបានដាក់ឱ្យដំណើរការសាកល្បងចាប់តាំងពីខែកក្កដា ឆ្នាំ ២០២៦ ដែលដំបូងឡើយត្រូវបានអនុវត្តចំពោះខ្សែសង្វាក់ផ្គត់ផ្គង់នាំចេញផ្លែទុរេន ហើយនឹងត្រូវបានពង្រីកបន្ថែមទៀតដល់ទំនិញសំខាន់ៗផ្សេងទៀត។

លោក Vu Ngoc Tuan អនុប្រធានបន្ទប់បច្ចេកវិទ្យាឌីជីថល នៃនាយកដ្ឋានបំប្លែងឌីជីថល (ក្រសួងកសិកម្ម និងបរិស្ថាន) ឡើងបកស្រាយរបាយការណ៍ណែនាំ។

ទោះជាយ៉ាងណាក៏ដោយ ដំណើរការបំប្លែងឌីជីថល នៅតែប្រឈមមុខ ជាមួយនឹងឧបសគ្គជាច្រើន ដូចជាទិន្នន័យបែកចែក បច្ចេកវិទ្យាមិនទាន់ស៊ីសង្វាក់គ្នា គម្លាតអំពីហេដ្ឋារចនាសម្ព័ន្ធ រវាងបណ្តាមូលដ្ឋាន និងជាពិសេសគឺ គម្លាតឌីជីថល រវាងសហគ្រាសធំៗ ជាមួយបណ្តាសហករណ៍ និងគ្រួសារកសិករ។

«ខ្នាត និងកម្រិតស្មុគស្មាញ នៃបដិវត្តន៍ឌីជីថលនៅក្នុងវិស័យកសិកម្ម បានហួសពីសមត្ថភាព នៃប្រធានបទឯកកោណាមួយ» លោក Vu Ngoc Tuan បានសង្កត់ធ្ងន់។ តាមលោក ចាំបាច់ត្រូវបង្កើតឡើងនូវ «សម្ព័ន្ធភាពកិច្ចសហប្រតិបត្តិការច្រើនភាគី» ជាមួយនឹងការចូលរួមរបស់រដ្ឋ សហគ្រាស មូលដ្ឋានស្រាវជ្រាវ អង្គការអន្តរជាតិ និងកសិករ ដើម្បីកៀរគរប្រភពធនធាន ចែករំលែកចំណេះដឹង និងជម្រុញការច្នៃប្រឌិតថ្មី។

កិច្ចសហប្រតិបត្តិការអន្តរជាតិ បង្កើតកម្លាំងរុញច្រាន សម្រាប់ការច្នៃប្រឌិតថ្មី

ចែករំលែកបទពិសោធន៍ ពីកម្មវិធី Aus4Innovation លោកស្រី Nguyen Thi Huong Thao អ្នកគ្រប់គ្រងកម្មវិធី Aus4Innovation ចំណុះអង្គការស្រាវជ្រាវវិទ្យាសាស្ត្រ និងឧស្សាហកម្ម នៃកុសលសម្ព័ន្ធអូស្ត្រាលី (CSIRO) បានឱ្យដឹងថា កម្មវិធីកំពុងផ្តោតលើការជួយឧបត្ថម្ភ បណ្តាដំណោះស្រាយបំប្លែងឌីជីថល បម្រើកសិកម្មប្រកបដោយចីរភាព និងបន្សាំទៅនឹងការប្រែប្រួលអាកាសធាតុ។

តាមលោកស្រី Huong Thao បច្ចេកវិទ្យាជាច្រើន ដូចជាបញ្ញាសិប្បនិម្មិត (AI) អ៊ីនធឺណិតនៃអ្វីៗគ្រប់យ៉ាង (IoT) រូបភាពរណប រ៉ូបូត វេទិកាទិន្នន័យ ឬច្បាប់ចម្លងឌីជីថល ត្រូវបានអនុវត្តនៅក្នុងបណ្តាគម្រោង ក្នុងគោលបំណងលើកកម្ពស់ទិន្នផលដំណាំ កាត់បន្ថយការភាយចេញ ស្វែងរកប្រភពដើម និងជួយឧបត្ថម្ភការចេញសេចក្តីសម្រេច ផ្អែកលើទិន្នន័យ។ បណ្តាដំណោះស្រាយទាំងនេះ មិនត្រឹមតែជួយលើកកម្ពស់ប្រសិទ្ធភាពផលិតកម្មប៉ុណ្ណោះទេ ប៉ុន្តែនៅតែពង្រីកឱកាសចូលទៅជិតទីផ្សារ សម្រាប់កសិករផងដែរ។

«ការច្នៃប្រឌិតថ្មី មិនមែនជាការនាំយកបច្ចេកវិទ្យា ពីបរទេសចូលមក វៀតណាម នោះទេ ប៉ុន្តែត្រូវតែជាដំណើរការរួមគ្នាអភិវឌ្ឍន៍ រវាងដៃគូអន្តរជាតិ និងដៃគូវៀតណាម ជាមួយនឹងការចូលរួមរបស់កសិករ ចាប់តាំងពីដំបូងមក» លោកស្រី Nguyen Thi Huong Thao បានចែករំលែក។ លោកស្រីក៏បានសង្កត់ធ្ងន់ថា ជំនួសឱ្យការផ្ទេរប្រគល់បច្ចេកវិទ្យាតាមទិសដៅតែមួយ ចាំបាច់ត្រូវយកចិត្តទុកដាក់ លើកកម្ពស់សមត្ថភាព សម្រាប់បណ្តាដៃគូមូលដ្ឋាន ក្នុងគោលបំណងធានាថា បណ្តាម៉ូដែល អាចត្រូវបានពង្រីក និងអភិវឌ្ឍន៍ប្រកបដោយចីរភាព បន្ទាប់ពីគម្រោងបានបញ្ចប់។

តំណាង HELVETAS វៀតណាម បានចែករំលែកបទពិសោធន៍ជាច្រើន ក្នុងការធ្វើឌីជីថលកម្ម ខ្សែច្រវាក់តម្លៃកសិកម្ម តាមរយៈបណ្តាគម្រោង អំពីតែ គ្រឿងទេស កាកាវ និងម្រេច។ តាមនោះ ការធ្វើឌីជីថលកម្ម ចាំបាច់ត្រូវចាត់ទុកថាជាឧបករណ៍ បម្រើការអភិវឌ្ឍន៍កសិកម្មបៃតង សេដ្ឋកិច្ចវិលជុំ មិនមែនជាគោលដៅចុងក្រោយនោះទេ។

តំណាង HELVETAS យល់ឃើញថា ទិន្នន័យត្រូវតែបានចាត់ទុកថា ជាគ្រឹះស្ថាននៃដំណើរការបំប្លែងឌីជីថល។ ការអនុវត្តគួរតែធ្វើឡើងតាមជំហានៗ ជ្រើសរើសបណ្តាវគ្គចាំបាច់បំផុត ជាមុនសិន មុនពេលពង្រីក ព្រមទាំងធានាការចូលរួមរបស់កសិករ ចាប់តាំងពីវគ្គរចនា ដើម្បីឱ្យបណ្តាដំណោះស្រាយ ពិតជាសមស្រប ជាមួយការជាក់ស្តែងផលិតកម្ម។

លោកស្រី Nguyen Thi Huong Thao អ្នកគ្រប់គ្រងកម្មវិធី Aus4Innovation ចំណុះអង្គការស្រាវជ្រាវវិទ្យាសាស្ត្រ និងឧស្សាហកម្ម នៃកុសលសម្ព័ន្ធអូស្ត្រាលី (CSIRO) ចូលរួមធ្វើបទអន្តរាគមន៍ នៅឯអង្គសិក្ខាសាលា។

នៅជ្រុងមើលនៃមូលដ្ឋាន លោក Duong Son Ha អនុប្រធានមន្ទីរកសិកម្ម និងបរិស្ថានខេត្ត Thai Nguyen បានឱ្យដឹងថា ខេត្តកំពុងជំរុញយ៉ាងខ្លាំង ការកសាងមូលដ្ឋានទិន្នន័យកសិកម្ម ផែនទីឌីជីថលតំបន់ដាំដុះ ប្រព័ន្ធស្វែងរកប្រភពដើម និងនាំយកបណ្តាផលិតផល OCOP ឡើងលើផ្សារពាណិជ្ជកម្មអេឡិចត្រូនិក។

ចំពោះដើមតែ - ផលិតផលបង្គោលនៃមូលដ្ឋាន - Thai Nguyen ដាក់ចេញគោលដៅដល់ឆ្នាំ ២០៣០ សម្រេចបានចំណូលប្រមាណ ២៥.០០០ ពាន់លានដុង ក្នុងនោះ ៧០% នៃផ្ទៃដីតែ ត្រូវបានផ្តល់លេខកូដតំបន់ដាំដុះ និងសម្រេចបានបណ្តាស្តង់ដារគុណភាព បម្រើការនាំចេញ។ ទោះជាយ៉ាងណាក៏ដោយ មូលដ្ឋានក៏ប្រឈមមុខ ជាមួយនឹងបណ្តាការលំបាក អំពីថវិការក្សាហេដ្ឋារចនាសម្ព័ន្ធឌីជីថល កង្វះខាតធនធានមនុស្សបច្ចេកវិទ្យាព័ត៌មាន និងកម្លាំងពលកម្មវ័យក្មេង កាន់តែចាកចេញឆ្ងាយពីតំបន់កសិកម្ម។

បណ្តាប្រតិភូពិភាក្សា នៅឯអង្គសិក្ខាសាលា។

នៅឯអង្គសិក្ខាសាលា បណ្តាប្រតិភូបានឯកភាពគ្នាថា ការបំប្លែងឌីជីថលនៅក្នុងវិស័យកសិកម្ម មិនត្រឹមតែជារឿងរ៉ាវនៃការអនុវត្តបច្ចេកវិទ្យាប៉ុណ្ណោះទេ ប៉ុន្តែគឺជាដំណើរការផ្លាស់ប្តូរថ្មីវិធីសាស្ត្រគ្រប់គ្រង ផលិតកម្ម និងភ្ជាប់ទំនាក់ទំនងទីផ្សារ។ ចង់កសាងវិស័យកសិកម្មឆ្លាតវៃ តម្លាភាព និងអភិវឌ្ឍន៍ប្រកបដោយចីរភាព ចាំបាច់ត្រូវបន្តជំរុញកិច្ចសហប្រតិបត្តិការច្រើនភាគី កៀរគរយ៉ាងមានប្រសិទ្ធភាពនូវប្រភពធនធាន ពីរដ្ឋ សហគ្រាស អង្គការអន្តរជាតិ មូលដ្ឋានស្រាវជ្រាវ និងកសិករ ដើម្បីរួមគ្នាកសាងប្រព័ន្ធអេកូឡូស៊ីកសិកម្មឌីជីថល នៅក្នុងដំណាក់កាលថ្មី៕

វៀតណាមនៅក្រៅប្រទេសរួមចំណែកជំរុញការនាំចេញកសិផលរបស់វៀតណាម យុគសម័យ - នៅព្រឹកថ្ងៃទី២៧ ខែមេសា នៅខេត្តខាញ់ហ័រ បានរៀបចំសន្និសីទបូកសរុបរយៈពេល៥ឆ្នាំនៃការអនុវត្តគម្រោង “កៀងគរប្រជាជនវៀតណាមនៅក្រៅប្រទេស ចូលរួមការណែនាំ ប្រើប្រាស់ផលិតផល និងបណ្តាញចែកចាយទំនិញវៀតណាមនៅក្រៅប្រទេស ដំណាក់កាល២០២០-២០២៤” យោងតាមសេចក្តីសម្រេចលេខ ១៧៩៧/QD-១៩ ចុះថ្ងៃទី២០ ខែធ្នូ របស់នាយករដ្ឋមន្ត្រី។ សន្និសីទនេះត្រូវបានរៀបចំឡើងដោយគណៈកម្មាធិការរដ្ឋទទួលបន្ទុកជនវៀតណាមនៅឯបរទេស ក្រសួងការបរទេស និងគណៈកម្មាធិការប្រជាជនខេត្តខាញ់ហ័រ ដោយមានការចូលរួមពីគណៈប្រតិភូជិត២៥០នាក់ ទាំងផ្ទាល់ និងតាមអ៊ីនធឺណិត។

វៀតណាមស្វែងរកឱកាសដើម្បីបង្កើនការនាំចូលផលិតផលកសិកម្ម ព្រៃឈើ និងនេសាទពីសហរដ្ឋអាមេរិក យុគសម័យ - ចាប់ពីថ្ងៃទី ២ ដល់ថ្ងៃទី ៧ ខែមិថុនា រដ្ឋមន្ត្រីក្រសួងកសិកម្ម និងបរិស្ថាន លោក Do Duc Duy បានដឹកនាំគណៈប្រតិភូស្ថាប័ន សហគ្រាស និងសមាគមជិត ៥០ នៃកសិផលវៀតណាមទៅទស្សនា ធ្វើការ និងស្វែងរកឱកាសជំរុញពាណិជ្ជកម្ម និងនាំចូលផលិតផលកសិកម្ម រុក្ខាប្រមាញ់ និងនេសាទពីសហរដ្ឋអាមេរិក។

សុវណ្ណ

thoidai.com.vn